آخر كلام.. بدء الدراسة بالمدارس يوم 20 سبتمبر

**OlaOsman** · 03-08-2008 12:40 PM

الدراسة بالمدارس‏20‏ سبتمبر
وموعد الجامعات يحدده المجلس الأعلي
نظيف‏:‏ توفير السلع الأساسية في رمضان بأسعار متوازنة
لتخفيف العبء عن محدودي الدخل

الإسكندرية ـ من حسين ثابت‏:‏

أعلن الدكتور أحمد نظيف رئيس مجلس الوزراء أمس أنه من المتفق عليه أن الدراسة في المدارس ستبدأ في ثالث يوم سبت من شهر سبتمبر المقبل‏,‏ وهو ما يوافق العشرين من سبتمبر‏,‏ ويتوافق مع العشر الأواخر من شهر رمضان المبارك‏.‏

وقال نظيف‏:‏ إنه بالنسبة لموعد الدراسة في الجامعة فإنه متروك للمجلس الأعلي للجامعات ليحدده‏.‏

وأوضح الدكتور نظيف أن الحكومة استعدت ـ من خلال مجلس الوزراء ومجلس المحافظين ـ لاستقبال شهر رمضان‏,‏ حيث تم توفير السلع الأساسية للمواطنين في الأسواق‏,‏ وأكد أن الحكومة تبذل كل الجهد لتحقيق التوازن في الأسعار بتوفير البدائل التي تخفف العبء عن الأسر المصرية‏,‏ خاصة محدودي الدخل‏,‏ ومراعاة تزامن شهر رمضان مع بدء العام الدراسي الجديد‏.‏

**OlaOsman** · 03-08-2008 12:42 PM

يعني ايه الميزة في بدء الدراسة بالمدارس في العشر الأواخر من رمضان؟

دي هاتبقى مطططططططحنننننننننة

**hamedo0** · 03-08-2008 12:59 PM

انا كنت سامع ان في منحه من اليابان عشان التعليم من شروطها ان الدراسه تكون 63 اسبوع ممكن يكون عشان كده بس انا مش عارف صحه هذا الكلام

**alaa_dash** · 03-08-2008 05:41 PM

يعني ايه الميزة في بدء الدراسة بالمدارس في العشر الأواخر من رمضان؟

دي هاتبقى مطططططططحنننننننننة

الفكرة انهم يخلصوا ايام التعارف الاولى و اللي ما حدش بيحضرها اساسا في العشرة الاواخر .. بحيث يبدأ الدراسة الفعلية على طول بعد العيد .

**OlaOsman** · 03-08-2008 06:49 PM

المشاركة الأصلية كتبت بواسطة hamedo0

انا كنت سامع ان في منحه من اليابان عشان التعليم من شروطها ان الدراسه تكون 63 اسبوع ممكن يكون عشان كده بس انا مش عارف صحه هذا الكلام

أنا أول مرة أسمع الكلام ده.

المشاركة الأصلية كتبت بواسطة alaa_dash

الفكرة انهم يخلصوا ايام التعارف الاولى و اللي ما حدش بيحضرها اساسا في العشرة الاواخر .. بحيث يبدأ الدراسة الفعلية على طول بعد العيد .

متهيألي ده بالنسبة للجامعات ياعلاء.. انما بالنسبة للمدارس فالأهالي بيودوا ولادهم من أول يوم طبعا.. ده غير طحنة شرا مستلزمات المدارس في نص رمضان شوف الشوارع هاتبقى عاملة ازاي.. و بعدين همه الأهالي هايشتروا لوازم مدارس و لا لبس عيد للعيال و لا ايه و لا ايه؟ همه الناس ناقصة ضغوط؟

**OlaOsman** · 03-08-2008 07:29 PM

طبعا انتوا بعد كده هاتسموني علا اعتراض :p

ياللا.. مش مشكلة.. ماهو احمد ابراهيم لقيته مسميني على الفيس بوك علا مطافي :D

**alaa_dash** · 03-08-2008 07:37 PM

متهيألي ده بالنسبة للجامعات ياعلاء.. انما بالنسبة للمدارس فالأهالي بيودوا ولادهم من أول يوم طبعا.. ده غير طحنة شرا مستلزمات المدارس في نص رمضان شوف الشوارع هاتبقى عاملة ازاي.. و بعدين همه الأهالي هايشتروا لوازم مدارس و لا لبس عيد للعيال و لا ايه و لا ايه؟ همه الناس ناقصة ضغوط؟

العيال بتروح المدارس من اول يوم صحيح لكن بيقضوا اول اسبوع او اسبوعين
في الجدول هيبقى ايه و استلام الكتب و المصاريف و غيره ..باين نسيتي ايام المدرسة :)
انا فاكر كان الجدول بيتغير كل يوم في اول اسبوع ...فهما قالوا اللخبطة ديه تمر اخر ومضان و يبدأو على طول دراسة جد بعد العيد...اما حكاية المصاريف فربنا يعين الاهالي
فعلا ....بس اهي هتبقى زنقة في اول السنةو تعدي :)

انا كنت سامع ان في منحه من اليابان عشان التعليم من شروطها ان الدراسه تكون 63 اسبوع

63 اسبوع يعني سنة و شوية !! ده كان الناس تولع فيهم ..يمكن قصدك 36 ؟!

**OlaOsman** · 03-08-2008 07:42 PM

المشاركة الأصلية كتبت بواسطة alaa_dash

العيال بتروح المدارس من اول يوم صحيح لكن بيقضوا اول اسبوع او اسبوعين
في الجدول هيبقى ايه و استلام الكتب و المصاريف و غيره ..باين نسيتي ايام المدرسة :)
انا فاكر كان الجدول بيتغير كل يوم في اول اسبوع ...فهما قالوا اللخبطة ديه تمر اخر ومضان و يبدأو على طول دراسة جد بعد العيد...اما حكاية المصاريف فربنا يعين الاهالي
فعلا ....بس اهي هتبقى زنقة في اول السنةو تعدي :)

من ناحية نسبت أيام الدراسة فأنا آه طبعا نسيتها.. ناس عواجيز بأه :p

و كمان انا أصغر إخواتي فبخروجي من المدرسة انتهى عهد الدراسة في بيتنا.

بس جميل يا علاء نظرتك المشرقة دي للأمور.. فعلا أحييك عليها :)

**alaa_dash** · 03-08-2008 08:14 PM

بس جميل يا علاء نظرتك المشرقة دي للأمور

لا مشرقة ولا حاجة :( دول عالم بتهرج
كل الحكاية ان انهم بيضحكوا على بعض ..يعني هما عارفين ان مافيش دراسة في الاول
و الكلام ده قالوا نظيف ..يعني هما عارفين ان الدراسة الجدية مش بتبتدي الا بعد مدة !!
فقالوا الايام الضايعة ديه نضيعها في رمضان و نخلص ..
انا فاكر الجدول و الكتب مثلا كانوا بيتوزعوا في اول ايام الدراسة لما كنت في مكة ..
جيت هنا و اتعرضت لصدمة حضارية فضلت معايا مدة لغاية ما تكيفت ,,
عشان كده الدراسة في السعودية هتبتدي بعد العيد اللي اجازتهم فيها ست ايام كمان !
لسه نظرتي مشرقة :)

**alaa_dash** · 03-08-2008 08:23 PM

و ده رد فعل الطلبة

قالت تقارير صحفية ان طلاب المدارس والجامعات اكدوا ضرورة تأجيل الدراسة إلي ما بعد اجازة عيد الفطر المبارك.
وقالت صحيفة المساء شبه الحكومية ان الطلاب اعلنوا رفضهم الذهاب إلي المدارس والجامعات إذا تم تنفيذ قرار د.أحمد نظيف رئيس الوزراء ببدء الدراسة يوم 20 سبتمبر القادم.
واشاروا إلي ان التاجيل 15يوماً لن يؤثر علي العملية التعليمية.
وقالت الصحيفة ان الطلاب اكدوا ان الاستيعاب خلال أيام الصيام سيكون صعباً وان بدء الدراسة بعد العيد افضل وانهم الادري بمصلحتهم.
ونقلت عن كثير من أولياء الأمور ايضاً رفضهم القرار.
وقالت ان اسبابهم تتلخص في ان الاعباء المادية ستزيد عليهم في حالة بدء الدراسة 20 سبتمبر المقبل حيث سيكونون مطالبين بمصاريف شهر رمضان والعيد والمدارس.. أي انها ثلاث خبطات في الرأس مرة واحدة.
كان نظيف قد أعلن أن العام الدراسي الجديد سيبدأ كما هو متفق علية في يوم السبت 20 سبتمبر ، وهو ما يتوافق مع العشر الأواخر من شهر رمضان المبارك.
وقال إن تحديد موعد العام الدراسي الجامعى يتم من خلال المجلس الاعلي للجامعات.

و اخيرا احنا بنثبت كل يوم ان احنا ماشيين عل القاعدة الشهيرة
سمك...لبن ...تمر هندي

الموضوع: آخر كلام.. بدء الدراسة بالمدارس يوم 20 سبتمبر

LinkBack

أدوات الموضوع

عرض

-

-

-

-

-

المواضيع المتشابهه

استطلاع رأي (كيف ينتهى العنف ضد الأطفال بالمدارس؟ )

كلام رجالة و لا كلام صنايعية!!

ليه يا جماعة مكتوب فى الجرايد كلام و الحقيقة كلام تانى خلاص

الكلمات الدلالية لهذا الموضوع

المفضلات

المفضلات

ضوابط المشاركة