من الاإفتكاسات المصرية لخداع تصوير رادار السرعة

**verna2008auto** · 27-02-2013 01:18 PM

المشاركة الأصلية كتبت بواسطة A.Saad

اعتقد ان لو غطيت النمر فبرده هتكون بارزة
يعنى برده هتتلقط

ياذميلي الفاضل ... بيقولك (( مغطيها طين )) من المطر ... وبيقولك (( شال الالوان ب نفض رومي واله ماية مار )) .. والتاني (( مدقدق عليها ب دابشة مشرشرة واله صفيحة سمنه مصدية ))

وواحد دايما يلزق ( استكر مدرسة ) علي النمر تماما ....
وفية بيشيلوها اصلا اللي ورا ويسيبو اللي قدام ..

تتلقط ازاي دي

**Samir Elshahawy** · 27-02-2013 01:41 PM

المشاركة الأصلية كتبت بواسطة verna2008auto

ياذميلي الفاضل ... بيقولك (( مغطيها طين )) من المطر ... وبيقولك (( شال الالوان ب نفض رومي واله ماية مار )) .. والتاني (( مدقدق عليها ب دابشة مشرشرة واله صفيحة سمنه مصدية ))

وواحد دايما يلزق ( استكر مدرسة ) علي النمر تماما ....
وفية بيشيلوها اصلا اللي ورا ويسيبو اللي قدام ..

تتلقط ازاي دي

أي طمس أو تغيير في اللوحات أو حتي رفعها بيعرض للعقوبة كما ورد بالقانون

بس ده لو فيه حد بيطبق القانون !!

**S O P H O S** · 27-02-2013 04:05 PM

هي مواضيع جديد بصراحة
لكن لا اعتقد انها سليمة ممكن تكون وهم
ليس الا
والله اعلم ..

**M.ABDOU** · 27-02-2013 10:57 PM

اشترى Radar Detector وريح دماغك وامشى براحتك

بيتباع فى دول الخليج عادى وفى السعوديه متوسط تمنه تقريبا 800 ريال

**alaamousa** · 28-02-2013 03:48 AM

هي ليه الناس دلوقتي بقوا فاكرين ان الغش شطارة

**verna2008auto** · 28-02-2013 10:53 AM

المشاركة الأصلية كتبت بواسطة m.abdou

اشترى radar detector وريح دماغك وامشى براحتك

بيتباع فى دول الخليج عادى وفى السعوديه متوسط تمنه تقريبا 800 ريال

فكرة ممتازة يامومبيك ......

**exact** · 28-02-2013 11:52 PM

بخصوص الشريط الفضي ده زيه زي العلامة المائية في الفلوس ومفيش عندنا لوحات ذكية وليس من ورائة شئ سوى منع التزوير
الرادار يعتمد في الأساس على شعاع ليزر (عادي او انفرا ريد) ويطلق شعاعين بزاوية معينة ويقوم بحساب الوقت الذي استغرقته لقطع الشعاعين ومنه يقوم باستنتاج معدل السرعة بمنتهى الدقة والتمييز للسيارات من بعضها... فهو مثلا لو عربيتين عدوا جنب بعض وواحد سريع وواحد بطئ ومداري عليه فهو بيميز ما بينهم ولو كان متداري جدا فمش هيسجل المخالفه عالبطي (وده عن كذا تجربة شخصيه)

بخصوص التصوير... بيعتمد على كاميرا ذات بعد بؤري متغير ولها قدرة عالية على التركيز على المشهد وسرعة تصوير في زمن يقل عن 10 مللي ثانية وبالتالي تعطي صور واضحة جدا للأجسام المتحركة (مهما كانت سرعتها)

يتحكم في النظام (الراصد والكاميرا) ما يشبه الكمبيوتر يتم اعطاؤه امرا بحد السرعة المسموح ليتخذ قرار التصوير

بخصوص التصوير النهاري فده غالبا ملوش حل الا بطمس اللوحات مباشرة... اما الليلي فده بيعتمد اساسا على الفلاش وانعكاس الضوء علي البودرة الزجاجية او الطبقة العاكسة في النمر... ودي نقطة الضعف في النظام... انك تمنع الانعكاس... تصنفر النمرة بقى... تغطي الارقام السودة بورق وترش الابيض بدل ماهو عاكس بأبيض عادي... ناس بتقول سبراي مثبت الشعر بيعمل كده برضه... ممكن تخللي الارقام السوداء باهته عن طريق مسحها بجاز

**verna2008auto** · 01-03-2013 07:52 PM

المشاركة الأصلية كتبت بواسطة exact

بخصوص الشريط الفضي ده زيه زي العلامة المائية في الفلوس ومفيش عندنا لوحات ذكية وليس من ورائة شئ سوى منع التزوير
الرادار يعتمد في الأساس على شعاع ليزر (عادي او انفرا ريد) ويطلق شعاعين بزاوية معينة ويقوم بحساب الوقت الذي استغرقته لقطع الشعاعين ومنه يقوم باستنتاج معدل السرعة بمنتهى الدقة والتمييز للسيارات من بعضها... فهو مثلا لو عربيتين عدوا جنب بعض وواحد سريع وواحد بطئ ومداري عليه فهو بيميز ما بينهم ولو كان متداري جدا فمش هيسجل المخالفه عالبطي (وده عن كذا تجربة شخصيه)

بخصوص التصوير... بيعتمد على كاميرا ذات بعد بؤري متغير ولها قدرة عالية على التركيز على المشهد وسرعة تصوير في زمن يقل عن 10 مللي ثانية وبالتالي تعطي صور واضحة جدا للأجسام المتحركة (مهما كانت سرعتها)

يتحكم في النظام (الراصد والكاميرا) ما يشبه الكمبيوتر يتم اعطاؤه امرا بحد السرعة المسموح ليتخذ قرار التصوير

بخصوص التصوير النهاري فده غالبا ملوش حل الا بطمس اللوحات مباشرة... اما الليلي فده بيعتمد اساسا على الفلاش وانعكاس الضوء علي البودرة الزجاجية او الطبقة العاكسة في النمر... ودي نقطة الضعف في النظام... انك تمنع الانعكاس... تصنفر النمرة بقى... تغطي الارقام السودة بورق وترش الابيض بدل ماهو عاكس بأبيض عادي... ناس بتقول سبراي مثبت الشعر بيعمل كده برضه... ممكن تخللي الارقام السوداء باهته عن طريق مسحها بجاز

معلومات قيمة للغاية ...

عندي سؤال محرج

.... هوا الباشا مخابرات واله امن وطني

**wael30003** · 01-03-2013 08:33 PM

احب اعمل مداخلة عكس التيار تماما

مش هبالغ لو قلت انا يوميا وانا رايح شغلى على الدائرى من التجمع الخامس - الجولف الى طريق السويس

بشوف حوادث يوميا

فى الاتجاهين وده طبعا بسبب السرعة

وطبعا كلنا اكيد بنخاف على نفسنا وعلى حياتنا

وبنخاف من حادثة قد تسبب عاهة مستديمة

واذا الحمد لله ما حصلش ده

يبقى اكيد هنخاف على عربياتنا اللى اكيد ثمنها مش جى بسهولة لمعظمنا

وحتى لو فى تامين العربية مش بترجع زى الاول

واذا رجعت زى الاول لازم تتدفع جزء من الاصلاح

وكمان عطلة لدى التوكيل - اذا كان توكيل محترم - اسبوع على الاقل

كل ده ليه عشان انا عايز اشد شوية على الطريق وبدل ما امشى 100 اخليهم 140 او 150 او 170

انا مرة جربت فى يوم امشى على الدائرى 90 -100

كنت مستريح الاعصاب جدا وما بفكرش اطلع ازاى من العربية دى وبعد كده ن الميكروباص وبعد كده الطريق قافل عليا اخد اخر حارة على اليمين - وده طبعا غلط - ياريت نقفل الكلام فى الموضوع ده

لان الموضوع هدفه جمع اكبر معلومات عن الهروب من الردار وده ضره اكبر من نفعه

وربنا يسترها علينا جميعا

-

الموضوع: من الاإفتكاسات المصرية لخداع تصوير رادار السرعة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تصوير * تصوير(لمحبى فن التصوير)

وكيل "كيا" في مصر ينشئ موقع لخداع العملاء

رادار فضائي لمخالفات السرعة بالقمر الصناعي

طرق كوستا كوفي الملتويه لخداع الزبائن

محاولة لخداع القراء فنادى الاسبيرانزا بترجمة مكروتة !!!

الكلمات الدلالية لهذا الموضوع

المفضلات

المفضلات

ضوابط المشاركة