المشاركة الأصلية كتبت بواسطة Eng:mohamed
أنا ححاول أفيدكم على قد مقدر ..خصوصا إن ده مجال عملي.بس في القدرات من 33 KVA
لحد 3000 KVA.. بالإضافه الى إني قريت مشاركات للأسف مغلوطه..أو تطبيقها مكلف جدا..
إحنا هنا بنتكلم عن مولد منزلي صغير الحجم..و صغير القدره..
أنضف حاجه هنا طبعا لا خلاف عليها هي الهوندا..بس أسعاره غاليه نوعا ما..
_______________________________________
طريقة توصيل المولد..
أرخص...و أفضل...و أأمن طريقه على الإطلاق واللي أنصح أي حد بيها طالما إستعماله منزلي هي:-
يوجد خرج لكهرباء المولد..عباره عن فيشه عاديه جدا..
حضرتك هتوصل فيها مشترك ست عيون أو زي متقدر تكتر..
و تحط فيش الأجهرزه المخلتفه عادي جدا..لأن المولد بيكون SINGLE PHASE
و لما الكهرباء ترجع..هتقوم مرجع الفيش مكانها تاني عادي جدا..و تبطل المولد.
___________________________________________-
المولد مزود (و ده مكتوب عليه) بAVR أو aUTOMATIC VOLTAGE REGULATOR
ده وحده بتنظم الجهد..بحيث إنه يظل ثابت..و مش بتحتاج لمثبت الجهد أو ال stabilizer
____________________________________________
لو عايز تشغل المولد أوتوماتيك..
هتعوز حاجتين.
أهمهم..إن المولد يكون فيه خاصية ال remote start
و ده في دائرة الكونترول بتاعه..اللي أعتقد إنها مش موجوده غير في أكبر قدره..وفي الهوندا فقط(على حد علمي)
تاني حاجه
لوحة ATS أو Automatic transfer switch
أو مفتاح التحويل الأوتوماتيك(ده عباره عن مجموعه من الكونتاكتورز والتايمرز و المفاتيح)
ده أساس عمله كويل مغناطيسي لما الكهرباء العمومي تقطع يحول إتجاهه للمولد..
ولما يحس بكهرباء العمومي يرجع تاني..
ده على فكره ملوش دعوه بإعطاء إشارة التشغيل الأوتو للمولد اللي ذكرتها فوق...
إشارة التشغيل الأوتو بتكون موصله على نقطتين على خط الكهرباء العمومي..فيه كهرباء-فاصله..
مفيش كهرباء النقط بتقفل و تدي إشارة تشغيل.
______________________________
طيب عملنا كل ده...
ووصلنا المولد..و عملنا لوحة ال ATS ,والمولد فيه خاصية الأوتو..
كده هيشتغل على كل الأحمال الموجوده في الشقه..
يبقى حضرتك لو الكهرباء قطعت..
هتعمل حاجه من إتنين..
تكون عارف مفاتيح الأحمال اللي عندك اللي مش عايزها تحمل على المولد..و تنزلهم كلهم..
و دي صعبه شويه لو عملت موضوع الأوتو..لأننا بنتكلم في حوالي خمس ثواني على مايشتغل المولد..
أو.
تجيب كهربائي..هيشتغل في تابلوه الشقه..
و تشوف المفاتيح والفيش اللي عايز تشغلهم..و تشوف القواطع بتاعهم فين في اللوحه..
وياخد تغذية المولد..ويوصلها بالقواطع دي..
وده اللي معظم المحلات عاملاه..
الكهرباء تقطع...
يشغل المولد..تكون فيه تغذيه لكام فيشه على كام مفتاح من غير أي تدخل من أي شخصل..
اتمنى أكون شرحت الموضوع شرح وافي وانا تحت أمركم في أي إستفسار