الموضوع: انا جبت مولد كهرباء صينى 6 كيلو نوعه gupta 6200 electric

المشاركة الأصلية كتبت بواسطة Eng:mohamed

انا حقولك الموضوع ببساطه..
I=v/r
مفيش حاجه اسمها مثبت تيار لإن التيار اللي بيختلف طبقا للجهاز.
فيه جهاز امبيره عالي و فيه جهاز امبيره قليل.ده طبعا طبقا لمقاومته الداخليه.
يبقى انا اللي يهمني هو إن الجهد يكون ثابت.
كلامك صح طبعا.و هي لو الجهد مش ثابت التيار هيتذبذب.لأن المقاومه ثابته في جميع الحالات.
__________________________________
طيب..لو المولد نوعه نضيف و غالي.إحتمال تلاقي فيه AVR اللي أنا قولت عليه في أول مشاركه.
بس إحتمال كبير متلاقيش..
لأن إحنا بنتكلم في مولد Single phase أو فازه واحده.
يعني مش هيشتغل على مواتير كبيره نوعا.
وأخره بيشغل شوية لمض على تلفزيون أو مروحه أو تلاجه.(طلعي السخان و المكوه من الموضوع)
إذن مش هيحصل دروب في الفولت خالص ولا هيضر الأجهزه.
__________________________________
إنتي بقى عايزه تجيبي stabilizer.
حقولك سؤال ..إنتي عامله stabilizer على خط الكهرباء عندك في الشقه ولا لأ؟
لو مش عامله..و عايزه تعملي على المولد.
تبقى عامله زي اللي بيحط إيده في زيت مغلي..بس بيخاف يغسلها بميه سخنه ليتلسع.
قصدي إن اولوية تثبيت الجهد للكهرباء العمومي الف مره عن المولد..
يعني المولد أثبت مييييييييت مره من العمومي.
__________________________________
الخلاصه:-
المولد بيكون فيه AVR بس ده الكبير منهم اللي بمحرك ديزل.لأنه بيكون تلاته فاز وبيتعامل مع مواتير تلاته فاز بتشتغل فجأه و تبطل فجأة..فده بيكون محتاج زي منظم يخرج الفولت بإستمرار 380 فولت.
-المولد البنزين اللي هو موضوعنا.ممكن تلاقيه مزود ب AVR و نادر وهيكون غالي.
مش مهم لو المولد بتاعك منزلي..و هتدفع فلوس عالفاضي.لأن الأحمال المنزليه مش هتعمل تلاعب في الفولت طالما مش بتحمل مواتير تلاته فاز(موتور الغساله مش منهم)
-عايزه تجيبي stabilizer...الأولى إنك تجيبيه للعمومي مش للمولد.
_______________________
أي إستفسار انا تحت أمرك

أيوة تمام أنا فاهمة ان الجهد هو اللي ممكن يكون مش ثابت لأن الجهاز هو اللي بيسحب تيار. انما النتيجة واحدة لأن لما الجهد يقل التيار حيزيد و الجهاز ممكن يتحرق صح؟؟ دلوقتي حضرتك بتقول ان لو المولد حاجة صيني ممكن الفولت ميبقاش ثابت لعدم ثبات عدد لفات المحرك, و ده حيحصل لو أتحمل عليه بأجهزة كتير. طيب تفتكر حضرتك لو اشتريت البرافيا اللي هو موتوره هوندا بس تجميع مصري, ممكن الجهد يبقى ثابت و محتاجش مثبت؟؟ الغريب ان الوحيد اللي فيه AVR هو الهوندا الأصلي اللي هو بناء على كلام حضرتك أقل عرضة لتذبذب الفولت.

أنا مشكلتي اني عايزة اشتري مولد يقدر يشغل لي تكييف 3 حصان و لو تعذر ده يبقى يشغل تكيييف 1.5 حصان على الأقل. المشكلة ان اللي انا فهمته ان التكييف محتاج start up power أعلى بكتير من الباور العادية و الكمبريسور شغال و نفس الكلام بالنسبة للتلاجة, بس محدش قدر يفيدني أعرف منين الباور دي. المفروض ان الجهاز اللي غالبا حشتريه بأذن الله هو البرافيا ال5000 KVA تفتكر كافي انه يشغل لى التكييف مع الريسيفر و التليفزيون و لمبة من غير ما يعرض المولد أو الاجهزة لخطر؟؟ و هل ممكن التلاجة كمان تشتغل معاهم؟؟

بالنسبة للكهربا العمومي أتا فعلا كنت بأفكر اركب ستابليزر عشان الكهربا كانت بتعلى و توطى بشكل مستفز السنة اللي فاتت في الصيف اللي هي نفس الفترة اللي كانت الكهربا بتقطع فيها, بس حاليا بقى واضح ان المشكلة السنة دي ممكن توصل اننا نبقى من غير كهربا أغلب الأيام في وقت الذروة فعشان كدة المولد بقى أهم لأن واضح ان ممكن نضطر للأعتماد عليه بشكل كبير في الصيف.

لو سمحت يا جماعة هو فى حد جرب تشغيل تكييف على المولد انا اعتقد انة موضوع فاشل
انا عندى مولد كوبوتا يابانى 2850 كيلو تقريبا و كنت باشغل علية 45 لمبة نيون و اول ماشغل التلاجة و هى 8 قدم و فى بداية قيامها كان النور بيضعف جدا و ترقص اللمبات النيون فما بالك لو تكييف و فى بداية قيامة

المشاركة الأصلية كتبت بواسطة dedi

لو سمحت يا جماعة هو فى حد جرب تشغيل تكييف على المولد انا اعتقد انة موضوع فاشل
انا عندى مولد كوبوتا يابانى 2850 كيلو تقريبا و كنت باشغل علية 45 لمبة نيون و اول ماشغل التلاجة و هى 8 قدم و فى بداية قيامها كان النور بيضعف جدا و ترقص اللمبات النيون فما بالك لو تكييف و فى بداية قيامة

يا غالى كوبوتا صينى وليس يابانى

ممكن اطلب منك طلب يا غالى صور المولد بتاعك وارفع
الصورة على المنتدى بليييييييز
موضوع التكيف انا شيله من دماغى
علشان انا مش عايزاعمل حمل على المولد
اشغل الشقة كلها بدون التكيف وبدون الغساله
بس يا جماعه انتم عاملين ليه مشكله على موضوع التكيف

المشاركة الأصلية كتبت بواسطة د.اشرف هنداوى

هو المولد ممكن يشغل موتور مياه موجود في اسفل العمارة بس مفتاح عندي في الشقة ؟

انا ساكن في الدور التاسع و لما النور بيقطع المياه كمان بتحصله

و شكرا مقدما للرد

[overline][overline](هام جدا تحذير)[/overline][overline][/overline]
[overline]لو مفتاح كهرباء ماتور المياه مشترك مع باقى شقق العماره
هيحصل مشكله كبيره
لو الكهرباء العمومى جبت وانت مشغل المولد الكهرباء العمومى هتدخل على خرج المولد
وبا التالى والعياذ بالله المولد هينفجر
علشان كده لازم تعمل حمايه للمولد عن طريق اىفنى كهرباء
يركب حاجة لوالكهرباء العمومى جت ما تتخلش على المولد [/overline]

[/overline]

لقيت المولد ده النهارده فى شارع الجمهوريه


وسعره 1800 جنيه

ebay.de/itm/Inverter-2000-KW-Stromerzeuger-Generator-Luft-gekuehlt-von-Swiss-Kraft-/200886003622?ebayCategoryId=65957

ده عنوان صفحة المولد بس حطو www قبل العنوان