الموضوع: استفسار في المروحة ومؤشر الحرارة في الشاهين

حضرتك الشاهين الطبيعى بتاعها 90 وده الشغل العادى بس لو عايز المروحه تشتغل بدرى شويه جيب ترموستات يشتغل عند 70 بدل 90 وهو رخيص مش غالى بس حكايه انه يوصل ل 100 ده مش سليم لان كان عندنا شاهين مكنتش بتعدى ال90

المشاركة الأصلية كتبت بواسطة yahyanaabil

حضرتك الشاهين الطبيعى بتاعها 90 وده الشغل العادى بس لو عايز المروحه تشتغل بدرى شويه جيب ترموستات يشتغل عند 70 بدل 90 وهو رخيص مش غالى بس حكايه انه يوصل ل 100 ده مش سليم لان كان عندنا شاهين مكنتش بتعدى ال90

شكرا ليك على اهتمامك
بس ترموستات الـ 70 ده هايخلي المروحة تبقى شغالة معظم الوقت
ده مش تحميل عليها وع الكهرباء والا عادي؟

المشاركة الأصلية كتبت بواسطة sherif_84

أستاذ سامح الترموستات الـ 70 هيقرفك فى تسخين العربية فى الشتاء يعنى هتاخد وقت كتير قوى لغاية ماتسخن يستحسن تسيب اللى فيها اللى بيشتغل على 90 او تغيره بواحد جديد لو كان فيه مشكلة
وماتقلقش من الـ 90 دى الحرارة الطبيعية للشاهين زى ماقال الاستاذ يحيى لكن مادام فى مشكلة فى المروحة وديها لكهربائى كويس ويظبطهالك

اهلا بيك ياباشا وشكرا على الاهتمام
بس ممكن تقولي ايه العلاقة بين ترموستات المروحة وتأخر تسخين العربية في الشتاء؟
بص انا قعدت فترة كذا سنة شايل ترموستات الكوعة وهو ده اللي فعلا كان قارفني في الشتاء لأن الحرارة كان ممكن تقعد كتييييييييييير قوي 50 او اكتر حاجة بسيطة لكن 70 اعتقد مش هايبقى فيها مشكلة خصوصا ان وانت ماشي ع الطوالي الحرارة مش بتوصل 90 ممكن 80 او اقل

شكرا ليك يا شريف وكلامك منطقي
بس انا قريت موضوع هنا من شوية كان واحد بيشكي من نفش المشكلة وطلع العيب مش من ترموستات المروحة
وومكن يكون المؤشر بيقرأ غلط او ممكن يكون في سده او هوا في الردياتير
مع اني لسه منضفه من قريب وحاطط ميه خضراء والراجل فرّغ الهوا كويس
بس بعديها بفترة بسيطة ظهر تنفيس في الردياتير ولحمته بس مفرغش الهوا كويس
هل ده ممكن يكون السبب؟؟؟

ماشي يا شريف
وشكرا ليك على اهتمامك
وبلاش موضوع أستاذ احنا كلنا اخوة :)