الموضوع: عمود الكام لكورسا سيدان 2003 اتكسر 3 مرات

معايا كورسا سيدان 2003 شاريها عامله 175 الف كيلو
عيد الاضحى الى فات ضربت جوان وش سلندر (سخنت)
رحت للراجل 3 يوم العيد (منزله مخصوص من بيته) انا من مدينه المنصوره
المهم فك كل حاجه ولما شفنا وش السلندر كان فى حتتين متاكلين من جوه فى الطرف من داخل الدائره مش من برا كان باقى بتاع نص سم ويبقا اكنها مكسوره
المهم كلم خراظ وجالنا اخد الوش ولحمه ونضفه بس(مشلش حاجه من الوش)
والكستبانات كانت قافشه (عشان الزيت كان مطحن) قالى انا ممكن اعدلهملك تانى بس هزود 50 جنيه عن الى اتفقنا عليه الكستبان الواحد ب 60 جنيه
قلتله ماشى ظبتهم وكله تمام الحمد لله
المهم ركبنا جوان جديد وكله تمام الحمد لله والعربيه زى الفل
بعد شهر ونص طالع من الجامعه 8 بليل فى السقعه (هندسه قسم عماره بقى)
والعربيه كانت هتشطب بنزين فقلت الحق البنزينه المهم قامت العربيه ضعفت منى فجأه قلت اوبااااااااا العربيه هتشطب منى بنزين وانا على الطريق السريع
وصلت بالعافيه للبنزينه وقلت الحمد لله (العربيه وقفت من مرتين او 3)
بعد ما فولت بردوا العربيه متلته
غيرت عمود الكامه (جبت واحد المفروض انوا gm)
بعد شهر قطم من اخويا فى القاهره
جبت عمود بالبيت بتاعه (بتوع لانوس دايو) وركبه فى القاهره
كسر انهرضه بردوا....
وديت العربيه للميكانيكى مبيتها عندوا.
شوفوا بقى انا قريت المواضيع المشابهه وشويه يتقال وش سلندر مقفع او جوان وش سلندر اتحرك من مكانه او ترمبه زيت او او او .....؟انا مش عارف ادينى قلتلكوا الحاله بتاعتى وياريت الرجاله الى فاهمه اليله تقولى عشان اشوف هعمل ايه...
اااسف على الاطاله....بس انا صارف فوق عن ال 3000 جنيه فى القصه الى فاتت دى

ايه يا رجال...مفيش حد عندوا معلومات ولا ايه.؟