الموضوع: سعر القاشقاى بكام دلوقتى واشتريها منين

المشاركة الأصلية كتبت بواسطة mohd_hussain

أتصلت بأوتو ايجيبت امس وكان الرد كالتالي:
توجد فئتان من القشقاي
1- 185 الف والتسليم بعد 5 شهور
2- 205 الف والتسليم بعه شهر ونصف

الحجز 10 الاف جنيه وصورة البطاقة

طبعا صدمت عندما قارنت الاسعار بما هو معلن علي كونتكت كارز .
طبعا نسيت اسأل اذا كان الفئة اللي ب 185 الف مانيوال ولا اوتوماتيك ؟ فهل احد من الاخوة يعرف؟

لا لا يا فندم مش للدرجة دي

ال 185 الف دول للاوتو مش المانيوال

المانيوال ب 163 الف حتي الان و متوفرة علي ما اعتقد بدون حجز

المشاركة الأصلية كتبت بواسطة mohd_hussain

أولا دي فرصة هايلة عشان اقولك يا باشمهندس حاتم اني احبك في الله فمن متابعتي لمشاركاتك
ابدي اعجابي باخلاقك العالية واتمني لقائك عند عودتي لمصر إن شاء الله.

ثابيا ما كتبته عاليه هو بالضبط ما دار بيني وبين مسؤول المبيعات علي الهاتف من اوتو ايجيبت بالاضافة انني سالته عن وجود تسليم فوري فنفي ذلك تماما.

الله يبارك في حضرتك يا فندم
دا شرف لي و ربنا يعزك
و بالفعل انه لا يوجد تسليم فوري للاوتو ماتيك و لكن هناك تسليم فوري في المانيوال في كثير من المراكز و المعارض ربنا يوفق حضرتك في الاختيار

المشاركة الأصلية كتبت بواسطة DR.M!DO

م.حاتم السباعى منور موضوعى والله
أنا حبيت أسألك بس على المانيوال لأنى أتعلمت السوقة من حوالى سنتين ونص فى السعودية وبسوق كويس جدا ولله الحمد وطول الفترة دى وأنا بسوق مانيوال وبأرتاح فيها عن الأوتوماتيك لما جربته مع العلم أنى ما سوقتش فى مصر قبل كدة ورجعت مصر من حوالى أسبوعين تنصحنى بأيه؟

النور نور حضرتك يا فندم
و بالنسبة لرأيي في المفاضلة بين المانيوال و الاوتوماتيك

فأنا بصراحة لا اميل للمانيوال و خصوصا في مصر فالسواقة هنا تختلف 180 عن الخارج و المانيوال هنا ممكن يكرهك تسوق اصلا
غير هذا ان تكنولوجيا المانيوال في السيارة القشقاي اصبحت قديمة اما الاوتوماتيك فالمفترض انها تكنولوجيا حديثة مزودة بخاصية ال cvt و انا انصح حضرتك بأقتناء الاوتوماتيك سواء القشقاي او اي ماركة اخري
تحياتي لحضرتك

المشاركة الأصلية كتبت بواسطة dr.m!do

شكرا يا م.حاتم على ردودك وأهتمامك بس حبيت أعرف نصيحتك بالنسبة ليا لأنى زى ما سبق وعرفتك أنى ما جربتش السواقة فى شوارع مصر فهل تنصحنى أول عربية تكون ليا فى مصر جديدة ولا مستعملة؟

الاخ الكريم dr.m!do

موضوع السواقة في مصر بالفعل سئ جدا و تعرض العربية للخبط وارد و شئ طبيعي جدا حتي لو حضرتك محترف سواقة يعني الحريف بيتخبط و الغير محترف بيتخبط و بيخبط هههههههههههه

يعني ممكن تكون محترف سواقة و واخد حذرك جدا و اذا بسائق ميكروباص او ربع نقل او توكتك او سيدة تخبطك و انت غير مشارك في المشكلة

فلو ناوي تختار المستعمل لهذا السبب فقط فأنا انصح بالجديد

اما لو انك عاوز المستعمل لانك انت نفسك ممكن تكون محتاج وقت اكثر في احتراف السواقة مش خايف من مشاكل الغير يبقي مفيش مشكلة من المستعمل

و لكن احذر من ان تكون المستعملة سبب هجرتك خارج مصر بسبب مشاكل المستعمل