عايز أغسل الفنوس والمعه تلميعة محترمة

**magedkahla** · 26-02-2013 01:02 AM

انا معاية اوكتافيا a4 المهم الفنوس عندي واحد كويس والتاني من جوة لونو مسفر كدة وجواه وساخة كنت عايز أفكهم الإتنين اغسيلهم والمعهم وأرجعهم جداد لقيت واحد عندي في المعادي بس قالي 150 جنيه الصراحة استغليتو اوي وبعدين قالي ان فيه وش عندي مغسول بتنر ومخدش ومش هيطلع كويس لازم أغير الوش وقالي الوش بــ 140 بقولو الفنوس كلو 220 جنيه يقولي لأ ده صيني ومش عارف ايه ذي إل بعملو المهم انا مش مطمنلو الصراحة وحاسو نصاب فسيبتو ومشيت متعرفوش حد مضمون يعرف يعملي الموضوع ده بسعر كويس

**a7med elshayeb** · 02-03-2013 02:58 PM

بس يا باشا فى كز واحد بس اهم حاجة الحترف فى الشغل.
http://www.facebook.com/Mamado.page
https://www.facebook.com/ModifiedCarLights?fref=ts
ولومش عجبينك انا اعرف واحد فى حدئق القبة ودة هيرجعلك الفنوس جديد ;)

**magedkahla** · 03-03-2013 10:55 PM

طيب انا فعلا الفنوس طلع متسرطن كذى حد قالي فيه سرطان ايه رأيك اجيب فانوس تيواني جديد بــ 300 جنيه الواحد ولا أخليني في الأصلي إل معاية واغير الوش بتاعو مع العيلم ان الفنوس إل راكب هو الأصلي وهل لو غيرت الوش هيكون مقفول بإجكام وميخشش جواه التراب والماية بعد ما اغير الوش ولا ايه رأيكم

**Mahmoud Nabih** · 05-03-2013 04:49 PM

المشاركة الأصلية كتبت بواسطة a7med elshayeb

بس يا باشا فى كز واحد بس اهم حاجة الحترف فى الشغل.
http://www.facebook.com/mamado.page
https://www.facebook.com/modifiedcarlights?fref=ts
ولومش عجبينك انا اعرف واحد فى حدئق القبة ودة هيرجعلك الفنوس جديد ;)

فين ياباشا فى الحدائق

**cleardell** · 26-03-2013 02:01 AM

فين فى الحدائق ؟؟؟؟؟

**Abo Yasso** · 27-03-2013 04:04 PM

فين فى الحدائق ؟؟؟؟؟

**MIGOS** · 27-03-2013 08:17 PM

فين في الحدايق؟؟؟؟

**sniperfox** · 20-04-2013 05:37 PM

في ناس كتير بتعمل اللي حضرتك طلبه وبسعر احسن من اللي سمعته بكتير

**nefary** · 29-04-2013 02:44 PM

كده كده عشان تلمع الفانوس لازم تفكه من بعضه . و مفيش مشكلة لو اللي شغال فاهم هيرجعهولك زي الاول تمام . بس لمعلوماتك . المصفر هينضف بس هيفضل فيه بهتان . بمعنى انه برضه هيبان مختلف عن التاني . وده معناه ان التاني جديد او متغير و عمره اقصر من المصفر .
التايواني جميل جدا بس اعمل حسابك كمان سنة ولا اتنين هتلاقيه اصفر تاني . عمره مش زي الاصلي .
تغير الوش برضه كويس بس مفيش وش اصلي بيتباع لواحده . يا في اوشاش صيني يا صب . و في الحالتين برضه مده و هيصفر
يبقى نصيحتي ليك :
يا تجيب فانوس اصلي استيراد
يا تغير الوش و تفك الفانوسين تعملهم من جوا هايبر ( أسود ) بيدي منظر رياضي و في نفس الوقت مش بيبان فيه الاصفرار