الموضوع: المرسيدس الصيني .. جيلي Fc الجديدة

سيبك من الصينى يوم ما تفكر تبيعو بينزل النص فى السعر

واحد قربيى عنده جيلى مابل موديل 2006 ماشيه 95000 الف طاحنه ومبهدله مشى فى الارياف والطرق السيئه لطبيعه عمله وعمره ما اشتكى منها عمرها ما عطلت المشكله بس كانت فى قطع الغيار شويه وذللك طببعا لعدم الانتشار وواحد صاحبى عنده جيلىck1 ونفس الكلام انا مش عارف اللى بيعيب بيجيب الكلام منين من غير تجربه انا ركبتها وجميله جدا بعد عشرين سنه امتلاك سيارات من اول بيجو 504 مرورا 128 سويفت اكسيل برايد 131 لانوس استرا bmw واخيرا فكترا انا كنت ناوى اجيب mk اوتوماتيك لكن دلوقتى ح افكر فى fc

بلاش جيلي بجد تعتبر من اسوأ السيارات الصيني ممكن تشتري ال Frv او تستني الاسبيرانزا زي ما الشباب قالتلك انما جيلي لااا

even its shape isnt great

أولا انا بشكر كل الإخوة الأفاضل اللي تكرموا بالرد على الموضوع

لكن انا كده بصراحة احترت أكتر وأكتر

يا جماعة الأول لازم نتفق على حاجة وهي ان الصين كصناعة هي مستمرة في التطور وبيحاولوا يتفادوا الأخطاء السابقة بجدية

يعني مثلا الاسبيرانزا 2006 كان فيها مشكلة بتخلي الموتور يسخن وبعد كده عدلوها ، أكيد إنتاج 2009 هيتفادى المشكلة دي وغيرها من المشاكل حتى اللي محدش اشتكى منها

يعني أي موديل جديد بيكون أكيد أحسن من اللي قبله

وفيه حاجة مهمة عايز أنبه حضراتكم ليها وهي الجدية في البحث عن متطلبات السوق مش مجرد إنتاج وبيع

يعني مثلا العربية اللي بتكلم عليها جيلي Fc كانت الأول بفتحة سقف و1800 Cc وكان سعرها هيبقى 115 ألف ، وبناء على طلب من الوكيل المصري تم إلغاء فتحة السقف وبقت 1500 Cc عشان تبقى في متناول شريحة أكبر

يعني باختصار الدنيا عندهم في تطور مستمر وإصرار على المنافسة مش مجرد بيع واجري .

يا جماعة انا بصيت في العربية حتة حتة وبصراحة ملقيتش غلطة

وكمان كان فيه رجل محترم بيتفرج عليها وسألته عن رأيه في العربية وقلت له لو عنده أي ملحوظة يقول لي

الراجل قال لي : هي فيها عيب جامد

قلت له ايه هو ؟

قال لي : لون الأبنوس في الأبواب مش ماشي مع الفرش !!!!

مع العلم ان الراجل المحترم ده كان سنه فوق الخمسين وبيركب عربيات من قبل ما انا اتولد .

أرجوكم عايز رأي نهائي لأني فعلا احترت أكتر .