عزل شنطة سيارة بيجو 504 تجربة خاصة

**adhamhossam** · 06-03-2013 10:59 PM

بسم الله ... ماشاء الله ... الله أكبر
شغل في منتهي الروعة و الجمال و ( علي مية بيضا) ... بسم الله ماشاء الله

و الأجمل من ذلك انك بدأت بالشنطة أولا
لأن انا لما بدأت بالصالون الأول .... كسلت اعمل الشنطة ... و عليها لغاية ديلوقتي
بس انت بصراحة بعد الشغل الأكثر من رائع حمستني أعمل الشنطة عندي
و ان شاء الله هعملها قريب و هصورها برده و ارفع الصور

المشاركة الأصلية كتبت بواسطة vovoasw

انا واخد الموضوع بهدوء وطولة بال علشان صحتى تعبانة من السكر بس ادعيلى اكمل على خير وعلى فكرة فى محافظتنا اسوان مفيش حد عمل الحاجة دى وكل واحد اتكلم معاة فى الموضوع دة كانى كائن جاى من الفضاء الخارجى

خد وقتك و براحتك يا باشا لأن الشغل دة عشان يطلع كويس لازم وقت و روقان بال كمان
و ألف ألف ألف سلامة عليك ... ربنا يعينك و يقويك و يديك دوام الصحة و العافية و تقدر تكمل الشغل للأخر
هو طبعا بالنسبة للصنايعية و الورش لما بتتكلم معاهم بتحس انك كائن فضائي فعلن ههههه مع انهم بيبقوا فاهمين أو بيستعبطوا ... الله اعلم هههههههههه

المشاركة الأصلية كتبت بواسطة vovoasw

كلمة حق تقال الاستاذ الفاضل ادهم حسام عضو المنتدى الكريم هو اللى دخل الموضوع فى دماغى وشوفت الخطوات اللى قام بيها وعلى الاساس دة انا اشتغلت وايضا الاستاذ amr axel العضو المحترم ايضا لهذا انا بوجة الشكر ليهم

ربنا يخليك ... يا باشا ماتقولش كدة كلنا بنتعلم من بعضنا البعض و بنتبادل الخبرات و المهارات مع بعض
انا عن نفسي شايف انك عملت حاجات جديدة انا ماجتش علي بالي و هي موضوع الإنتركوت و موضوع الدهان .... لأني لما عملت العازل غسلت الأرضية كويس و لصقت العازل علي طول بدون انتركوت
و دي طبعا فكرة جديدة و نظيفة و حماية أكثر للعربية من الصدأ و البارومة

اتمني من الأدارة تثبيت هذا الموضوع لو لم يتم تثبيه ... و اتمني أيضا وضعه في القسم ضمن المواضيع المميزة .... ربنا يقويك و تخلص العربية للأخر

المشاركة الأصلية كتبت بواسطة vovoasw

انا حسيت ان مفيش حد هيهتم بالشغل بتاعى لانى والله بحب اخد راى الاخوة الافاضل

الموضوع في غاية الأهمية ... ماينفعش يكون في عدم إهتمام ... و انا معاك في أي إستفسارات .. و أيضا كل ما مر بهذه التجربة سيكون موجود وقت وجود اي استفسارات بإذن الله

اتمني لك التوفيق من كل قلبي .... و سأظل متابع لهذا الموضوع و باقي شغلك .. كي أستفيد من تجاربك الجديدة

**Amr Axel** · 07-03-2013 11:20 PM

تسلم ايديك يا باشا ع العزل

بس من وجهة نظري السيلفر ملوش لازمة غير في اماكن محددة حوالين الفتيس او عند الدواسات عشان السخونية اللي طالعة منهم و متفكرش تحطه في ارضية العربية عشان كل ما هتدخل العربية هتحس زي اكياس بلاستيك تحتك
هو اللباد اللي هيظبط معاك في الصوت
و طبعا البلاك العازل ده تمام اوي بس مكانه مش جوة مكانه من برة ع العربية من تحت هيعمل معاك احلي شغل
و تسلم ايديك يا باشا ع الشغل

و في انتظار باقي العزل و الفرش :)

**adhamhossam** · 09-03-2013 05:19 AM

المشاركة الأصلية كتبت بواسطة vovoasw

استاذى الفاضل كلامك والله شهادة تقدير اضعها على صدرى ويشهد الله انا اكثر من مرة ادخل على موضوع سيادتك وقمت بطباعة الموضوع وذاكرتة مذاكرة لا تتخيلها وعلى هذا الاساس انا ماشى فية وانا ان شاء الله هنزل بقية الصور التكملة للشغل اللى بعملة وبعد اذنك انك تدينى رايك بكل صراحة ولو انت شوفت اى حاجة خطا وضح لية وانا والله لا تتخيل مدى فرحتى انك قرأت الموضوع

و انا و الله مبسوط اوي و في قمة الفرحة و انا بشوف تجربتك و انا متابع موضوعك بإهتمام لأني انا كمان صدقني بتعلم منك افكارك الجديدة
انا متابع ان شاء الله علي طول و لو في أي خطأ هساعدك بإذن الله
ربنا يوفقك و يقويك و يا رب تجربتك تبقي أحسن و أجمل من تجربتي و يبقي فيها أفكار جديدة