بما ان الجو حر وانا النهارده دا يوم اجازتي الوحيد وبنزل فيه البلد عشان اطمن علي العائله
جي بركب الميكروباص من عبود والحمد لله ربنا كرمني بميكروباص بعد نص ساعه انتظار حدث الاتي
انا راكب في الكرسي قبل الاخير
وواحد راكب في الكرسي الي قدامي كل ما افتح الشباك يقفله
قولتله الجو حر يا باشا ومش هينفع وبعدين انا بقعد جمب الشباك مخصوص عشان الهوي
قالي بس الهوي بيجي عليه قولتله والمطلوب نقفل الشباك قولتله مفيش شبابيك هتتقفل ولو متضرر اوي بدل مع الي جمبك
قالي هبدل ازاي قولتله وقف السواق وقوله انا تعبان من كذا وهبدل مع الي جمبي احنا لسه مشورنا طويل والزراعي زحمه
شوية وبيمد ايدو يقفل الازاز مسكتها وقلتله استهدي بالله وبص قدامك الجو حر فبرطم كدا بكلمه وبينشف ايده نشفت ايدي عليه ومش عايز اسبها "وانا كل يوم علي الريق بخبط 40 عقله و40 ضغط"
المهم الناس هدت الموضوع هو بيكلم الي جمبه ويرمي كلام عملت فيها نايم ومش سامعه وانا هعمل فيه لما انزل من العربيه
المهم واحنا نزلين هو نزل الاول مستنيني علي الباب بيحط ايده علي القميص قمت خبطه بالجزمه وانا لابس جزمه شبيها للسفتي وعلي اوسخ شوية الخبطه جت في الركبه وخخده كام بنيه في وشه منخيره جابت دم وشفايفه وسنانه وقام نايم علي الارض
وسبته ومشيت
انا غلطان في كدا