استفسار في عربيه بولو لاعضاء السيات

**Mahmoudyoussif** · 03-03-2013 11:14 AM

دلوقتي انا عربيتي بولو فوكس كوبيه 1995 و موتورها 1300 cc دلوقتي عربيتي بالظبط محتاجه الاتي

1 - بلوكه بوش

2 - تكيف كامل لان اللي عندي بلدي زي الزفت بهدل الدينامو والطابلوه متشال منه الهوايات الاصليه

3 - صدر كامل بفوانيسه بالريداتير عشان اللي عنده واخد خبطه و معمول بكلبسات و شكله يسد النفس

4- قاعده موتور

5- طقم بارات

مع العلم ان العربيه كوبيه و صارف عليها ما يقرب من 12000 جنيه بس بصراحه كل قرش بدفعه بحس بيه

دلوقتي انا عايز اعرف انهي الافضل اجيب نص امامي كامل 1600 75 Hp ولا اجيب النص بتاعها 1300 54 HP

ولا اجيب الحاجات اللي فوق دي متجزئه مع العلم اني عايز العازل الفبريكه بتاع الكبوت و بتاع صدر العربيه

دا غير اني عايز اركبلها فوانيس الشبوره ... فكرت ابيعها لقيت نفسي هخسر كتير و هجيب عربيه اصرف عليها تاني

فعربيتي مش محتاجه غير الحاجات دي ... مع العلم ان الحاجات اللي في الحوض و العفشه زي الفل

لاني غيرت الاتي من ساعه اما جبت العربيه

1 - طرمبتين بنزين

2 - بطاريتين جافتين

3 -دينامو Value

4 - طقم كبالن و مقصات و جلب كامل

5- 4 مساعدين امامي و خلفي

6- طرمبه ميه جديده

7- جنبين باب بفرشهم بمكن كهربا

8-قاعده موتور + قاعده فتيس + عصايه فتيس

9- 4 فرد كاوتش

10- عداد استيراد 1600

11- مرايتين جنب

12 - مساحات جديده امامي بس الخلفي جبتها و عايز اركب المكنه بتاعتها

مع العلم ان عربيتي فابريكه بمعنى الكلمه من بره شنطه و من جوا فابريكه فعلا

انا عايز اعرف رأي حضراتكوا اجيب النص منين و بسعر كويس ... و لا اجيب كل حاجه لوحدها

يعني بلوكه و صدر و طابلو وتكيف ولا ليكوا رأي تاني مستني رأيكو بفارغ الصبر

**SYD** · 03-03-2013 11:37 AM

اهلا بيك في قسم سيات

لو هتجيب النص بسعر كويس (6 او 7 بالكتير) هيبقي ارخص من انك تجيب الحاجات دي متقطعة
وهتستفاد بفرامل وعفشة وردياتير وضفيرة وفتيس وطابلوه وعلبة دريكسيون وباور الخ الخ الخ

ربنا يباركلك في عربيتك
تحياتي

**SYD** · 03-03-2013 11:56 AM

والله - علي ما اعتقد مش هتلاقي نص 1300 - ولو لقيته هتلاقيه سعره يقترب من نص 1600
خلينا نتكلم علي انه 1400 ال8 صباب ونقارنه بال1600

لو جبت ال1400 هتستفاد اكتر من حاجتك اللي عندك كقطع غيار للنص الجديد - زي العفشة والفرامل وادوات التغذية من مارش للدينمو الخ
اما لو جبت نص 1600 - اما هتبيع حاجتك خردة او هتحنطها في البيت

ولو استقريت علي ال1.4 الانجيكشن فانت هتستفاد كتير اوي من حاجتك القديمة او ممكن ماتجيبش نص من اصله
بس عشان التكييف يركب صح - نصيحة هات نص وفضيه

عزل الصدر للاسف ممكن وانت بتنقله من النص للعربية يتقطع منك ويتبهدل

لو عايز نص بولو
انزل المريوطية عند ملك الجولف - عنده نصين بولو فوكس - اتفرج عليهم واسمع عايز فيهم كام والمواصفات ايه - وقولنا - ونتناقش فيهم

تحياتي

**ehab_mansour** · 03-03-2013 12:05 PM

نصيحة لوجه الله
اسمع كلام ابو السيد و رأيه من رأيي انك تجيب نص كامل علي بعضه و تريح دماغك و تشيل و تحط كل حاجه فيه في عربيتك
الموتور تجيب ايه ؟
انزل اتفرج و شوف ايه المتاح و أسعاره ايه و بعدين نتكلم و لكني برجحلك ال 1600
و خليك في انجيكشن كامل بكنتروله و ضفيرته و بكل مشتملاته و تبقي اشتريت دماغك
و لو لقيت نص اوتوماتيك تبقي عملت الصح و متقلقش هتفضيه كاملا مكلمل بدواساته و بعصاية فتيسه و بكل حاجه و تبقي فعلا كسبت

انزل اتفرج و قلنا ايه عجبك و قلنا علي الاختيارات اللي قدامك و ربك المستعان و الموفق

**ehab_mansour** · 05-03-2013 01:50 PM

المشاركة الأصلية كتبت بواسطة mahmoudyoussif

طيب سؤال تاني معلش لو النص بتاع عربيه بولو 2001 الموتور ال 1400 ال 16 صباب
هينفع ولا يبقى فيه مشاكل

و متشكر جدا لارائكم .... بس عايز اعرف هل العزل ممكن يتفك براحه و يركب لوحده

ينفع بس انهي 1400 16 فالف ياريت تجيب كوده و قوته و صوره عشان فيه 1400 101 حصان ده موتور مقرف شويتين فيه حاجات كتير مش مريحة كقطع غيار و استخدام بنزين و حاجات مش متوفره

و كل حاجه بتتعمل سواء عزل او تكييف فبريكة او اي حاجه بس انصحك تشوف مواضيع كريم في التسقيط عشان تعمل حسابك علي كل حاجه

اهم شيء في التسقيط انك طالما هتغير موديل يبقي تفضي النص كاملا بكل حاجه و اهم شيء الضفيرة و الكهرباء و الكنترول و ادوات التعذية و طلمبة البنزين و العدادات بالتابلوه لو امكن و الاهم الميكانيكي اللي هيقفل الشغل يكون بيفهم و عنده ضمير

و للعلم شاسيه البولو و الابيزا لم يتغير من 94 حتي 2002 و لكن فيه بعض التغيييرات في المحركات و الشكل و الاكصدامات و العفشة بسيط و طبعا في التكنولوجيا و العدادات و التابلوه فيه اختلافات كبيرة للأحسن
و بالتوفيق ان شاء الله

**ehab_mansour** · 06-03-2013 08:43 AM

المشاركة الأصلية كتبت بواسطة mido_antouhh

ننص بولو 2001 كامل بكل حاجته 2 كامه
1400
AUA
(تكييف & باور& عفشه & فوانيس & فوجات & تابلوه كامل & كبوت و2 رفرف واكصدام & EGR &EBS&airbag)

الماتور ده 75 حصان وماشي 100000كيلو
النص ده يعمل كام
؟؟؟؟؟
ورائيكم المتواضع يستاهل التسقيط ولا اه
؟ ؟؟؟؟؟؟

المشاركة الأصلية كتبت بواسطة ehab_mansour

السلام عليكم
طبعا يستاهل الموتور ده من مواتير فولكس اللي مازالت شغاله و بتنتج و هو نزل في موديلات كتير منها ابيزا و كوردوبا و بولو و غيرها كتير و نزل بعد عام 2000 و هو 1400 سيسي 2 كامة علوية و 75 حصان عند 5000 لفة في الدقيقة و عزمه 128 نيوتن متر عند 3300 لفة في الدقيقة و بيشترك في قطع غيار كتير مع محركات أخري و أنصحك بيه بشده طبعا

طبعا لو هتفضي النص كاملا بكل الحاجات اللي عندك دي صح هتركب عربية تانية خالص و خاصة انه ماشي 100 الف كيلو بس و ده رقم لا يذكر تماما اهم شيء التسقيط صح و عند صنايعي بيفهم و متخصص و ياريت تسقط عند المركز اللي كريم سقط عنده

بالنسبة للسعر فأنت و شطارتك و لكن معتقدش هيقل عن 7 بأي حال من الأحوال خاصة لو كل حاجه حالتها حلوه في النص و كمان موديله أعلي و لكن انت شطارتك برده في الفصال

و بالتوفيق لك و للجميع و نتمني تطمنا أولا باول علي الخطوات و ياريت لو تقرير تبقي افدت الجميع و يا سلام لو نتقابل مقابلة قريبة بعد التسقيط نقيم مع بعض و نشوف و ربك المستعان

الموضوع: استفسار في عربيه بولو لاعضاء السيات

LinkBack

أدوات الموضوع

عرض

-

-

-

-

-

المواضيع المتشابهه

استفسار بخصوص السيات 133

انا اشتريت عربيه بولو وعايز اعليها شويه اعمل ايه ؟

مطلوب عربيه بولو 2001

استفسار لاعضاء المنتدى الكرام و خاصة المهندس طارق زويل

السلام عليكم (استفسار لاعضاء منتدي الدايو) ارجو النصيحه

الكلمات الدلالية لهذا الموضوع

المفضلات

المفضلات

ضوابط المشاركة