::تقرير:: تركيب فرش جلد هوندا سيتى 2012 "جينزكار"

**FrozenFire** · 02-03-2013 09:32 AM

شغل جميل
بس اجمالي التكلغة كام؟؟
واهم حاجة
خد وقت قد ايه؟؟؟؟ وهل حجزت قبل ما تروح؟؟؟

**hany63** · 02-03-2013 10:09 AM

هل الكرسي احساسه اتغير ؟
يعني هل الكرسي بقى ناشف؟

**spiderroma2010** · 02-03-2013 05:54 PM

المشاركة الأصلية كتبت بواسطة youssef_u

الف مبروك و الفرش جميل ربنا يباركلك فيه :)

المشاركة الأصلية كتبت بواسطة mem

الف الف الف مبروك وربنا يحفظهالك
والصراحه شغل ممتاز وشكلها جميل
ما شاء الله
بس ما قلتلناش كلفتك كام الكراسى كام والارضيه كام

المشاركة الأصلية كتبت بواسطة hugan

مبروك الشغل
اتكلفت كام

الله يبارك فيكم يا جماعة .. متشكر جدا

بالنسبة لشغل الفرش و الارضية .. زي ما قولت في الموضوع السعر بيتحكم فيه عوامل كتيرة منها :
-- خامة الجلد
-- نقشة الجلد
-- قصة الفرش
-- و اختيارك اذا كان لون في القصة او لونين او ادخال جلد مع قماش
-- طريقة الخياطة (من غير خياطة - خياطة مفرد - خياطة مزدوجة)
-- اختيار كل ماسبق و الالوان بتختار بين اكتر من 20 نوع

طيب انا ليه قولت كل ده ؟؟ لأن انا لو حطيت السعر هنا في الموضوع مش هيخدم الاعضاء في اي شيئ و غير كده هتاخد نفس تقفيل الشغل ده حتي لو اخترت الفرش بـ 900 او بـ 2200 جنيه
فمش هينفع نبوح بالسعر لأن ممكن اكتب مثلا اني عملت الفرش بـ 1600 جنيه و لما يعجب حد هنا في المنتدي هيروح جينزكار و يختار مستوي اعلي من اللي انا اخترته و عمل سعر 1800 جنيه
في الحالة ديه طبعا هيقول في جينزكار ان انا شوفت نفس الشغل في المنتدي بـ 1600 و الباقي انتم عارفينه

الحاجه المهمة اللي عايز اوضحها انك مهما عملت او اخترت اي انواع او قصات او خامات او طريقة قصة معينة هتلاقي في الاخر التقفيل هو هو اللي في الصور في الموضوع
و اتمني ان تكون وصلت وجهة نظري

**spiderroma2010** · 02-03-2013 06:02 PM

المشاركة الأصلية كتبت بواسطة ashourashour

بسم الله ما شاء الله تحفه

لكن انا مش بحب الارضيه جلد

لكن الكراسي 100%

انا مش معاك يا باشا في موضوع عدم حبك انك تعمل الارضية جلد
هقول لك ليه ... انت لما بتفرش الارضية جلد هتحمي العربية من اي حاجه تقع عليها خصوصا من الاطفال زي العصائر و الشيبسي و المأكولات لأن بشوية مياه كل حاجه بتروح و بالتالي الجلد عملي جدا عن الموكيت

**spiderroma2010** · 02-03-2013 06:09 PM

المشاركة الأصلية كتبت بواسطة egyptiandiver

الف مبروك و ربنا يباركلك

الله يبارك فيك يا باشا .. متشكر جدا

المشاركة الأصلية كتبت بواسطة ahmedshetewy

x شغل جميل جدا مشاء الله ربنا يباركلك ويكفيك شر العين

الله يبارك فيك يا باشا .. متشكر جدا

المشاركة الأصلية كتبت بواسطة sameh_fouad

الف الف مبروك ياباشا , وربنا يحفظهالك يارب

شغل مش خسارة فية الفلوس ابدا , ممتاز فعلا

تعيش يا سامح .. متشكر علي مباركتك الغالية
و فعلا الشغل لما بيبقي بالاخراج الرائع ده .. بتلاقي ان الفلوس لاشيئ جنبه

المشاركة الأصلية كتبت بواسطة frozenfire

شغل جميل
بس اجمالي التكلغة كام؟؟
واهم حاجة
خد وقت قد ايه؟؟؟؟ وهل حجزت قبل ما تروح؟؟؟

تعيش يا دكتور و تم الرد علي السعر في مشاركة سابقة
طبعا لازم في الاول بتروح يوم عشان تختار الفرش و القصة المطلوبة و هكذا و بتحجز يوم تاني للتركيب و بياخد حوالي 3 او 4 ساعات بحد اقصي

المشاركة الأصلية كتبت بواسطة hany63

هل الكرسي احساسه اتغير ؟
يعني هل الكرسي بقى ناشف؟

بص يا باشا هو القاعدة في العربية عند الاستلام مريحة لكن بعد الفرش اصبحت مريحة جدا جدا و الكراسي مش ناشفة ولا حاجه