رابطة مالكى استرا ( j )

**a_samir2011** · 28-01-2014 12:59 AM

المشاركة الأصلية كتبت بواسطة nadernabil

فرع جسر السويس معندهمش الكلام ده خالص... انا بتكلم على تغيير الفلتر و المدة الزمنية بين الصيانات لما عملت صيانة ال٢٠٠٠٠ كنت مفوت ٩ شهور و ١٥٠٠٠ من اخر صيانة و قالولي مش هانغير فلتر هواء هاننضفه بس.

انما الاسعار مظبوطة و معقولة بالنسبة لفئتها

ياباشا احنا بيضحك علينا انت عارف كل 10 الاف كيلو المفروض تدفع 1500 جنيه ولما كلمتهم فى التوكيل بقولهم ليه ادفع كل 10 الاف كيلو 1500 جنيه يعني كل 8 شهور حوالى 220 جنيه قالولى هو براند بس واسعارها شبه الكروز شويه قلتله اسعار ايه بتاعه الكروز كانت صيانه ال 45 الف ب 2500 وانتوا هنا ب 5000 جنيه يعني الضعف مينفعش تقارن لا سعر صيانه ولا اصلا عربيه

وبعدين انا موافق اعمل صيانه وادفع الفلوس دي معنديش اي مشكله بس امشي على الكيلومترات ومدفعش فلوسي فى الهوا ميجيش هو يقولى لا اصل انت بتخل بالصيانه ولما كلمت فرع جسر السويس قالى عموما ممكن يبقي فى فتره سماح وكل 6 شهور بدل 4 شهور

الصراحه حسيتهم كفتجيه كده ومبيتكلموش على اساس وانت بنفسك ياباشا بتقول 9 شهور ومره 6 شهور ومره 4 حسيت انها فصال وكل همهم ان فلوس تدخلهم كل فتره وخلاص ... الصراحه كلام نرفزني جدا وحسيت ان بسبب التوكيل ممكن اندم اني اشتريت العربيه دي مع انهم فى الشيفروليه كانوا نضاف شويه عن كده

**dede_dodo88** · 28-01-2014 02:48 AM

أنا كمان أسبوع و أكمل سنة بالظبط على أخر صيانة عملتها و مش هكون لسة قفلت الـ25000
lol
أصل صيانة أيه دي اللي أعملها للعربية و هي مركونة!!
هو عموماً شهر 4 اللي جاي أكون كملت الـ3 سنين و الضمان يخلص.. قال يعني الضمان بيفرق في أي حاجة..

**Abdo Taha** · 28-01-2014 02:13 PM

يا جدعان سيبوكو منهم كل 15 او 20 الف روحو و اعملو الصيانة او تشييك عليها هى العربية ادت اي انذار ان معاد صيانتها جه ؟ لأ يبقى ملكوش دعوة بكلامهم هما مش اللي مالكين العربية عشان يتحكمو في معاد صيانتها حاسس مثلا ان التيل عايز يتغير ماشي سيور مثلا طولت ماشي ده والدي مغير سير الكاتينة في الفيكترا سي عند 100 الف و المفروض يتغير في صيانة ال 60 الف و مفتحوش بقهم و طرمبة المية لسة متغيرتش لحد دلوقتي و العربية داخلة على 130 الف و عادي ما تخدوش بكلامهم اوي عشان المعارض العربيات و توكيلاتها و صيانتها مفيش في دماغهم حاجة كلهم كفتجية و اي فتي و خلاص .

**Mr_revenger** · 01-02-2014 01:22 AM

ابقى عرفنا النتايج ايه يا باشا

**melagouze** · 01-02-2014 10:57 PM

بعد اذنكم يا جماعه ...انا بعد اي مشوار بسمع صوت تكات عالية اشبه بالتخبيط في العفشه من ورا عند العجل

و الصوت ده بسمعه لما العربيه بتقف و يبدا ينزل واحده واحده

الصوت ده جديد عندي و مش عارف بتاع ايه....

**melagouze** · 02-02-2014 01:56 AM

بعد اذنكم يا جماعه عايز اعرف استهلاك ميه التبريد معاكم ايه....بتزودا ميه كل كام كيلو .....انا حاسس ان فيه حاجه غلط عندي

**K.Ossama** · 02-02-2014 10:18 AM

المشاركة الأصلية كتبت بواسطة melagouze

بعد اذنكم يا جماعه عايز اعرف استهلاك ميه التبريد معاكم ايه....بتزودا ميه كل كام كيلو .....انا حاسس ان فيه حاجه غلط عندي

العربية موديل كام وعاملة كام كيلو؟

**melagouze** · 02-02-2014 10:56 AM

المشاركة الأصلية كتبت بواسطة k.ossama

العربية موديل كام وعاملة كام كيلو؟

2012 , 35 الف....

**K.Ossama** · 02-02-2014 05:42 PM

المشاركة الأصلية كتبت بواسطة melagouze

2012 , 35 الف....

مش المفروض ان المية تنقص
اول حاجة لازم تتأكد إن غطاء الاربة مقفول تمام لو تمام يبقى دايرة التبريد محتاجة مراجعة علشان لو فيه تسريب لازم يتصلح

الموضوع: رابطة مالكى استرا ( j )

LinkBack

أدوات الموضوع

عرض

-

-

-

-

-

المواضيع المتشابهه

رابطة عشاق و مالكى فيات سيينا بجميع موديلاتها

رابطة مالكى الاكسيل-الجزء الأول

الكلمات الدلالية لهذا الموضوع

المفضلات

المفضلات

ضوابط المشاركة