أرجوكم سرعة الرد للأهميه يا أصحاب الماروتى

**wael nour** · 25-02-2013 04:46 PM

السلام عليكم معلش شوفوا الموضوع للأخر انا عربيتى زى ماقولت قبل كده اتقلب حالها لما روحت توكيل الهايكستيب مشيت بيها شويه بس مش مريحانى توكلت على الله وروحت توكيل ابو رواش وقولت للمهندس على اللى فيها وجربها وقالى تمام سيبها. وكانت المشكله( صوت تصفيره مع الدوس على دواسه البنزين + ظبط الكربراتير ومسمار الهواء والاسبراتير + صوت تصفيره على الغيار الثالث من 40 الى 60 ) كلمنى المهندس اخر اليوم وقالى هنغير سير الدينامو فقولتلو غير مالعربيه فى الضمان فقالى لأ السير بره الضمان بحوالى 60 جنيه وهنظبط الكربراتير بحوالى 50 جنيه فقولتلو اشتغل وكده كان ناقص تصفيرة الغيار الثالث قالى هنشوف ولما كلمته تانى يوم قالى مش فتيس بايظ ده كل الماروتى كده وقالى جربت ماروتى جديده عملت نفس الصوت والمفروض استلم بكره السؤال بعد اذنكم حد يجرب عربيته الماروتى ويرد عليا حتى لو بالليل هل الغيار الثالث من سرعه 40 الى 60 بيعلى عن صوته الطبيعى عن باقى الغيارات وبالأخص عند 50 السؤال الثانى هو ايه الضمان ولزمته لما يدفعنى ثمن السير وثمن ظبط الماتور وصح انى ادفع ولا الضمان المفروض ميدفعنيش ملحوظه العربيه 2012 وعامله 6000 كيلو بس اسف للأطاله بس محتاج الرد من حضرتكم وشكرا

**islamahmed1990** · 25-02-2013 05:18 PM

الظبط و السير ده صيانه دوريه
فالظبط ياخدد مصنعيته مفيش مشاكل

لكن السير المفروض لسه عليه مش معاده فده ممكن تزق فيه معاهم لو هوا الفبريقا بتاع العربيه
و قولنا عملت معاهم ايه في الأخر
و اقري برده كتاب الضمان شوف بيقول ايه اللي في الضمان و ايه بره الضمان

**lidosasa** · 25-02-2013 05:35 PM

مش حقدر أفيدك قوى لآن عربيتى مستعملة موديل 2007 بس الحمد لله مفيش مشاكل فى الفتيس على الثالث ولا حاجة مش عارف بقى نظام الزيرو أيه ؟

**dr.hazem** · 25-02-2013 06:44 PM

السير لو فيه مشكله والعربية ببقالها اقل من 3 شهور المفروض الضمان يتحملها....
إنما لو عدى عليه 20 ألف او 3شهور فهو كده غالبا بره الضمان زي ضمان بعض أجزاء العفشه...
الكلام ده اللي شفته مطبق في عربيات مختلفه وبره مصر.. معرفش وضع مودرن ايه...
تحياتي

Sent from my SE Arc S using Forum Runner