تغيير التيل و الطنبورة الامامية تيدا

**engakamel** · 02-03-2013 11:08 PM

تغيير التيل و الطنبورة الامامية تيدا2006
بعد تغيير التيل و الطنبورة الامامية تيداالفرامل خفيفة (لما بادوس بتروح معي)
الميكانيكي اخبرني انها بعد التطبيع ستضبط
علما بان مستوي زيت الفرامل جيد
و عتد الضغط عليها اكثر من مرة لا احس بفرق
هل كلام الميكانيكي سليم ام ان الفرامل تحتاج لضبط
افيدوني افادكم الله

**Land_Cruiser** · 02-03-2013 11:40 PM

ايوة يا فندم الكلام سليم و خاصه ان الاتنين جداد لسه بس احب أطمنك ان الموضوع ده ان شاء الله مش هيطول يعنى الضغط على الفرامل هو اللى بيساعد ان التيل يطبع مع الطنبوره الجديده و شويه و تلاقى الفرامل بقت عاديه. المهم بس لحد الموضوع ده ما يحصل ما تجريش جامد بالعربيه علشان تبقى متحكم فى الفرامل و لو عايز تسرع فى عمليه التطبيع دى ممكن تطلع على طريق فاضى و كل شويه و انت ماشى تدوس فرامل بالتدريج يعنى مفيش داعى تكبس على الدواسه و هتلاقى انها بدأت تطبع و استجابه الفرامل اتحسنت كتير

**sno7y** · 02-03-2013 11:46 PM

والموضوع ده فى كل السيارات ؟

**Land_Cruiser** · 02-03-2013 11:55 PM

المشاركة الأصلية كتبت بواسطة sno7y

والموضوع ده فى كل السيارات ؟

ايوة يا فندم . عامل كده زى فكره التليين لاى موتور جديد. مش هتفرق الماركه لان كله بيشتغل بنفس الطريقه . التيل مع الاحتكاك بالطنبورة عند الضغط على الفرامل بيدأ يتبرى زى الاستيكه و كأنه بيطبع عليه شكل الطنبوره و ده بيسهل انه يمسك فيها بسهوله و الكلام ده عام بيحصل فى كل العربيات عند تغيير التيل على الاقل او التيل مع الطنبوره

**Sehsss** · 03-03-2013 01:19 PM

المشاركة الأصلية كتبت بواسطة Land_Cruiser

ايوة يا فندم الكلام سليم و خاصه ان الاتنين جداد لسه بس احب أطمنك ان الموضوع ده ان شاء الله مش هيطول يعنى الضغط على الفرامل هو اللى بيساعد ان التيل يطبع مع الطنبوره الجديده و شويه و تلاقى الفرامل بقت عاديه. المهم بس لحد الموضوع ده ما يحصل ما تجريش جامد بالعربيه علشان تبقى متحكم فى الفرامل و لو عايز تسرع فى عمليه التطبيع دى ممكن تطلع على طريق فاضى و كل شويه و انت ماشى تدوس فرامل بالتدريج يعنى مفيش داعى تكبس على الدواسه و هتلاقى انها بدأت تطبع و استجابه الفرامل اتحسنت كتير

المشاركة الأصلية كتبت بواسطة Land_Cruiser

ايوة يا فندم . عامل كده زى فكره التليين لاى موتور جديد. مش هتفرق الماركه لان كله بيشتغل بنفس الطريقه . التيل مع الاحتكاك بالطنبورة عند الضغط على الفرامل بيدأ يتبرى زى الاستيكه و كأنه بيطبع عليه شكل الطنبوره و ده بيسهل انه يمسك فيها بسهوله و الكلام ده عام بيحصل فى كل العربيات عند تغيير التيل على الاقل او التيل مع الطنبوره

**Land_Cruiser** · 03-03-2013 04:10 PM

المشاركة الأصلية كتبت بواسطة engakamel

شكرا بس الموضوع ياخد اد ايه بعدها افكر انه هناك مشكلة

الموضوع مرتبط بعدد مرات الضغط على الفرامل و مش بعداد الكيلومتر او بالمده الزمنيه. حضرتك جرب تركبها مشوار فى شوارع زحمه اللى هى اغلب شوارعنا و هتلاقى نفسك بتدوس عالفرامل كتير غصب عنك و بالتالى الموضوع هيتظبط لوحده