الموضوع: سباى 2 واى طلع مقلب

السلام عليكم ورحمة الله وبركاته

ببساطة السباى ال2 واى طلع مقلب وعامل خنقة لغريب وكاره اهله :D :D :D

انا اشتريت الجهاز ده وكنت مبسوط بيه جداً ، حقيقى انا اتخميت فيه لأنه مكتوب عليه بيدور وطلع كلام فشنك ودى اول حاجة خلتنى اغير رأيي فيه لأن المصداقية راحت من قبل ما تفتح الكرتونة

المهم انا كنت اتعايشت مع الموضوع عادى ، لكن بدأت مشاكل الجهاز تشتغل واحد ورا التانى

أول مشكلة فى الجهاز لو دوست مرتين على زرار الغلق حتى ولو بالغلط اللهم ان الجهاز هيفضل يعمل سرينة كل 30 ثانية ليوم الدين !!!
مشيت ورا المشكلة بعد ما طلعت عين اللى يعرفونى وفى الآخر طلعت مشكلة حساس الشوك واتحلت الحمد لله

ثانى مشكلة الريموت فجأة كده فصل مية ونور ، بدون اى مقدمات لا وقع ولا جراله حاجة
روحت لغريب وياريتنى ماروحت قالى نعمل ريموت جديد ب145 قلتله توكل لأنى محتاج
المهم بقى وانا قاعد والله ماهتصدقوا !! 3 أفراد معاهم مشاكل فى الريموت نفسه منهم واحد والله قدام عينى بيقول انه غير الريموت ده 3 مرات بشتغل يومين وبعدين يفصل منهم مرة كان شغال بس الجهاز نفسه مش بيلقط منه اشارة بعكس الريموت التانى ، قالوله اعمل كونفجريشن للريموت وعرفه عالجهاز واللى هو حوار الزرار اللى فى اليونت وكده ده

ثالث مشكلة انا كنت فاكر ان دى مشكلتى انا بس لكن واحد صحبى بارضوه الريموت معاه جاب جاز على غفلة زى حلاتى ، وبالصدفة بيقولى انا الجهاز عندى اوقات بيشغل السرينة لوحده قللتله الحساس وظبط معاه !!

فى النهاية بعد ما سألت وعرفت أكتشفت ان غريب كاره اليوم اللى نزل فيه الجهاز ده وانه قريب هينزل موديل تانى انضف فى التقفيل وفيه اوبشنز أعلى ، وده بعد ما بعض المستوردين نزلوا نفس الجهاز بس احدث فى الموديل واغلى 50 جنيه لكنه انضف حتى فى التقفيل

وعلى فكرة احب ابشركم ان انذار سباى GSm ابو تراكر و جى بى اس وموبيل نزل مصر بره غريب

ومنتظر ردودكم ولو حد ليه اى تعقيب فأنا متابع معاكوا
وتحياتى للجميع

المشاركة الأصلية كتبت بواسطة maro_brolen24

يعني اجيب الاسباي تو واي ولا اية انا راح الان التوفيقية

والله براحتك اصل هى ارزاق :)
ناس شغال معاها زى الفل وناس كتيرة بيخرف

اقلك حاجة حلوة .. الجهاز ده موجود بس بره غريب وكان عامل 700 ولما سألت عليه الراجل قالى انه بيدور العربية ويقيس الحرارة وشوية حجات كده
لو عاوز رقمه ابعتهولك معايا