رجه غريبه في العربيه

**topstar** · 03-03-2013 12:31 PM

السلام عليكم .. يارب الجميع يكون بخير

انا صحيح معايا المازدا من اول ما نزلت بس في حاجه اول مره تقع قدامي كانت اي حاجه بتحصل كنت بعرف حلها ايه .. بس المره دي شئ غريبه

وانا ماشي بالعربيه في رجه غريبه ومش في الطاره لاني افتكرت ترصيص بس مطلعش ترصيص..

وكشفت عند عفشجي قالي جلب المقصات غيرت الجلب وبرضو زي ما هي ...

وافتكرت صليبه الكوبلن الداخليه ..لان من فتره كبيره كان في رجه وغيرت صليبه الكوبلن وظبطت معايا .. بس المره دي مش ظابطه

وفي ناس بتقولي ممكن يكون اكس الكوبلن معوج..طب انا مخدتش مطباظ خالص تفتكروا ايه الحل؟؟؟

بقالي اكتر من شهر حيران وعملت كل حاجه ؟؟ وتبعت بجد

**Thebutcherr** · 04-03-2013 05:00 PM

كوبلن داخلى, محتاج يتغير الصلايب اللى جبتها بوشت تانى و غالبا حفرت فى القلل ( الكوز) اللى بتبات فيه , فلو غيرتها تانى شوية و هتبوظ اكتر الحق غيرهم قبل ما يعملو بوش فى مدخل الكوبلن فى الفتيس و تبوظلك الفارغة

**gb auto** · 04-03-2013 07:52 PM

مساء الخير عليكو كلكو
الرجة الى عندك لو بتظهر فى الطلعة هتبقى فى القاعدة(الى ناحية السيور)
لكن لو وانت ماشى فى الطوالى عند سرعة معينة يبقى ترصيص
لكن لو هى فى السرعة وبتزيد مع دوسة البنزين وتختفى لما تشيل رجلك يبقى كوبلن
وده الفرق بين الرجات

**omarkhaled55** · 11-05-2013 10:27 PM

لو سمحت عندك صلايب و قلل مازدا 3 مانيوال وبكام ؟؟؟
والمركز بتاعك فيين ؟؟

**WalidAdel** · 12-05-2013 04:08 AM

هو و لامؤخذه في السؤال ممكن حد يفهمني موضوع الكوز و القلل ده علشان انا حاسس انه عندي بس مش فاهم ايه اللي بيحصل الصراحه
انا عندي اويسيل الكوبلن الشمال بيعرق زيت ... فروحت للميكانيكي قالي روح لبتاعه الفتيس علشان الكوبلن مبوش
روجت لبتاع الفتيس قالي الفتيس زي الفل
رجعت تاني للميكانيكي قالي بص هانفك و نشوف ... فقولتله بص ياحمد يابوله هاسيبلك العربيه تروح تخلص مشاكلك مع الراجل بتاع الفتيس اللي بعتني عنده و تشوف المشكله فين و تعملها
بس انا مش فاهم حاجه .. فياريت حد يفهمني بقي طالما وصلنا للكوز و القلل هنا

**swimmer25** · 12-05-2013 04:37 PM

أول حاجة ...أول حاجة تبص عليها الكاوتش
الكاوتش معاك نوع ايه ؟
وإنتاج كام (مكتوب في شكل بيضاوي علي الكواتش من برا 4 أرقام)؟
وراكب في العربية من امتي ؟
وعامل بيه كام الف كم ؟

ياريت تقول المعلومات دي وتروح تكشف عند بتاع كاوتش بيفهم أو إنت شيك بنفسك:
1- مشي إيدك علي داير الكاوتش وشوف فيه عالي وواطي ولا لا (الأربع فرد)
2- بص علي جنب الكاوتش فيه أماكن عاملة حفر او بلالين
3- بص علي مداس الكاوتش لو ملووح...يعني أعلي من برا او أعلي من جوا

**WalidAdel** · 13-05-2013 12:17 AM

المشاركة الأصلية كتبت بواسطة thebutcherr

الكبلن الداخلى بيتكون من كوز او قلة و جواها صليبة و بيركب فى الفتيس عشان ينقل الحركة للعجل
كبالن المازدا 3 الداخلية اللى ناحة الفتيس بتبوظ بيحصل بوش فى الصليبة و لو اتلحق بدرى و غيرت الصليبة لو لاقيتها عند حد بتاع كبالن او استيراد يبقى احسن, لو مشيت عليها الصليبة بتاكل فى الكوز ده من جوة و ده بيعمل فىه تنقير و عالى و واطى و بيزيد الرعشة و الرجة, طب الحل هنا ايه؟ تغير الكبلن كامل جديد او استيراد لان صعب تلاقى كبالن داخلية لوحدها , طب لو مغيرتش ايه يحصل؟ الرعشة تاثر على الفتيس و يعمل بوش من ناحية دخول الكبلن و هنا لازم تقوم تودى الفارغة عند الخراط يخرطلها مشرشر بدل اللى اتاكل و برده تغير الكبلن

زي ماتكون ياخي حاسس بيا ... انا عندي تقريبا كل ده
بس الراجل بتاع الفتيسات اللي بعتني عنده احمد بوله قالي العربيه زي الفل و بتاع
و بيني و بينك خايف افتح فيها احمد يقولي العربيه هاتبات ولا فيها حوار و ادوخ السبع دوخات لان فكرة العربيه تبات دي عند حد و كده مرفوضه تماما عندي
فمش عارف فقولت استني علي تغيرة الزيت دي بتاعة الفتيس و لما يعوز يتغير اروح بقي و زي ماتيجي تيجي و خلاص
اللي يغيظ بقي ان كل اللي بيتقال ده وانا مش حاسس بحاجه ولا مضايق من حاجه و العربيه اخر حلاوه و ناعمه و الحياه مانجا خالص ... مش عارف العيب فيا بقي ولا فيهم

**WalidAdel** · 13-05-2013 09:08 PM

المشاركة الأصلية كتبت بواسطة Thebutcherr

العيب فيك اكيد يابو وليد :) صباح القشطة

انا حسيت بكده بردوا

-

-

الموضوع: رجه غريبه في العربيه

LinkBack

أدوات الموضوع

عرض

-

-

المواضيع المتشابهه

نتشه غريبه فى العربيه

مشكله غريبه فى العربيه

حاجه غريبه فى سحب العربيه

نفر فى العربيه - غريبه

رجه غريبه في العربيه

الكلمات الدلالية لهذا الموضوع

المفضلات

المفضلات

ضوابط المشاركة