انا جبت مولد كهرباء صينى 6 كيلو نوعه gupta 6200 electric

**owsha** · 19-03-2013 08:27 AM

انا عايز اجيب مروحه بالشحن محدش يعرف منين يا شباب

**a_nbm** · 19-03-2013 11:22 AM

مش عارف ليه مفيش اجابات ؟!
يمكن محدش يعرف ........ او محدش لسه اشترى وجرب ........... يمكن
عموما انا هحاول انزل اشتري البرافا في اسرع وقت لأني مبحبش اي حاجه صيني بتنزل مصر في الوقت الحالي
وهجرب وهقلوكوا ان شاء الله

**د.اشرف هنداوى** · 19-03-2013 03:32 PM

هو المولد ممكن يشغل موتور مياه موجود في اسفل العمارة بس مفتاح عندي في الشقة ؟

انا ساكن في الدور التاسع و لما النور بيقطع المياه كمان بتحصله

و شكرا مقدما للرد

**aw2100** · 19-03-2013 04:11 PM

المشاركة الأصلية كتبت بواسطة د.اشرف هنداوى

هو المولد ممكن يشغل موتور مياه موجود في اسفل العمارة بس مفتاح عندي في الشقة ؟

انا ساكن في الدور التاسع و لما النور بيقطع المياه كمان بتحصله

و شكرا مقدما للرد

طبعا يشغله بس حتوصل الكهرباء بتاعته على كهرباء المولد !!

المشاركة الأصلية كتبت بواسطة a_nbm

حاولت اشوف ع النت وياريت لو في حاجه غلط ممكن حد يصححلي (انا ميكانيكا مش كهربا )

a- 1 kw = 1000 w
b- 1 hp = .75 kw
c- 1 kw = 1.341 hp
d- 1 kva = 1.25 kw
e- 1 kw = .8 kva

a , b, c صح الباقى غلط حترجمها بالعربى
كيلو وات = 1000 وات
وحدة الحصان = 745 وات
كيلو وات = 1.341 حصان

المشاركة الأصلية كتبت بواسطة hh

ايه الفرق بين ال rated power و الmaximum output power؟

ده هو اللى بنقول عليه ان المولد بيدى قدرة قصوى لفترة محدودة علشان لو اى محرك اشتغل فى البدايه بيسحب كهرباء عاليه وبعدين بتقل القدرة وده ينطبق على الثلاجة والتكييف وموتور الميه والمروحة فالمولد ليه maximum output power وده لثوانى معدوده لو فضل التحميل عليه لفترة طويله يتحرق وبعدين يشتغل بالrated power بمعنى متوسط القدرة للتيار اللى خارج ليه علشان التيار مبيبقاش ثابت بيتغير طول مالمولد شغال بسبب عوامل نوعية البنزين وكميه الهواء اللى داخله ليه و نسبه الأتربه اللى فى الهواء ده مع حرارة الموتور نفسه وحرارة اسلاك المولد كل ده بيخلى كهرباء المولد مش ثابته ولذلك ينصح بتركيب مثبت للتيار و دوائر حماية لحماية الأجهزة اللى بيشغلها المولد من تذبذب التيار وطبعا حماية المولد نفسه ومن الأفضل عدم تشغيل المولد فور ادارته وتركه 5 دقائق حتى يسخن الموتور وتبدء التحميل تدريجيا ومبروك مقدما ليكم واتمنى بجد ان مشكلة الكهرباء والزبالة و و و و كل مشاكل مصر تتحل وده مش حيكون حلول من الحكومة حيكون حلول مننا احنا شباب مصر ولكم تحياتى !!!

**aw2100** · 19-03-2013 04:50 PM

المشاركة الأصلية كتبت بواسطة hh

جزاك الله كل خير.

طيب أنا سألت على الهوندا لقيت واحد يصفي 5000 وات و فيه avr . هل كدة مفيش خطر على الأجهزة؟؟ و هل حضرتك تعرف نحسب طاقة بدء التشغيل للتكييف ازاي؟؟

المشكلة ان الجهاز ده ب 12 ألف جنيه

و الصيني مفيهوش تثبيت تيار و لا كاتم صوت ده غير موضوع العادم اللي حيخنق الجيران ده.

مش عارفة الموضوع قابل للتنفيذ و لا الواحد يستحمل قطع الكهربا و خلاص. أنا عندي خلال الاسبوع اللي فات النور قطع 3 أيام مختلفة من ساعة لغاية 3 ساعات و نص و احنا لسة مدخلناش في الصيف

التكييف بيزيد حصان واحد تقريبا لما بيبدء التشغبل يعنى 1.5 حصان بيبقى 2.5 حصان وخلى بالك ان التكييف طول مهو شغال بيفصل ويشتغل وطبعا ده حمل عالى على المولد و المولد الصينى ممكن تركبله مثبت تيار 5 ك وات فى حدود 1500 جنيه وبيبقى فيه دوائر حماية !!!

hh · 19-03-2013 10:50 PM

المشاركة الأصلية كتبت بواسطة hh

أفهم من كدة ان استهلاك التكييف يتحسب على الاعلى دايما مش لحظة تشغيله بس؟؟ ده يفرق كتير في حساب قدرة المولد المطلوب. طيب التكييف ال3 حصان يحتاج قد ايه؟؟ و بالنسبة للتلاجة؟؟

معلش انا أسئلتي كتير لأني عايزة انزل ألف و اشتري و حرام الواحد يدفع فلوس في حاجة و تطلع مش نافعة.

حد عنده فكرة عن الأنواع الصيني اللي فيها كاتم صوت؟؟

أنا سمعت ان وضع المولد في البلكونة فيه خطورة على الخرسانة, الكلام ده صحيح؟؟ أصل لو كدة يبقى ممكن الفكرة تفشل من اساسها لأن انا معنديش مكان تاني ممكن يتحط فيه.

**ابوحبيبة2010** · 19-03-2013 11:22 PM

المشاركة الأصلية كتبت بواسطة hh

أنا سمعت ان وضع المولد في البلكونة فيه خطورة على الخرسانة, الكلام ده صحيح؟؟ أصل لو كدة يبقى ممكن الفكرة تفشل من اساسها لأن انا معنديش مكان تاني ممكن يتحط فيه.

خرسانة ؟؟؟؟؟؟؟؟؟؟؟
كلام مش صحيح
بس يا غالى الافضل فوق السطح بعيدا عن الشمس او الرطوبة
او المطره

صوت المولد مش عالى معقول يا جماعه
اهم حاجة العادم ميدخلش الشقه علشان هو مضر با الصحة
[img3]http://nileup.com/up/uploads/nilemotors_13625154841.png[/img3]