مش قافل الشباك

**Khaled Online** · 02-03-2013 11:27 AM

كلام بالذوق واتكلمت
حل وسط وقدمت
شتيمة سمعتها وطنشت
نازل في أمان الله وبرضه التاني عامل فيها سبع
أحمد باشا انت عملت اللي عليك وزيادة
بس الحاجة الوحيدة اللي مكنتش تعملها ضرب الوش
وللناس اللي بتقول عليك همجي وبلطجي وغلطان، حطوا نفسكم مكانه. حاجة من اتنين يا هتضرب يا هتسمع شتيمتك وتتهان بدون ذنب. انت ترضاها لنفسك انت حر. غيرك مايرضاهاش

**ahmed76** · 02-03-2013 12:14 PM

انتوا الاتنين غلطانين
بس سؤال هو ال 40 عقله متواصل ولا مجموعات ؟؟ فكرتنى بشبابى

**lonedoctor** · 02-03-2013 01:40 PM

المشاركة الأصلية كتبت بواسطة ahmed metwaly

المشكله ان ماسك نفسي طول الطريق مش عايز اكلمه ولي ارد عليه عشان عارف ان الرد والشتيمه قلة قيمة فقلت مقلش قيمتي وكنت ناوي انزل باحترام وامشي عادي جدا انما دا لقيته مستني وبيمسك القميص كأني كنت بسرقه ولي حاجه
ومكرهش في حياتي قد حد يمد ايدو عليه دا

علشان كدة انا باحييك بالرغم من اعتقادى بانه الموقف كله غلط من اوله لاخره بس انت لو ماضربتوش كان هيضربك
ثانيا ده شخص قليل الذوق وبلطجى والمفروض عرفا انه الشباك للجالس جنبه موش بعيد عنه واللى عايزه يتقفل يستاذن بادب من اللى جالس جنب الشباك اكيد كنت هتكلمه بادب
انت كده عملت فيه معروف لانك علمته الادب وهو شخص اهله ما ربوهوش اساسا وهيفكر بعد كدة 100 مرة علشان يكرر اللى عمله ده مع حد تانى
احييك مرة تانية اخى الكريم وربنا يحفظك و الله راجل بمعنى الكلمة
وضع الندى في موضوع السيف مضر كوضع السيفِ في موضع الندى
تقبل تحياتى

**Khaled Online** · 02-03-2013 02:52 PM

المشاركة الأصلية كتبت بواسطة lonedoctor

وضع الندى في موضع السيف مضر، كوضع السيفِ في موضع الندى

+1

**amrelsha3er** · 02-03-2013 03:01 PM

اول ماقريت الموضوع استغطلتك بصراحه
انما طالما هو قل ادبه وعمال يشتم قدام الناس ووقف مستنيك عشان يضربك ومسكك من القميص
يبقى انت معلكش لوم
بس حاول قدر الامكان بما انك رياضى تخللق بخلق الاسلام واخلاق الرياضى انك تخلى الشباك والضرب ده اخر اخر حل للى قدامك وحالو متاذيش
ربنا يكرمك ويكرمنا جميعا ويبعد عننا اذى الناس

**pharohtemo** · 02-03-2013 03:35 PM

لو بتلعب 40 ضغط ممكن تلاقى اللى بيلعب 80 أو حتى 100 !!! حتى لو مش بيلعب خالص ممكن لا قدر الله يكون معاه مطواة أو أى سلاح ...
أخى الفاضل الموضوع ماكنش مستاهل ضرب و دم و بأمانه أنت ممكن تحرجه و تخليه ميسواش ثمن الركوبة بكام كلمة و كمان تخلى الناس اللى راكبة كلها ضده و يمكن يضربوه كمان و ده عن تجربة شخصية .. أنت بس اللى اتعصبت و حسبتها من منطلق القوة من اول ما مسكت إيده .
أنا مش بلومك على اللى عملته بس انا خايف عليك علشان لو الأمور بتحسم بميزان القوة حتبقى الدنيا كلها دم و خراب ! بس الدنيا ماشية بالسياسة و الكلام و حسن المعاملة و قبل ده كله حسن الخلق و الصبر و السماحة.
لازم تهدى كده شوية و تفكر قبل ما تمد إيدك و لازم نلتمس الأعذار للى قدامنا علشان فى يوم من الأيام اللى قدامنا يلتمس لينا العذر و ربنا يحميك و تجيب 100 ضغط و 68 عقلة كل يوم على الصبح :)

**eng/ahmed_go** · 02-03-2013 04:46 PM

فكرتني بموقف لسه حاصل من كام يوم : واحد سايق عربية وواحد بتاع توكتوك رخم عليه وسبله الدين وشتمه بالاب والام فنزل من العربية وضربه علقة محترمة وطبعا كان فرحان بلذة الانتصار بعديها بدقايق كان فيه 8 اشخاص معاهم سيوف وجايين يخلصوا عليه وضربو واحد علي رأسه وخد 10 خرز فنصيحة لوجه الله ابعد عن الخناق دلوقتي باي طريقة عشان مصلحتك وصدقني اوعي تغتر بجسمك عشان وقت الجد ولا رياضة ولا غيره يتنفع مع بلطجي ثانيا الراجل اللي سيادك ضربته راجل طيب و غلبان لان لو واحد تاني كان ممكن يتغابى ويضرب باي حاجة فسكوته يدل على طيبته

**AhMeD MeTwAlY** · 02-03-2013 07:58 PM

المشاركة الأصلية كتبت بواسطة ahmedzag1

فكرتني بموقف لسه حاصل من كام يوم : واحد سايق عربية وواحد بتاع توكتوك رخم عليه وسبله الدين وشتمه بالاب والام فنزل من العربية وضربه علقة محترمة وطبعا كان فرحان بلذة الانتصار بعديها بدقايق كان فيه 8 اشخاص معاهم سيوف وجايين يخلصوا عليه وضربو واحد علي رأسه وخد 10 خرز فنصيحة لوجه الله ابعد عن الخناق دلوقتي باي طريقة عشان مصلحتك وصدقني اوعي تغتر بجسمك عشان وقت الجد ولا رياضة ولا غيره يتنفع مع بلطجي ثانيا الراجل اللي سيادك ضربته راجل طيب و غلبان لان لو واحد تاني كان ممكن يتغابى ويضرب باي حاجة فسكوته يدل على طيبته

لا اله الا الله 10 غرز ربنا يطلعني من البلد دي علي خير

**pharohtemo** · 02-03-2013 08:16 PM

المشاركة الأصلية كتبت بواسطة ahmedzag1

فكرتني بموقف لسه حاصل من كام يوم : واحد سايق عربية وواحد بتاع توكتوك رخم عليه وسبله الدين وشتمه بالاب والام فنزل من العربية وضربه علقة محترمة وطبعا كان فرحان بلذة الانتصار بعديها بدقايق كان فيه 8 اشخاص معاهم سيوف وجايين يخلصوا عليه وضربو واحد علي رأسه وخد 10 خرز فنصيحة لوجه الله ابعد عن الخناق دلوقتي باي طريقة عشان مصلحتك وصدقني اوعي تغتر بجسمك عشان وقت الجد ولا رياضة ولا غيره يتنفع مع بلطجي ثانيا الراجل اللي سيادك ضربته راجل طيب و غلبان لان لو واحد تاني كان ممكن يتغابى ويضرب باي حاجة فسكوته يدل على طيبته

فى ظل غياب سيادة القانون الواحد مضطر يشترى كرامته و يتجنب الأذى و الأشكال دى ! طبعاً مش قصدى سواقين التوك توك عموماً بس قصدى الناس بتاعة جر الشكل و اللى باين عليها الإجرام ...