بعد الخروج من صيانة 90.000 بنصف ساعة سمعت هبدة و ظهرت Battery low

**SoFiMaN** · 28-02-2013 09:26 PM

سلام عليكم

بعد ما خرجت من التوكيل لصيانة ال90 الف و كان عندي شكوى من وجود صوت صفارة اثناء الدوارة و بعد الاحيان تغيب و انا واقف في اشارة سمعت هبدة جامدة افتكرت اللي ورايا خبطني بس طلعت غلط.. شوية و ظهرت battery low stop وقفت و بطلت و دورت و برضه فدخلت على الكهربائي قريب اول ما شاف الرسالة قالي دي مش بطارية دي شحن و فتح الكبوت على طول بص على الناحية الشمال (رغم ان البطارية في اليمين هو مبصلهاش اصلا) و قالي ايه ده السير و تارة الكرنك واقعين هنا تحت و راح مادد ايده جوا خالص و طلعهملي !!!!! قالي روح فورا للميكانيكي فكلمت التوكيل و بعتلي كساحة (على حسابي طبعا) وسبتها في توكيل سموحة بعد ما كلمت المدير يسيبلهم خبر ادخلها عشان كانوا قافلين و الامن مانع اي عربية تدخل بالليل.

المهم بقى انا صورت لكم الحاجتين دول اللي وقعوا و فعلااااااااا محتاج اعرف ايه ده و ازاي و ايه السبب و هل في خساير ؟؟!

https://www.dropbox.com/s/ewcovz6b9p...228_193456.jpg

**hossam_elwani** · 28-02-2013 09:34 PM

الكلام ده حصل فى الميجان ولا الفلورنس ؟؟

**SoFiMaN** · 28-02-2013 10:04 PM

المشاركة الأصلية كتبت بواسطة hossam_elwani

الكلام ده حصل فى الميجان ولا الفلورنس ؟؟

الميجان

**ashourashour** · 28-02-2013 11:37 PM

انت متدفعش ولا مليم

ولا الكساحه حتى

و تطلع ميت..... ابوهم

**mona_881** · 01-03-2013 12:13 AM

ربنا يطمنك وان شاء الله خير

**dedo_ryo** · 01-03-2013 12:42 AM

متدفعش ولا مليم و انت لسه عامل الصيانه هناك .. انت كنت عاملها في سموحه ولا العامريه لو في سموحه اعمل ما بدالك فيهم دي مش حاجه سهل انها تتفك او تقع و في حالتك غالبا دي طاره الدينامو و مقطومه من النص و احمد ربنا ان السير وقع مدخلش علي سير التقسيمه الحمد لله كان بهدل الدنيا ..... فلوسك حلال يا كبير و ربنا يسهل و بسيطه ان شاء الله

**exact** · 01-03-2013 01:36 AM

دانت تطلع عينهم... ده السير اتشد بافترا لحد اما كسر الطنبورة والدليل السير سليم والطنبورة مقلوعه من مكانها

**SoFiMaN** · 01-03-2013 03:25 PM

كلمتهم دلوقتي شافوها قالولي دي طارة الكرنك و سير الدينامو !

الغريب بقى حاجتين:
1- تارة الكرنك دي اساسا هم مغيرنها في الصيانة اللي فاتت (80.000) و دافع حوالي 1500 جنيه قالولي لأن قالوا انهم ضافوها في صيانات ال80.

2- يعني ايه اخرج من توكيل صيانة 90.000 بنص ساعة يحصل كده ؟! ماهو لو افترضنا انهم معملوش حاجة و مش هم السبب اصلا..فـ ازاي ماخدوش بالهم من حاجة زي دي و هم بيفتحوا يبصوا و يغيروا زيت ...الخ ؟!!!

**MohammedAladel** · 02-03-2013 02:58 AM

المفروض يصلحوها على حسابهم مفيهاش كلام ... حاجة زى دى مفيهاش هزار فى التركيب

بعدين بكرة الكرنك حتى لو مغيرتهاش على ال 80 بتعيش أكتر من كدا بكتير

**momo10000** · 03-03-2013 03:31 PM

طنبورة الكرنك لازم تتغير لو هيا كاوتش. ويركب مكانها طنبورة حديد.

الطنبورة الكاوتش ممكن تجيب صبابات.

واكيد التوكيل حيتحمل غلطتو وحيتحمل كل التكاليف.

يا مصطفي ... لو حيدفعوك جينة ... كلمني وانت هناك.

الموضوع: بعد الخروج من صيانة 90.000 بنصف ساعة سمعت هبدة و ظهرت Battery low

LinkBack

أدوات الموضوع

عرض

-

-

-

-

المواضيع المتشابهه

صوت هبدة فى العربية

هبدة فى الغيارات

سمعت أن سيارات فولكس معقدة في صيانتها .... فما رأيكم بما سمعت؟

خلصت صيانة 1000 للبرسونا فى نصف ساعة وكله تمام

عملت صيانة 20000 في التوكيل بس ظهرت عندي مشكلة

الكلمات الدلالية لهذا الموضوع

المفضلات

المفضلات

ضوابط المشاركة