رعشة فى سيراتو 2010

**hanyghazal** · 25-02-2013 12:05 PM

السلام عليكم

عندى رعشة خفيفة لما اشغال النور العالى و انا على ال p و لما اكون على ال d و العربية واقفة و اشغل النو رالعالى الرعشة بتزيد

هل الوضع دة طبيعى و لا لا؟

و لو مش طبيعى ممكن تكون مسلا عيب بطارية مع العلم ان البطارية دة الاصلية بتاعة العربية

العربية 2010 عاملة 74000 كم

يريت حد يرد سريعا

شكرا

**moha4tec** · 25-02-2013 12:15 PM

تقريبا الارضى عندك ضعيف و عاوز يتقوى +تنضف بوابة الهوا و تشيك على البوجيهات و الله اعلم

**dr_k** · 25-02-2013 01:07 PM

حصلت معايا ولما رحت لمركز الخدمة قالى الارضي كان عايز يتربط كويس وفعلا اختفت

**احمد المصرى** · 25-02-2013 01:39 PM

يعنى ايه الارضى عايز يتربط وبتربط اذاى ومنين

**hanyghazal** · 25-02-2013 05:42 PM

شكرا يا جماعا على ردكم بس انا شوفت الارضى السلك الواصل بين البطارية و جسم العربية و كان مربوط كويس فهل يكون ممكن محتاج تقوية ارضى او البطارية ممكن ضعيفة

انا بحس بالرعشة بتبا زيادة فى اول لما اولع النور العالى و تقل بعد كدة و لكن تفضل موجدة بس خفيفة

**abdalhalboray** · 25-02-2013 06:35 PM

للتنبية انا سيراتو 2012 خليجى ونفس الموضوع بردوو لما اكون على السلانسية واشغل النور او التكييف او احرك الدريكسون صوت الموتور بيعلى لكن بيعلى اكتر لما بشغل النور العالى على فكرة العربية شفاط بنزين والعربية عاملة 22000 وارجو الرد من الاخوة الكرام وهل موضوع الارضى وموضوع كابل الانور مش متثبت كويس دا ممكن يكون السبب

**moha4tec** · 25-02-2013 09:29 PM

المشاركة الأصلية كتبت بواسطة abdalhalboray

للتنبية انا سيراتو 2012 خليجى ونفس الموضوع بردوو لما اكون على السلانسية واشغل النور او التكييف او احرك الدريكسون صوت الموتور بيعلى لكن بيعلى اكتر لما بشغل النور العالى على فكرة العربية شفاط بنزين والعربية عاملة 22000 وارجو الرد من الاخوة الكرام وهل موضوع الارضى وموضوع كابل الانور مش متثبت كويس دا ممكن يكون السبب

ممكن طبعا يكون السبب فى الرعشه و كده
لكن استهلاك البنزين ممكن يتظبط شويه لو شيلت فيوز ال main ECU و كمان تشيك على الفرامل قفشه و الا العجل بيلف بحريه .
يعنى مثلا لو رحت بنزينه تغسل الشاسيه و كده ا.او رحت لحد بتاع كوتش .شوف العجل اللى مرفوع و انت منزل الهاند .و حركه بايدك و العربيه مبطله طبعا .هل بيتحرك بحريه و فيه قصور زاتى و الا مبيتحرك بصعوبه .
الموضوع بتاع الفرامل دا اتعمل فى .ولاد اللذينه فى اخر صيانه قرطو و رجلشوا التيل جامد عشان يقفش على الطنابير و التيل يخلص بسرعه .و من اعراض كده استهلاك بنزين عالى و طنابير كمان و سخونه جامده فى الطنابير و الجنط و كده .و كل دا يخلى الواحد كل شويه يجرى على المراكز و التوكيل
و فى الاخر طلعت الاستهلاك العالى من الفرامل و الله اعلم .
كمان جرب تشيل فيوز اللى قولتلك عليه .هتلاقى صوت العربيه نعم لمدة تفويله تقريبا او كذا يوم و الاستهلاك بقى افضل بكتير من الاول باذن الله او ممكن تفصل كابل البطاريه .بس الفيوز و الله اعلم افضل
بس هتضيع قنوات الراديو تقريبا
بس قولى الاول انت رجلك تقيله على البنزين ؟؟؟
بتعمل كام كم فى الصفيحه .
مشيك كله داخل المدينه و الا سفر
بتقرص كتير و كيك دون كتير و الا اه ؟؟؟
بتمون من وطنيه و امارات مصر و الا من بنزينه وحشه
السيراتو حساسه جدا للبنزين .
و ربنا معاك