ليا ملحوظتين بس
الاولي هي بلد المنشأ للماركات العالمية
كل الماركات العالمية مصانعها بقت في دول العالم الثالث
صناعة الملابس الجاهزة في مصر قايمة علي تصنيع المنتجات القطنية لمعظم ان ما كانش كل الشركات العالمية
من اول شركات الجينز للملابس الكاجوال للملابس الداخلية
انا بنفسي شوفت منتجات جاب و كيه مارت و وول مارت و غيرها كتير بتتعمل في العاشر واسماعيلية و بورسعيد
و بتتصدر لامريكا تبع الكويز
فممكن حد يشتري منتج من امريكا مثلا و هو في الاخر انتاج مصنع في العبور او السادات

الملحوظة التانية بخصوص الانتاج الصناعي للدول المتقدمة
الدول المتقدمة متخصصة حاليا في الصناعات الاستراتيجية
و الهاي تك و صناعة المنتجات ذات القيمة المرتفعة
يعني صناعة الماكينات و المحركات و التربينات و الغلايات
مولدات الطاقة و المعدات الثقيلة
بالاضافة للالكترونيات المتقدمة زي الاجهزة العلمية و الطبية و الاقمار الصناعية
و اجهزة الاستشعار و الحساسات بالاضافة للصناعة العسكرية

مثال علي قوة بريطانيا
كل البروسيسور اللي في موبايلاتنا و تابلتاتنا و بلاي ستيشاناتنا
و كروت شاشاتنا جزء من تكلفتها عبارة عن قيمة ترخيص بنية ARM
المصممة و المملوكة لشركة بريطانية
اعتذر عن الاسترسال و الخروج عن الموضوع الاصلي
و ربنا يوفق صاحب الموضوع في مشترياته

Sent from my MZ601 using Forum Runner