رايكم فى السوبارو xv

**محمد ابوعلى** · 02-03-2013 01:56 AM

سلام عليكم
اخوانى اية رايكم فى السوبارو xv
الثبات والتسارع
وحكاية الدفع الرباعى awd دى ميزه ولا عيب اعذرونى معلوماتى بسيطه
وهى افضل ولا النيسان قشقاى
انا مايهمنيش اعادة البيع لانى مش هبيع
لكن هل فعلا قطع الغيار غالية
والعربية حلوة عامة ولا اية انا شوفتها عجبتنى لكن عايز اعرف كعربية على الطريق اية نظامها

فى انتظاركم

**Mohyeldin1974** · 02-03-2013 03:15 AM

سؤالك جاى على الجرح
من خلال تجميعى للمعلومات عن العربيه انها ممتازه وتقريبا الافضل فى فئتها فى كل شى والتوكيل محترم جدا وقطع غيارها متوفره يعيبها فقط صغر حجم الشنطه وعدم وجود تصفيح للماتور مع العلم ان العربيه عاليه عن الارض والماتور بوكسر
ولكن هى الموضوع سمعه بس مش اكتر وملهاش حظ فى مصر
انصحك تروح تركبها وتجربها بنفسك وتسال وتشوف كل حاجه فى التوكيل
بالتوفيق

**محمد ابوعلى** · 02-03-2013 03:38 AM

انا ركبتها بس وهى واقفة كنت بشوفها مريحة ولا لا والصراحة روعة
بس التسارع هيكون اية وهتجرى وكدة
وبنسبة تصفيح الماتور دة هيسبب مشكلة ؟

**AlGazar2** · 02-03-2013 08:18 AM

عربيه ممتازه و مفيش عربيه بامكانياتها بسعرها فى مصر
عربيه عاليه و رغم كده ثابته جدا جدا جدا اكتر من عربيات سيدان كتير
التصفيح اسفل الماتور هيبقى مهم لو قررت تطلع بيها الجبل ( و ده مش مطلوب منها ) غير كده العربيه عاليه عن المطبات و البلاعات + معظم العربيات فى مصر مش مصفحه اسفل الماتور و ماشيه عادى من غير مشاكل
توكيل محترم - صياناتها زيت و فلتر ل 75 الف و اول صيانه حقيقيه بتبقى على ال 90 الف
يعيبها اعاده البيع - قطع الغيار الخارجيه استيراد لا قدر الله مش هتلاقيها بسهوله فى الوقت الحالى ممكن تبقى موجوده بعد 3 سنين مثلا لو العربيه انتشرت هتلاقى قطع غيارها بره التوكيل فى اماكن كتير ( فى ناس بتبيع قطع غيار سوبارو بس انت مش هتحتاج الكلام ده فى اول 3 سنين على الاقل )

لو العربيه عاجباك جيبها و اقتنيها و متسمعش كلام التجار بتوع السوق او انصار هات هيونداى او كيا عشان تعرف تبيع بعد كده

**Nashaat Rady** · 02-03-2013 09:37 AM

من الآخر حاتركبها و مش حاتبعها أبدا وزي ما قالك الأخ elgazzar... سيبك من كلام التجار

**AlGazar2** · 02-03-2013 05:30 PM

المشاركة الأصلية كتبت بواسطة محمد ابوعلى

انا فعلا مش هبيعها
يعنى لو قارنها بالقشقاى هى افضل ؟
والف شكر ليكم والله على معلوماتك
وياريت باردو اى حد عنده تعليقات يقولها
وبنسبة للتسارع الدفع الرباعى مش بيأثر ؟
لانها دفع رباعى مستمر

لو هتقارنها بالقاشقاى عربيه لعربيه السوبارو تتفوق بمراحل

لو هتدخل التوكيل فى الموضوع فنيسان توكيلها ليه فروع كتير بس زحمه لان ليه عربيات كتير برضه لكن سوبارو التوكيل بتاعها فروعه قليله بس مش زحمه لان العربيات قليله برضه و صياناتها بعيده جدا عن بعضها يعنى لو مشاويرك عاديه هتروح التوكيل مره فى السنه او مره كل 9 شهور و خلاص
انا ليا تعليق واحد على العربيه انها حلوه بغباء و نفسى يبقى معايا تمنها عشان اشتريها - بس لسه المشوار طويل شويتين بس عربيه حلوه و ربنا يبارك لملاكها فيها
التسارع بيبقى اقل من الدفع الامامى بس او الخلفى بس - بس انطلاقه العربيه متماسه يعنى ولا بتنط لفوق و العجل يفرك زى الامامى ولا تعمل زى المراجيح و تفقد التوجيه فيها زى الخلفى - طبعا اثبت من الامامى بس او الخلفى بس فى كل الظروف عشان الاربع عجلات بيمشوا العربيه ده غير انظمه الدفع الى بتشوف انى عجله عايزه قوه اكبر عشان الثبات و الهاندلينج فيها
عيبها الوحيد هيبقى استهلاك البنزين فى الزحمه لان الماتور بيحرك 4 عجلات كل مره مش عجلتين بس - بس الموضوع ده مع الفتيس ال cvt بتاعها مش هيبقى محسوس لانه معمول فى الاساس عشان يقلل استهلاك الوقود - و سوبارو هيه الشركه الى مخترعه النظام ده فى الاساس

**AHMED REFAT** · 02-03-2013 05:46 PM

برأيى المتواضع فى حالة نيتك لعدم بيع العربية تحت أى حال من الأحوال أنك لن تندم نهائيا على شراء تلك العربية أبدا و ولن يزعجك فيها إلا أسعارقطع غيارها المبالغ فيها بصراحة ولأن التوكيل تقريبا محتكرها فهو يتحكم فى أسعارها كما يحلوا له وقليل من التجار شغالين فيها للأنها موديل جديد وغير منتشر ،،، بس كعربية ،،، عربية بصراحة لاغبار ولا تعليق عليها أبدا ،ربنا يوفقك فى شراها إن كانت الخير لك إن شاء الله

**Waleed_Fathy** · 02-03-2013 08:33 PM

موجودمنها مستعمل فى التوكيل يا جماعه؟؟؟؟؟؟؟؟؟؟؟

**محمد ابوعلى** · 02-03-2013 09:30 PM

الف شكر ليكم ياجماعة على معلوماتكم والله افدتوتنى جدا جداوباردو منتظر اى تعليقات تانية

الموضوع: رايكم فى السوبارو xv

LinkBack

أدوات الموضوع

عرض

-

-

-

المواضيع المتشابهه

السوبارو دى مشكلة

اعمل ايه في سحب السوبارو ؟؟؟

اخر عربيتك السوبارو؟؟؟؟

ية رأيكو فى السوبارو

لكل من يحب السوبارو

الكلمات الدلالية لهذا الموضوع

المفضلات

المفضلات

ضوابط المشاركة