اقتباس المشاركة الأصلية كتبت بواسطة yahia.ali مشاهدة المشاركة
الزملاء الأفاضل في رابطة ملاك أسترا j
أنا عضو جديد في المنتدى ولو تسمحولي أشارك معكم في الرابطة
عاوز إن شاء الله أشتري عربية جديدة ومحتاج مساعدتكم
أنا محتار بين كورولا ٢٠١٥ (الفئة الثانية في الاوتوماتيك) والأسترا ٢٠١٥ كوزمو
لما اتفرجت على الاتنين، عجبني في الكورولا الوسع في الكنبة والمسافة الكبيرة بين كرسي السواق والكنبة والاوبشنز الكتير اللي فيها، بس طبعا أعجبت أكثر بكتييييير بالأسترا عشان شياكتها (خصوصا من الداخل) وجودة التقفيل ووسع الشنطة، بس عندي شوية تساؤلات لو ممكن حد يجاوبني عليها بخصوص الأسترا:
١- هل مشاكل الفتيس والرجة والنتشة والكركرة والحاجات اللي قريت عنها دي موجودة في ٢٠١٥ كمان؟
٢- البلوتوث في الكوزمو بيستخدم بس في التليفون؟ ما ينفعش استخدمه عشان اشغل ملفات صوت على الموبايل؟
٣- هل فعلا التكييف ضعيف نسبيا وبيأثر على السحب بشكل ملحوظ؟
٤- حد يعرف الشكل هيتغير امتى ان شاء الله؟ موديل ٢٠١٦ ولا موديل ٢٠١٧؟
٥- بالنسبة للصيانة، لما سألت قالولي كل ٥٠٠٠ او ٤ شهور، هل ده صحيح؟ أنا استخدامي قليل وحاسس ان صيانة كل ٤ شهور كتير.
٦- أثناء فترة الضمان، بأدفع مصاريف الصيانة ولا ده داخل في الضمان؟
٧- لو حبيت أركب كاسيت تاني عشان البلوتوث او الجي بي اس والشاشة التاتش وكدة، بس عاوز أعرف دي حاجة يوصى بيها ولا لا؟ ولو مفيهاش مشكلة أجيبه منين وأركبه فين عشان الضمان؟ وحد عنده فكرة عن الأنواع او الأسعار؟
آسف على الإطالة وأتمنى تقدروا تساعدوني
شكرًا لكل واحد كمل قراءة لحد هنا :)
شوف يا سيدى...
١- الرجة موجودة من وقت لآخر وكذلك الكركرة بس اقل من الرجة كمان. الاتنين بيقلوا مع البنزين النظيف وبيزيدوا مع العكس. إنما النتشة غير موجودة.
٢- البلوتوث أظن تليفون بس. ان ماعنديش لأنى كوزمو ٢٠١٣.
٣- التكييف جيد جداً (اليابانى أسرع شوية منه) ولا يؤثر على اداء العربية تماماً.
٤- الشكل الجديد مش قبل ٢٠١٧ ان شاء الله.
٥- انا بعمل الصيانة كل ١٠ آلاف (١٥-٢٥-٣٥-...)
٦- مصاريف الصيانة عليك يا باشا.
٧- فيه جهازين معتمدين من التوكيل وتركيبهم لا يؤثر على الضمان؛ شاشة ٧ بوصة touchscreen وبتشغل صور وأغاني وأفلام وGPS. أسعارهم 4200 و5200.
أنا مركب الأول.
تحياتي