الموضوع: مدينة الرحاب وبداية النهاية

يظهر ان طلعت مصطفي انشغل بمدينتي واصبحت الرحاب ماضي بعد ما خلص خيرها ...كلاب ضاله واهمال ... يظهر ان دي بداية النهاية لمدينة الرحاب.

http://www.masrawy.com/News/Egypt/Po...st/2/gogs.aspx

الحقيقة انى عمرى مزرت الرحاب بس فكرتى كانت مختلفة وكنت فاكر ان الدنيا هناك ربيع والجو بديع
لسه قارى اعلان شقة فى الرحاب 80 متر ب 430 الف جنيه
بس لما قريت وقريت الردود بتاعة الناس فى مصراوى جالى اكتئاب
ادى واحد مثلا بيقول ايه

الرحابيون ورساله الى هشام طلعت
تعليق: رحابى بتاريخ: 8/3/2008 11:09:00 Am

يا جماعه أنا ساكن فى الرحاب من 5 سنوات وبجد كانت مدينة جميله من حيث الهدوء والامن لانها كانت فاضية أما الان أصبح فيها التالى :
1 - أولاد بيلعبوا فى الحدائق بالبيتش باجى لغايه الفجر الناس فاكره أنهم فى مارينا أو شرم
2 - سرقات بتحصل والسبب فيها الامن
3 - عمليات جنسية من الامن والدليفرى للعيال فى الحدائق وعلى السلالم فى العمارات
4 - خناقات فى السوق كل يوم بسبب الشباب الطائش ومعاكسات البنات
5 - كلاب مسعورة فى الحدائق
6 - مره حصلت لجنة مرور فى السوق جوه السوق وتم سحب أكثر من 100 رخصه علشان حزام الامان والتليفون المحمول .
يبقى أنت نازل تشترى عيش وتلاقى ظباط بيقولولك مش لابس حزام الامان ليه
طيب مش عاملين ليه إشارات مرور وعساكر مرور جوه المدينه

7- وبعدين الاستاذ سامى ده لواء سابق ولو فيه الخير ماكنش رماه الطير وسمعت إنه طيب والناس اللى حواليه بيشتغلوه وإنه مره إنضرب فى السوق .
8 - أسعار الخضار والفاكهه زيادة عن بره الرحاب يمكن 50 %
9- بتيجى فترات المياه بتقطع ساعات فى اليوم لعدة أيام متواصله
10 - والله شفت شباب بيضربوا حقن بجوار سور بوابة 6 والسبب الاهل مدين العربيات للولاد وطبعا فلوس بالهبل.

بعض المشاكل سببها الاهالى وسوء
تربية الاطفال وبعضها


يعنى مفيش فايدة حتى الناس تدفع فلوس اد كده علشان تسكن فى حتة نضيفة تلاقى القرف وراها وراها