الموضوع: حد فك تابلوة لانوس (بالكامل) من الرجالة

المشاركة الأصلية كتبت بواسطة محمد طايع

ايوه متاح بص انت خطوات عملك هتبقى كالتالى :

* فى موضوعك الجديد اكتب كلامك لغاية مكان اول صوره

* ترفع الصوره على موقع photobucket هيديلك حاجه اسمها direct link او الرابط المباشر للصوره
هتعمله نسخ Copy وتيجى هنا تضغط على ايقونة اسمها " ادراج صوره " وتحط الرابط الى نسخته فى المكان الى هيظهرلك وتضغط OK

* هتظهر الصوره او الرابط بتاعها تحت الكلام بتاعك فى المكان الى اختارته

* تنزل تحت الصوره أو الرابط الى اتحط باستخدام الأسهم الى فى الكيبورد و ال Enter وتكمل كلامك لغاية ما ييجى مكان الصوره الى بعدها

* ترفع الصوره الجديده على موقع photobucket وتعيد نفس الخطوات و هكذا وهكذا لغاية ما تخلص موضوعك

واللة يا اخ محمد طايع انا مش خايف غير انى بعد ما اعمل الموضع واتعب فية الروابط تروح بعد شهر او شهرين

على فكرة الموقع اللى انت اديتهولى فشلت فى التسجيل فية

فدورت على موقع تانى اسمة GOOL.US - Free Image Hosting وسجلت فية ورفعت منة الكام صورة دول
على اللة ما يلغيش الروابط بعد شهر ولا اتنين فى الموضوع الرئيسى اللى انا هعملة

المشاركة الأصلية كتبت بواسطة tarek_2005

القاطمة بتتفك عن طريق فك الفبرة السفلية للدريكسيون ثم فك الفبر الي حول الدركسيون ودا مربوط بالمسمارين خلف الطارة وثلاث مسامير من اسفل ثم فك كلاً من مفتاح النور ومفتاح المساحات وسلكة الكلاكس ثم فك فيشة كهرباء الكونتاكت وبعد كده هتخش علي التقيل في افل عمود الدركسيون عند التقائه بعلبة الدركسيون هتفم مسمار اعتقد 12 مم وبعدين ستجد خمس مسامير 12 مم مثبته القطمة في الصدر بتاع العربية هتفكهم هتخرج القطمة في ايدك ولكن خلي بالك حاول قبل فكها ان يكون العجل في وضع مستقيم والطارة مظبوطه تمام علشان تعرف ترجعها بظبطتها تمام

بغض النظر عن الفبر وكل الحاجات البسيطة

انا اخدت الصورة دى وانا نايم عى ضهرى فى دواسة السائق

هما دول الاربع مسامير اللى ماسكين الدركسيون من تحت التابلوة







ودول المسامير اللى مثبتة القطمة فى صدر العربية