رايكم فى السوبارو xv

**AlGazar2** · 02-03-2013 10:16 PM

المشاركة الأصلية كتبت بواسطة waleed_fathy

موجودمنها مستعمل فى التوكيل يا جماعه؟؟؟؟؟؟؟؟؟؟؟

اسال فى التوكيل نفسه لان محدش فينا هيفيدك
بس ممكن تلاقى من الناس الى بتحب تغير عربيتها كل سنه بيبيعوا العربيه للتوكيل و بتبقى عربيات حالتها حلوه يعنى

**AlGazar2** · 02-03-2013 10:28 PM

المشاركة الأصلية كتبت بواسطة ahmed refat

برأيى المتواضع فى حالة نيتك لعدم بيع العربية تحت أى حال من الأحوال أنك لن تندم نهائيا على شراء تلك العربية أبدا و ولن يزعجك فيها إلا أسعارقطع غيارها المبالغ فيها بصراحة ولأن التوكيل تقريبا محتكرها فهو يتحكم فى أسعارها كما يحلوا له وقليل من التجار شغالين فيها للأنها موديل جديد وغير منتشر ،،، بس كعربية ،،، عربية بصراحة لاغبار ولا تعليق عليها أبدا ،ربنا يوفقك فى شراها إن كانت الخير لك إن شاء الله

انا مش شايف ان قطع غيار السوبارو مبالغ فى تمنها - قارنها بالهيونداى او الكيا و هاتعرف ان قطع غيارها الاصليه فى التوكيل ارخص منهم - مقولتش فورد ولا اوبل ولا رينو حتى الى هما نفس الفئه و نفس الكفاءه - و مقولتش باقى اليابانى

الحاجات الى فيها مشكله هتبقى فى الحوادث الشديده و دى فى كل التوكيلات - فى عضو فى نسيان عامل حادثه بعربيته الصنى 2009 المقايسه ب 90 الف جنيه - يعنى بتمن العربيه زيرو فى وقتها
و عضو تانى عامل حادثه بتيدا المقايسه بتاعه الاصلاح ب 187 الف يعنى اغلى من العربيه جديده زيرو مدفوع جماركها فبلاش نقول ان قطع الغيار مبالغ فى تمنها فى العموم - ممكن الازاز مثلا بس ده عشان ازاز بيحمى من اشعه الشمس - مش تيل الفرامل مثلا ولا الفلاتر مبالغ فى تمنها و ده المهم فى الصيانات الدوريه و سنتين تلاته و هيبقى قطع غيارها الخارجيه موجوده فى السوق زى السوبارو 2006 كده قطع غيارها استيراد و جديد موجوده عند تجار السوبارو

**Mohyeldin1974** · 03-03-2013 12:29 AM

المشاركة الأصلية كتبت بواسطة algazar2

انا مش شايف ان قطع غيار السوبارو مبالغ فى تمنها - قارنها بالهيونداى او الكيا و هاتعرف ان قطع غيارها الاصليه فى التوكيل ارخص منهم - مقولتش فورد ولا اوبل ولا رينو حتى الى هما نفس الفئه و نفس الكفاءه - و مقولتش باقى اليابانى

الحاجات الى فيها مشكله هتبقى فى الحوادث الشديده و دى فى كل التوكيلات - فى عضو فى نسيان عامل حادثه بعربيته الصنى 2009 المقايسه ب 90 الف جنيه - يعنى بتمن العربيه زيرو فى وقتها
و عضو تانى عامل حادثه بتيدا المقايسه بتاعه الاصلاح ب 187 الف يعنى اغلى من العربيه جديده زيرو مدفوع جماركها فبلاش نقول ان قطع الغيار مبالغ فى تمنها فى العموم - ممكن الازاز مثلا بس ده عشان ازاز بيحمى من اشعه الشمس - مش تيل الفرامل مثلا ولا الفلاتر مبالغ فى تمنها و ده المهم فى الصيانات الدوريه و سنتين تلاته و هيبقى قطع غيارها الخارجيه موجوده فى السوق زى السوبارو 2006 كده قطع غيارها استيراد و جديد موجوده عند تجار السوبارو

كلامك مضبوط جدا واعرف اخ معاه العربيه غير الزجاج الامامى ب 5000 جنيه (بس هو مأمن)
مش حادثه ولكن اتكسر من طوب على سرعه عاليه جدا تقريبا 170 وقالى ان التجميع مش بطال بس لا يقارن بالعربيات السيدان وطبعا لو الماتور 2000 كانت العربيه دى بقت طلقه
العربيه عامة هيكون استهلاكها اعلى شويه فى الوقود من باقى منافسينها بحكم انها4x4 على طول وبالتالى المحرك بيدى حركه للاربع عجلات فى وقت واحد مع توزيع القوه لكل عجله حسب احتياجات الطريق
ولكن فى المقابل هتلاقى ان الاسبورتاج و ix35 محرك بيحتاج 95 وبالتالى المقارنه فى التكلفه فى صالح السوبارو
ربنا يوفق صاحب الموضوع للى فيه الخير وياريت يعرفنا قراره النهائى

**محمد ابوعلى** · 03-03-2013 12:43 AM

هو لو مأمن ميدفعش تمن الازاز ؟!!معلش عايز افهم النقطة دى

اما بخصوص استهلاك البنزين فااكلامك صحيح لكن اعتقد ان الوضع يختلف مع السوبارو xv لان الماتور cvt وهذا موفر للوقود ولا اية راي حضراتكم ؟!

بخصوص التسارع اية نظامه يعنى المفروض دى عربية رياضية وبصراحة انا بحب العربية تكون سريعة وتسارعها حلو عشان لما حد يشد معايا ع الطريق :D

**Mohyeldin1974** · 03-03-2013 01:08 AM

المشاركة الأصلية كتبت بواسطة محمد ابوعلى

هو لو مأمن ميدفعش تمن الازاز ؟!!معلش عايز افهم النقطة دى

اما بخصوص استهلاك البنزين فااكلامك صحيح لكن اعتقد ان الوضع يختلف مع السوبارو xv لان الماتور cvt وهذا موفر للوقود ولا اية راي حضراتكم ؟!

بخصوص التسارع اية نظامه يعنى المفروض دى عربية رياضية وبصراحة انا بحب العربية تكون سريعة وتسارعها حلو عشان لما حد يشد معايا ع الطريق :D

لا هو مدفعش حاجه وحصل الموقف معاه مرتين والتأمين دفع 10 الاف جنيه تمن الازاز
هو قالى ان العربيه بتعمل 600 كيلو فى 60 لتر يعنى 200 لتر فى الصفيحه مش بطال وده وسط البلد
اما بالنسبه للسحب معتقدش انك تتوقع سحب عالى من اى عربيهSUV و 1600 سى سى
شوف يا باشا واستمتع
Road Test: 2013 Subaru XV Crosstrek - YouTube

**محمد ابوعلى** · 03-03-2013 01:31 AM

هى من 0ل 100 فى 13 ثانية تقريبا

يعنى افضل من القشقاى ؟
وفى انتظار باقى ارائكم واشكركم والله افدتونى جدا

**AlGazar2** · 03-03-2013 07:03 AM

العربيات دى لازم ليها تامين - لان قطع غيارها الخارجيه هاتبقى غاليه اكيد و ملهاش استيراد دلوقتى - انا بفضل التامين التكافلى احسن من التامين التجارى بتاع البنوك

العربيه سحبها و تسارعها حلوين لكن ما تتوقعش تشد مع فيرنا مثلا لحد سرعه 100 - بعد كده انت هتعلم على كل العربيات ال 1600 العاديه غرز و ملفات - الماتور و الفتيس ده على الامبريزا فى ناس جابت بيه 200 و ممكن يجيب اكتر على حسب الطريق

فهتاخد عربيه عاليه - ثابته جدا عن الارض عكس كل العربيات العاليه عشان الدفع الرباعى الكامل و انظمه الدفع و الثبات و الفرامل - ده غير الايرباج و باقى وسائل الامان

عربيه متينه و صاجها حلو و محمل مش فستك زى الجديد - عمرها طويل و صياناتها الغاليه بعيد عن بعضها - عمر قطع غيارها طويل و توكيلها مش استغلالى فيها مش عمال على بطال صيانات و ادفع - هيه صيانه كل 10 الاف زيوت و فلاتر - صيانه السيور على 90 الف - البوجيهات بتتغير على 100 الف عكس باقى العربيات الى بتغيرها على 30 و ساعات 20

من الاخر عربيه متكلفه من ناحيه الامان و الثبات و العمر الافتراضى - و الدلع و بحر الاوبشنز الى فيها قليل شويه عكس كل العربيات اليومين دول الى بحر كماليات و زيرو ثبات و امان