أول حاجه شكرا جدا علي إهتمامكوا ودعواتكوا بجد رجاله رجاله وياريت لو نقدر ونتواصل مع بعض ونعمل صداقات مع بعض ونتقابل كمان بره ده أكيد هيكون شرف ليا بالنسبه للعربيه أول ماوصلت التوكيل في القطاميه جالي المهندس قالي استني في الإنتظار وهنشوف المشكله وكان هو نفس المهندس الي كلمني علي الموبايل ساعة لما كانت العربيه تحت البيت بالظبط 10 دقايق مش أكتر ولقيتوا جالي وقالي العربيه زي الفل وتعالي إستلم وقالي إن المشكله كانت وصله في المارش إتفكت من مكانها مكنتش متثبته بالأسلوب الصح وده عيب صناعه ومتخفش المشكله مش هتيجي تاني بس بصراحه ياجماعه انا لما روحت التوكيل كنت متنرفز جدا وبصراحه كنت بتكلم بإسلوب مش كويس والجماعه الي في التوكيل هدوني جدا وكانت معاملتهم ممتازه وإتصلوا بيا النهارده الصبح علشان يتأكدو أن كل حاجه تمام وبجد شكرا لإهتمامكوا يارجاله ويارب يحفظ طريقكوا