مساعدة من واحد ابيض فى الصوتيات تماما

**mido_soliman** · 02-03-2013 10:28 PM

السلام عليكم

انا اخوكم جديد فى القسم هنا علشان ناوى على سماعتين ان شاء الله وعايز اسال سؤال

انا عربيتى جين2 وغيرت الكاسيت الاصلي لان عدستة باظت والتوكيل طلب رقم غريب فى تصليحها ففضلت انى اجيب واحد تانى وعجبنى كاسيت كينود cd& aux & usb كان ب 600 جنية تقريبا وهوة بصراحة صوتة حلو جدا جدا علما بان انا عندى
عدد 2 سماعات 16 فى البابين الامامين
عدد 2 سماعات 16 بردة فى الرف الخلفي

بصراحة الصوت كويس جدا بالنسبة للسماعات بس مش عارف لية حاسس انى لو جبت 2 بيضاوى ورا مكان المدورين دول (الغيهم بس ) حيدونى صوت احسن وبيز اقوى الكلام دة مظبوط ولا تهيأت ؟؟؟

انا متطلباتى للسماعتين ان يكون بيزهم حلو وصوتهم نقى (مش مهم بكام ) المهم انهم يكونوا نضاف جداااا
تانى حاجة مهمة اوى انى لا حجيب صب ولا ناوى اجيب ولا حجيب جى ام ولا ناوى اجيب

اخر حاجة
الكاسيت اللى عندى دة حيشغل سماعات الابواب وسماعات البيضاوية من غير جى ام ويشغلهم بكفاءة ولا لاء ؟ لانى مش عايز العب فى كهربة العربية نهائى كلة fit & fix

يعنى انا حلغى السماعات الخلفية بانى حاخد سلكهم واوصلهم فى الجداد وبس

معلش انا ملخبط الموضوع ومش مرتبة لانى محتار فاتمنى انكوا تفيدونى

ماركات السماعات وفى رينج كام ؟؟ واضمن مكان اشترية منه لو اساسا اللى انا بقولة دة حيشتغل عادى من غير جى امات والكلام دة كلة

واخيرا لو فى بردة سماعات للابواب احسن من الاصلية اللى راكبة دى وتعمل شغل مع البيضاوية ياريت بردة
تحياتى لكم

**eng.m7md.ali** · 03-03-2013 01:57 AM

مبروك يا ميدو باشا التعديلات مقدماً

نصيحة ليك فكر في جي ام كمان عشان الصوت يطلع احسن مايكون .. وبالنسبة للسماعات انا بفضل الjbl عن الكينوود والكلام ده عن تجربة بس في عربيات تانية .. بالنسبة للسماعات اللي ورا تقريبا ممكن تشغل الاصليين كمان مع الجديد لو خدت وصلة من السلك . اكيد اللي هيركب فاهم الموضوع ده

**dr_7ooda** · 03-03-2013 02:20 AM

انا هاشارك برأيي اللي انتا عارفه يا ميدو عشان الناس تضيف وتعدل وتشارك معاك عشان توصل لاحسن الحلول

كنت اتمني انك تحددلي ميزانيه بس مش مشكله

هابدأ بالسماعات

البيبان اللي قدام هاتجيبلها سماعه كمبوننت زي اللي في الموضوع بتاع احدث عده هاتجيبها با يونير ب 400 جنيه او سوني ب 350

وتركب ووفر في الباب وتركب التويتر علي القايم جنبك او علي التابلوه

سماعات البيبان اللي ورا ودي لاااااااااااااااااااااااا اازم نلغيها
ونعمل رف خشب mdf 20 ميللي وراني مكان الاصلي اللي هانعينه ونركب عليه سماعتين بيضاوي

وانا بفضل انك تجيب كينوود 400 وات ( او 350 ) مقاس 7 × 10 دبل بييز ودي 550 جنيه

أو كينوود 6×9 500 ب 475 جنيه أو كينوود 400 6×9 ب جنيه375

اما الكاسيت بقي لو مش عايز تاخد من الضفيره يبقي هاتجيب كاسيت تاتش gps اصلي بتاعها وده من اول 1500 لغاية 4000 جنيه حسب امكانياته وصناعته وبيركب علي الفيشه علي طول وبيشتغل مع المالتي

وده شكله

اضغط هنا لمشاهدة الصورة بالحجم الطبيعي.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 720x425.

بس انا بصراحه بحب صوت الكاسيت العادي
وممكن اجيب بايونير ديل دين زي ده ب 1000 جنيه صوته جااااااااااااااامد

اضغط هنا لمشاهدة الصورة بالحجم الطبيعي.

او ممكن لو عايز تاتش و dvd وتمنه 2300 جنيه

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1000x562.

امني اكون افدتك
بالتوفيق

**roland_yamaha** · 03-03-2013 12:00 PM

بس للتذكير سماعات البيبان الأمامية الأصلية بيزهم أعلي من اي سماعات جديدة وده اللي أنا مجربه لكن كنقاء صوت وعلو الجديد أحسن

**Mohamed ELOoL** · 03-03-2013 04:42 PM

والله انا زيك كدة انا مركب كاسيت علي السمعات الاصلية و مش عارف اركلبلهم سماعتين بيضاوي وراه ولا ايه

( و مش عايز جي ام ) والكلام دة بس بردو عايز بيز نضيف

**mido_soliman** · 03-03-2013 08:59 PM

شاكر لكل الردود وعلى راسها طبعا دكتور حودة
بس انت شكلك مقرتش الموضوع بتاعى واعتمدت على الرسالة يا كبير :)

دلوقتى باة فى كاسيت فعلا سينجل دن كينووود aux usb cd وصوتة حلو جدا جبتة ب 600 من وكيل كينوود فى احمد عرابى

وانا حاليا استقريت على كينوود 400 دبل بيز المشكلة الوحيدة الاقيها فين وهل ليها موديل معين علشان ميضحكش عليا ؟؟؟؟

وبخصوص السماعات الامامية مش حغيرها دلوقتى خلاص حركب البيضاوى الاول واشوف الدنيا ماشية ازاى

اخر نقطة باة هوة مينفعش احط السماعات على الرف اللى موجود فى العربية (حجيب واحد استيراد واعين الفبريكة ) بدل الخشب دة علشان وزنة وميعملش صوت ودب وكدة ولا اية ؟؟؟
ولو لازم الخشب اعملة فين ؟؟؟ وحيتكلف كام
تحياتى العطرة لكل الرجالة اللى ساعدونى بجد :)

**nos502000** · 03-03-2013 11:09 PM

بص يا كبير عايز سماعات من الاخر يبقى حاجة من اتنين يا جى بى ال 600 وات يا كينوود دبل بيز اعلى وات تلاقيه

ده المفيد فالسمعات البيضاوية وياريت بقى لو جى ام يظبطلك الدنيا

**mido_soliman** · 04-03-2013 08:10 AM

دة موديل الكاسيت اللى انا جبتة وطبعا انا مجبتش بايونير لان توكيل كلاريون معندهوش بايونير فجبت دة ومعرفش رائيكوا فية اية وسبب انى جبت من كلاريون لانة هوة بردة اللى عندة الوش اللى بيركي عندى فى التابلوة وهوة المضمون فى فك الكاسيت وتركيبة عندى لانة وكيل بلوبانكت او ماركة الكاسيت اللى نازلة بية العربية

دة شكلة

وسبب انى اخترت الموديل دة تحديدا رغم انى معرفش اى معلومات عنة او عن اى كاسيت كان فى الفرع ان دة نفس لون اضاءة التابلوة عندى :) فمش عارف الكاسيت دة شغال ولا انا اضحك عليا رغم ان صوتة انا حاسس انة احلى من الاصلى بفرق واضح

تكملة باة لموضوع السماعات ومعلش انا عارف انى مقرف جدا فى الموضوع دة

لو انا اتهبلت واشتريت الكينوود ال 600 دبل بيز حيشتغلو من غير جى ام على الكاسيت دة ولا مش حيقوموا اصلا :)

وموضوع الجى ام دة انا فعلا مش عايز اركبة مش علشان التكلفة ابدا بس انا فعلا مش عايز اقص سلك فى ضفيرة العربية

نسيت اقول ان انا عربيتى ليفت باك ( زى الهاتش كدة ) يعنى الرف الخلفى بيترفع مع فتح الشنطة بتاعة العربية وطبعا ممكن يتشال خالص ويتحط غيرة خشب باة او اى نوع فاية رايكوا فى الفكرة للى انا قلتها بخصوص انى اجيب الرف دة استيراد واشيل الرف الاصلى فى البيت واخرم فى الاستيراد مكان السماعتين علشان لا اكون بوظت شكل العربية وفى نفس الوقت الرف الاصلى زى ما هوة !! ولا هوة الخشب لازم علشان جودة الصوت ؟؟؟ الرف بيبقى تقريبا خشب خفيف اوى كانة ابلاكاش او حبيبى متغطى بموكيت وطبعا سمكة بيبقى قليل جداااااا يمكن 1سم او اقل فسهل اوى يتخرم بقطر حتى
ادونى الافادة فى السماعات علشان انزل اجيبها النهاردة او بكرة بالكتير من احمد عرابى علشان الموضوع دة عاملى صداع :) صوت الكاسيت وخصوصا لما بشغل الايفون علية فى اى ترانس السماعات الاصلية بتطلع صوت مش متوقع منها ابدا بس انا حاسس ان البيضاوى حتنقلنى نقلة نوعية وحيبقى طبقات المزيكا اوضح وانقى

**AlGazar2** · 04-03-2013 09:02 AM

بص يا باشا انا معرفش فى الموديلات اوى
بس الكينوود الدبل بيز سماعات جامده - و الرف بتاع العربيه سواء الاصلى او الاستيراد مش هيستحملها و هاتلاقيها بتطلع صوت رخم جدا الاحسن تعمل رف خشب 2 سم عشان يبقى تقيل و يطلع قوه السماعات كلها

السماعات الدبل بيز هتشتغل مع الكاسيت بس الجى ام هو الى هيطلع قوتها - تركيب الجى ام مش هيخليك تقص حاجة فى ضفيره العربيه خالص - بتمد سلك من البطاريه للشنطه ده للموجب و بتاخد السالب من اقرب مسمار فى الشنطه و للسماعات تقريبا بتركب على اسلاك السماعات الى جايه من الكاسيت مش من ال rca زى الصب

**mido_soliman** · 04-03-2013 06:59 PM

لسة راجع من توكيل كلاريون فى احمد عرابى والراجل نكد عليا :(
قلتلة عايز الكينود الدبل بيز ال 600 وات اركبهم لحد ما اجيب جى ام كمان شهر ولا حاجة لو احتاجتة
قالى مش حتشتغل اصلا وتطلع صوت من غير جى ام ؟؟؟ (على الرغم انى كنت قريت موضوع قبل كدة لعضو كان مركبهم بردة من غير جى ام وصرف نظر عن الجى ام )
المهم الراجل اعد يحلفلى انهم مستحيل يقوموا وممكن يطيروا الكاسيت :(
قلتلة طب ال400 دبل بيز
قالى نفس الكلام لازم جى ام :(

المهم قلتلة طب هات جى ام قالى سيمفونى 520 قلتلة مش عايز سيمفونى نهائى
قالى خد الكينود 720 وات قلتلة بكام دة قالى ب 700تقريبا
وفى كينود 500 وات قلتلة طب ودة قالى مش حيقوم السماعات :( (كنت عابز اولع فيهم )

حسسنى انى حركب 15 سماعة وهما كلهم سماعتين
المهم الحسبة كانت الاتى
السماعات ال600 حسبها ب 870 والجى ام 700 او 720 مش فاكر والبوردة ب 100 والتوصيلات ب 90
اية الكلام يا رجالة ادونى المفيد الله يكرمكم
انا عموما مشيت لان الفلوس مكملتش معايا
وقلت مصلحة ارجع اسال الناس واخد الاراء وربنا يكرم
حاجة اخيرة كمان انا عايز انا اجيب التوصيلات اللى بيحتاجوها علشان ابقى ضامنها من راديو شاك فاية الوصلات اللى بيحتاجوها لان كبل الاوديو الازرق اللى بيركبوة دة مش عاطفى وحاسس انة اشتغالة

الموضوع: مساعدة من واحد ابيض فى الصوتيات تماما

LinkBack

أدوات الموضوع

عرض

مساعدة من واحد ابيض فى الصوتيات تماما - انشر الموضوع فى :

-

-

-

-

-

-

المواضيع المتشابهه

مساعدة من محترفين الصوتيات

خبراء الصوتيات ممكن مساعدة

محتاج مساعدة من الخبراء في الصوتيات

شويه استفسارات من واحد ابيض شمعه منوره

الكلمات الدلالية لهذا الموضوع

المفضلات

المفضلات

ضوابط المشاركة