الموضوع: ارجو الافاده!! دبرياج الرينو كليو 2003 تقيل جدا جدا

عادي ياباشا ماتقلقش دايما بيعمل كده معايا
بص حضرتك ممكن ترش عليه wd-40 او شويه زيت صغيرين وهيبقى تمام بس هتحتاح تعمل الموضوع ده كل ما تحس انو تقل معاك
هتفتح الكبوت هتلاقي الذراع بتاع الفورش متعلق فيه سلك الدبرياج ورا مروحه التبريد على طول هتلاقي على الفورش كاوتشه جلد زي الغطاء تشيلها لفوق وترش wd 40 او اشويه زيت وتقفل تاني وتركب العربيه وتدوس دبرياج كذا مره ان شاء الله هيخف معاك
ولو في هزه جامده مع طلعه العربيه او ضعف في السحب او صوت الموتور بيعلى جامد والعربيه ما بتسحبش يبقى يفضل تغير طقم الدبرياج ولو مافيش حاجه يبقى استحمله شويه وكل فتره اعمل الموضوع ده عقبال ماتغيره ان شاء الله

خلي ميكانيكي يكشف علي الدبرايج

شكرا لأهتمامك انا فعلا روحت لميكانيكى اكتر من مره وعملى الحركه دة بس برضه بيرجع تقيل قوى .. انا بس عايز اعرف لوغيرت طقم الدبرياج هايفرق معايا عشان ناس قالتلى ان دبرياج الكليو تقيل فى الزيرو حتى .. وشكرا لحضرتك مره تانى لأهتمامك....

شكرا للرد .. هو مافيش اى مشاكل مغايا غير التقل اللى ف الدبرياج.
ياعنى هاصبر شويه لغاية ما اتعود عليه

المشاركة الأصلية كتبت بواسطة m0hamedgaber

شكرا للرد .. هو مافيش اى مشاكل مغايا غير التقل اللى ف الدبرياج.
ياعنى هاصبر شويه لغاية ما اتعود عليه

تمام كده زي ما قالك العضو elbasha الكليو دبرياجها تقيل نوعا ما

ولما بتغير طقم دبرياج الدبرياج بيخف معاك طبعا بس بعد فتره بيرجع تاني

وحضرتك ممكن كل فتره ترش عليه الأسبراي بنفسك وتريح بالك وخلاص

وربنا يباركلك فيها

شكرا للرد وتسلمو كلكم ياشباب والله فعلا استفدت جدا ..

عندي نفس الحكاية في الكليو. واعتقد انه شائع في كل الكليو. بس برضو عندي احساس ان اسطوانة الدبرياج محتاجة تتغير، هاكشف عليها وانقل تجربتي ان شاء الله