نوبيرا والا فيكترا؟؟؟

**midooo_119** · 25-02-2013 04:27 PM

المشاركة الأصلية كتبت بواسطة msobhy

حضرتك لو بتشد مع الفيكترا اللى بالموتور الاسود هاتقطعه تماما - فيه ناس معاها الموتور الاسود واخرها 140 كيلو
لو بالموتور الايكوتك ال 1600 صعب قوى انك تلعب معاه بعد ال 40 كيلو وبسهوله بيوصل ل 180 كيلو
اما لو حضرتك هاتلعب مع الايكوتك ال 2000 سى سى - بدون مبالغه مش هاتشوف العربيه خاصتا بعد ال 60 - العربيه بتطيييييييييييييييييييييي ييييييييييييير بجد
اما بخصوص صاج النوبيرا - حضرتك انا كنت رايح اتفرج على نوبيرا فابريكه بره وجوه - العربيه كانت كلها تموجات فى الصاج - والناس كلها أكدت ان ده احد عيوب النوبيرا المعروفه - عمرك شوفت صاج فيكترا فيه التموجات ديه
بخصوص التكييف عن تجربه - فعلا سيئ - عن كلام الاعضاء فعلا مأسااااااااااااه
لكن أكيد رأى حضرتك أحسن منى لسبب - لو حضرتك واخد بالك انا ولا جبت ديه - ولا جبت ديه

حضرتك عندك حق فنقطه التموجات ديه لكن هى بتبقى غالبا فالابواب لكن الرفارف فعلا صاجها شديد وبالنسبه للمواتير انا طبعا مش ببقى عارف ده موتوره ايه و اكيد ال 2000 اشد منى و فالاخر راى حضرتك احترمه جدا و مقارنه جميله اشكرك عليها

**elshreef_hemo** · 26-02-2013 12:59 AM

المشاركة الأصلية كتبت بواسطة msobhy

]بخصوص التكييف عن تجربه - فعلا سيئ - عن كلام الاعضاء فعلا مأسااااااااااااه

انا مجربتوش بس كلام الأعضاء بيقول انه لو مظبوط بيبقى قوى وتلاجة!

**aboomar22** · 26-02-2013 01:11 AM

فى مصر الانسب النوبيرا لكن عن تجربة سنتين للفيكترا لو العربية دى سليمة ومهتم بيها يبقى تقارنها بعربية المانى زيها --لو بنتكلم عن التكييف فيه ناس بتقول علية كويس لكن تجربتى معاه انه ضعيف

**Mohamed ELOoL** · 26-02-2013 03:12 AM

انا كان معايا فيكترا و دلوقتي معايا نوبيرا

الفكترا : عربية قوية اوي اوي في كل حاجة ماتور و ثبات و فخامة بس الكلام دة كله لو سليمة جدا حاجتها غالية اه بس بتعيش و طبعا هاتكون ايدك فيها عشان العربية دي لو سبتها تفتح بقها هاتزعلك جامد

النوبيرا : جميلة جدا بردو ثبات و ماتور و صالون و قطع غيال عند البئال و تكيف تلاجة اشد طبعا من الفيكترا

من الاخر هاقولك النوبيرا عشان هي دي الي تنفعك ( عملية ) لاسرة مصرية :)

الموضع زي المقارنة المعتادة بين ( الفيرنا و رينو لوجان ) انت فهمتني

**m_medo** · 26-02-2013 08:24 AM

الفيكترا لازم تكون نضيفة... لأنها عن تجربة مع واحد صاحبى لو مش نضيفة هتتعبك قوى... وياريت تبعد عن ال 2000 سى سى عشان مش عارفين الحكومة هتعمل ايه فى البنزين

**elshreef_hemo** · 26-02-2013 09:40 AM

حاجة تحيــــــــر !

**msobhy** · 26-02-2013 10:32 AM

ابسطهالك - أعتقد ان حضرتك نسبيا بتفكر زيى
امكانيتك الماديه فى الصيانات عاليه - هات فيكترا
امكانيتك الماديه فى الصيانات على قد الحال - هات نوبيرا
بس خلاص

**mahmoud_anwar** · 26-02-2013 11:51 AM

ياباشاابعد عن الفيكترا لي اسباب كتيرة العربية الوحيدة الي نزلةغلط في مصر العربية بتسخن بسرعة
علي طول حساس الماف بيبوظ ثانيآ غلاءقطع غيارها بشكل مبالغ فيه رابعآصجها البارمة بتمسك فيه بسهولة
خمسآ اعادة بيعها ضعيفة جدآآآآ محدش بيشتريها في مصر سمعتها سبقها مش عارف العربية دي عار علي المانيا بجد
ابعد عنها غيران ملهاش ميكانيكي فاهم اصلآ عربيه عجيبة الشكل انتا ممكن تشتري وحه 2004 بي 50 الف طبعآ مبلغ رخيص فيعربية الماني عارف السبب ايه ان قطع غيارها غالية بتسخن بسرعة تاني شيئ ملهاش سوق انتا وحظ ممكن تنزل تجبها بي 40 ممكن تنزل تشتريها بي 50 مش ثبته في سعرها زي الدايو ولانسر والنيسان والتيوتا