الموضوع: انا جبت مولد كهرباء صينى 6 كيلو نوعه gupta 6200 electric

المشاركة الأصلية كتبت بواسطة eng:mohamed

تجيب أدابتور..قطره على قد شكمان المولد.و تركبه بأفيز..
و قطره من الناحيه التانيه على قد قطر فتحه الشكمان اللي إحنا جايبنها..و بربطه بأفيز رباط.
بس..مش أكتر من كده.
بس متكتر التكويعات و متعملش وصلات طويله..عشان الباك بريشر

يعني في الحالة دي صوت المولد بيبقى أحسن كتير؟؟؟ و سؤال تاني, هل فيه حل للعادم اللي طالع؟؟ أصل أنا معنديش مكان أحطه فيه غير البلكونة بس ده معناه ان العادم يطلع على الجيران و ده طبعا مينفعش. فيه أخ قاللي ممكن أعمل مدخنه بس مش عارفة ده عملي و لا لأ و لا عارفة مين ممكن يعملهالي أصلا. و الحاجة الأخيرة, هل تفرق كتير ان الواحد يجيب مولد ماركة (هوندا أو برافيا اللي موتوره هوندا)؟؟ يعني الموضوع يستاهل فرق السعر؟؟

أنا على وشك اني أصرف نظر عن الموضوع برمته عشان مش لاقية حلول عملية لاستخدامه في شقة, بس المشكلة ان الكهربا الايام دي بتقطع بالتلات مرات في الأسبوع لفترات طويلة و أحنا لسة اصلا مدخلناش في الصيف و زيادة الأحمال و مش شايفة حل غير حكاية المولد رغم مشاكله. رجاء من حضرتك النصيحة.

المشاركة الأصلية كتبت بواسطة eng:mohamed

صوته طبعا بيتحسن كتير جدا عن الأول...
موضوع العادم انتوا مكبرينه على الفاضي..ده موتور الفيسبا بيكون أكبر..
___________________________________________
طبعا الهوندا أحسن...
أولا بتشتري القدره المذكوره على المولد لا بتقل و لا بتزيد..قدره حقيقيه.
يعني لو مكتوب عليه 2 kva يبقى المولد فعلا كده.
عكس الصيني..لو حملت عليه 1.2 kva تلاقيه عمل haunting وتياره مش مستقر.

طيب يعني صوته حيبقى زي الهوندا اللي بكاتم صوت؟؟

بالنسبة لموضوع العادم ده فعلا ممكن يكون سبب اني اصرف نظر عن الفكرة. زي ما قولت لحضرتك أنا المفروض ححطه في بلكونة, يعني العادم حيبقى طالع دايركت عالجيران اللي فوقي. مش معقولة يعني النور يبقى مقطوع و الناس قاعدة في الضلمة و الحر و أنا أقرفهم زيادة بريحة العادم عشان أنا يبقى عندي كهربا!!!!!!! أنا ممكن أقفل باب البلكونة و ده حيقلل الصوت و العادم و مش حيكون عندي مشكلة, بس برضه حرام أجي عالناس بالشكل ده, عشان كدة مش عايزة أخد الخطوة دي غير لو فيه حلول تقلل من ازعاجي ليهم بقدر الامكان.

بالنسبة لموضوع قدرة الهوندا اللي ثابتة طبعا حضرتك عندك حق, بس تمن الهوندا ال5 كيلو 12 ألف جنيه يعني أجيب بأقل من نصهم حاجة صيني ضعف القدرة دي عالأقل و بالتالي أضمن أخد القدرة اللي أنا عايزاها, مش كدة برضه؟؟ و في الحالة دي غالبا حاجيب مثبت تيار بألف و نص كمان عشان احمي الأجهزة عندي في البيت.

الحل الوسط اني أجيب البرافيا اللي موتوره هوندا و هو تصنيع مصري, بس هو برضه تمنه غالي يعني ال5 كيلو ب7 ألاف جنيه و من غير كاتم صوت و لا مثبت تيار. فمش عارفة يستاهل و لا الواحد لو جابه و حطله مثبت و كاتم صوت التكلفة في الأخر حتقرب من تمن الهوندا و يبقى معملناش حاجة.

يا ريت حضرتك تقول لي نصيحتك ايه بخصوص البدائل و كمان تفهمني أقدر أعرف قدرة الخرج الحقيقية للمولد ازاي لو قررت أجيب الصيني.

المشاركة الأصلية كتبت بواسطة hh

طيب يعني صوته حيبقى زي الهوندا اللي بكاتم صوت؟؟

بالنسبة لموضوع العادم ده فعلا ممكن يكون سبب اني اصرف نظر عن الفكرة. زي ما قولت لحضرتك أنا المفروض ححطه في بلكونة, يعني العادم حيبقى طالع دايركت عالجيران اللي فوقي. مش معقولة يعني النور يبقى مقطوع و الناس قاعدة في الضلمة و الحر و أنا أقرفهم زيادة بريحة العادم عشان أنا يبقى عندي كهربا!!!!!!! أنا ممكن أقفل باب البلكونة و ده حيقلل الصوت و العادم و مش حيكون عندي مشكلة, بس برضه حرام أجي عالناس بالشكل ده, عشان كدة مش عايزة أخد الخطوة دي غير لو فيه حلول تقلل من ازعاجي ليهم بقدر الامكان.

بالنسبة لموضوع قدرة الهوندا اللي ثابتة طبعا حضرتك عندك حق, بس تمن الهوندا ال5 كيلو 12 ألف جنيه يعني أجيب بأقل من نصهم حاجة صيني ضعف القدرة دي عالأقل و بالتالي أضمن أخد القدرة اللي أنا عايزاها, مش كدة برضه؟؟ و في الحالة دي غالبا حاجيب مثبت تيار بألف و نص كمان عشان احمي الأجهزة عندي في البيت.

الحل الوسط اني أجيب البرافيا اللي موتوره هوندا و هو تصنيع مصري, بس هو برضه تمنه غالي يعني ال5 كيلو ب7 ألاف جنيه و من غير كاتم صوت و لا مثبت تيار. فمش عارفة يستاهل و لا الواحد لو جابه و حطله مثبت و كاتم صوت التكلفة في الأخر حتقرب من تمن الهوندا و يبقى معملناش حاجة.

يا ريت حضرتك تقول لي نصيحتك ايه بخصوص البدائل و كمان تفهمني أقدر أعرف قدرة الخرج الحقيقية للمولد ازاي لو قررت أجيب الصيني.

العادم هيأثر على الناس اللى جنبك اكتر من اللى فوقك .. وبما انك مذكرتيش الناس اللى جنبك يبقى غالبا حضرتك ساكنة فى برج .. ... لو حضرت ساكنة فى دور عالى يبقى غالبا مفيش تأثير بخصوص العادم بسبب شدة الهواء .

المشاركة الأصلية كتبت بواسطة eng:mohamed

ايوه تمام..انا قصدي على حاجه زي كده فعلا...
على فكره..علبه الشكمان أحيانا بيكون إسمها silencer
و هو فعال جدا..
شوق العربيه لما شكمانها بيكون مخروم بيكون صوتها إزاي

قمة الاستغلال اخى موجوده الان فى شارع الجمهورية
المولد غلى 700زياده ولا اعرف السبب
وحسبنا الله ونعم الوكيل

دا شبه المولد اللى انا جبته
المختلف تانك البنزين عندى لونه ابيض
شوف كده الشكمان كويس ولا صغير
[img3]http://nileup.com/up/uploads/nilemotors_13643230111.jpg[/img3]

بخصوص اسعار المولدات يا جماعة .. هو فعلا اسعارها غليت عن اسعار الاسبوع اللى فات .؟؟؟

لو سمحت يا جماعة هو فى حد جرب تشغيل تكييف على المولد انا اعتقد انة موضوع فاشل
انا عندى مولد كوبوتا يابانى 2850 كيلو تقريبا و كنت باشغل علية 45 لمبة نيون و اول ماشغل التلاجة و هى 8 قدم و فى بداية قيامها كان النور بيضعف جدا و ترقص اللمبات النيون فما بالك لو تكييف و فى بداية قيامة