الموضوع: مش قافل الشباك

مكرر

لتصحيح عبارة الاتنين غلطوا هو بس علشان صاحب الموضوع عنده صحه

انت غلطان طبعا
ده حتى لو حد هيمشّى رأيه يبقى اللى عايز يقفل الشباك مش اللى عايز يفتحه لأنك ممكن تحس ان الجو حر وخلاص بس ده مش هيأذي صحتك زي لما يكون التانى متضرر من الهوا وفعلا ممكن يعييه ويجيبله برد وخصوصا لو عنده التهاب مزمن في الاذن او جيوب انفية ، ووجع الودن ده مش بالسااهل خالص

هو كمان غلطان اكيد بس عموما الضرب واخد الحق بالدراع عمره ماكان حل ، ومعلش في الكلمة ، لو كلنا عملنا كدة يبقى سبنا ايه للبلطجية والبيئات التعبانة

انت لقيته مصمم يقفله كان ممكن بكل بساطة تقول له خلاص هنقفله شوية ونفتحه شوية او نقفل نص ونفتح نص
ويبقى الكلام بشياكة وكان ممكن تحرجه بالذوق وممكن تلاقيه قاللك خلاص افتح براحتك والموقف يعدي

انما طالما انت اللى بدأت ومسكت ايده وفرحان انك جامد اوى وبتلعب عقلة وضغط ، يبقى له حق ينزل يستناك ومعلش في الكلمة لو واحد فيكم عاقل ماكنش الموضوع اتطور لكدة ، هو برضه كان ممكن يعديها ويلم الدور لما مسكت ايده ، بس انتوا الاتنين اصريتوا ، يبقى اللى حصل نتيجة طبيعية ، انت ماتعرفش اللى قدامك ده ظروفه ايه ، ممكن جدا يبقى عيل بلطجي اصلا او يكلم العيال الصيع بتوعه يستنوك اول ما توصل ... حاجات كتير اوى ممكن تحصل

تقدر تقوللى يسوى ايه موقف تافه زي ده ، لما تلاقي اللى قدامك طلع مطواه وفتحلك وشك ودمر مستقبلك العمر كله ! والله ساعتها هتقول يا ريتنى اتنيلت وسيبت الشباك مقفول كان هيحصل ايه يعنى

انا اسف لو اسلوبى هيضايقك بس والله اخويا عمل موقف مشابه من فترة و شد مع سواق تاكسى وقلتله نفس الكلام ده بالظبط ، وبجد قصدى النصيحة ومش اي حاجة تانية ، ربنا يهدينا جميعا ويصلح احوالنا

انا الي كنت عايز افتح الشباك مش هوه لان الجو كان حر جدا والطريق واقف واحنا قعدين في الجه بتاعت السواق يعني الشمس ضربه في دمغنا
ودا الحل الوحيد لتخفيف الحر وخصوصا ان بخرج من البيت عشان اروح شغلي الساعه 8 صباحا وبيكون الجو برد طبعا بكون مضطر البس جاكت
ثانيا انا عرضت عليه حل بسيط انه ينقل في الكرسي الي جمبه بس هو كان مصمم علي نفس الكرسي وكلامه وهو قاعد بيتوعد واحنا في المكيروباص وغير بعض الكلام الي قعد يرميه عليه وانا مش عايز اتكلم
طول ما احنا مشين في الطريق بيستفزني بالكلام وانا عملت فيها نايم ومش سمعه تقريبا استضعفني عشان مردتش نزل قبلي وبيوقفني علي باب الميكروباص طبعا بتشتم ساعتين تلاته طول الطريق والناس كلها سامعه
وعمال بيفرد نفسه قدام الناس
وبعدين انا لو بطلت رياضه جسمي بيبوظ مش بتخن وكدا انما بخس وجسمي بينزل
وبعدين انا عايش لوحد في شقتي بخلص شغل مش بلاقي حاجه غير الرياضه

كان ممكن تحتسب اجرك عند ربنا برضه وتكظم غيظك ، ممكن وقتها تبقى مضايق وهتموت من الغيظ ، بس سبحان الله ، بعدها بشوية لما تلاقى نفسك انتصرت على رغبة الانتقام واحتسبت اجرك عند ربنا بتحس بسعادة وراحة نفسية رهيبة

جرب مرة بس لما حد يستفزك تعمل كدة وشوف الفرق

انت غلطان