خلاص تأكدت 100% ان ابو الحسن مغلواني كبير

**mahmoud_anwar** · 03-03-2013 02:30 PM

السلام عليكم ورحمه الله وبركاته
انا بجد عمال أفكر اعمل الموضوع ده ولا بلاش ممكن يكون قطع ارزاق وربنا مايجعلنا قطعين ارزاق بس لما قعدت مع نفسي وفكرت لقيت انها استغلال وانا ما بحبش الاستغلال
انا كنت عايز اشتري مساعدين امامي للعربية الدايو بتاعتي المهم خدت لفتي من اول أمبابة لغاية المنير الي في فيصل
رحت ابو الحسن سئلتة علي مساعدين KYB قالي مش موجودين حاليآ قالي الموجود ال GM سئلتة عاملين كام قالي عامين 480 جنية وقولتلة وال KYB يعملة كام برضة قالي نفس السعر
المهم خدت بعضي ورحت المنير الي في فيصل وسئلت علي KYB قالي عاملين 380 جنية
وبعدين رحت لمحل اخر في امبابه سئلته علي KYB قالي مش موجدين عندي قالي عندي GM ونازل عليهم تخفيض الجوز الامامي مش فاكر بس المهم انهم كانه ارخص من ال KYB عاملين يا 200 وشوية يا عاملين 300 جنية المهم قولتلة شكرآ ورحت محل مكه بتاع قطع الغيار قالي برضة GM عليهم تخفيض وقالي في kyB بكام يحج برضة نفس سعر المنير عامل 380 جنية
انا بجد اتأكدت مليون المية ان ابو الحسن شهرة وهيا قطع غيارة الي عنده هيا الي موجودة في المنير وفي مكة والمنير ومكة علشان محدش يدخل يقولك ده اغلي بي 20 جنية و10 جنية علشان بيعمل فاتورة وبيفوترنا وكمان بيرجعلك الحاجة بس لو معاك فاتورة اقولة برضة ان مكة والمنير بيطلعة كل حاجة بي فاتورة ورجعت قبل كده حجات لي مكة بي الفاتورة ولم استبدلها كمان

**MITSUKERO** · 03-03-2013 03:28 PM

خلاص متشتريش منه تاني

**حماده المصري** · 03-03-2013 04:17 PM

انا متهيالي غالي بس الحاجات الي عنده اصلي وخلي بالك

المساعدين فيها درجات في كي واي بي غاز او غاز على زيت وهكذا

وال جي ام ممكن برضو منه الاصلي ومنه الجي ام العادي

**mahmoud_anwar** · 03-03-2013 04:56 PM

المشاركة الأصلية كتبت بواسطة mitsukero

خلاص متشتريش منه تاني

ما انا مش هشتري منه تاني
بس برضة لزم اقول لي الناس علشان نمنع الاستغلال

**lanos2004** · 03-03-2013 05:00 PM

شكرا ليك
انا عمرى ما اشتريت منه حاجه اصل انا فى مصر الجديدة بشترى من ابوغالى الى فى شارع دمشق التوكيل راسا

**mahmoud_anwar** · 03-03-2013 05:00 PM

المشاركة الأصلية كتبت بواسطة حماده المصري

انا متهيالي غالي بس الحاجات الي عنده اصلي وخلي بالك

المساعدين فيها درجات في كي واي بي غاز او غاز على زيت وهكذا

وال جي ام ممكن برضو منه الاصلي ومنه الجي ام العادي

والله مقدرش افتي في حاجة زي دي بس انا اعتقد ان مينفعش عربية نزلة بي مسعدين غاز هيركب عليها مساعدين زيت اكيد في اختلاف لي انه بيسئلك لو رحت عند واحد بتاع مساعدين بيقولك عربية نوعها ايه
لي ان كمان كل عربية نظام تعليقها مختلف عن الاخري
بس انا راض زمتك انتا بتصدق ان في حاجة في البلد اصلي لي الاسف معندناش حماية مستهلك تجيب حق المشتري وتعبر انها غير موجودة فا بي التالي التجار شغلين ضرب وفرز

**maka** · 03-03-2013 06:39 PM

الفرق بين سعر مساعدين مونرو فى التوكيل و ابو الحسن 50 جنية اغلى عند ابو الحسن

**mahmoud_anwar** · 03-03-2013 06:44 PM

المشاركة الأصلية كتبت بواسطة lanos2004

شكرا ليك
انا عمرى ما اشتريت منه حاجه اصل انا فى مصر الجديدة بشترى من ابوغالى الى فى شارع دمشق التوكيل راسا

تمام يا جميل وانتا برضة لو وقع امامك حد برضة في شارع دمشق بيرفع السعر عن اغلب التجار برضة ياريت تنصحنا
انا ان شاء الله ناوي انزل شارع دمشق عند الناس بتوع الاكسسورات و انزل اظبط العربية عايز احط كربون علي السقف والكبوت والشنطة بنفس لون العربية علشان المرور وانا عارف ان شارع دمشق في حجات عالية اووي

**mahmoud_anwar** · 03-03-2013 06:52 PM

المشاركة الأصلية كتبت بواسطة maka

الفرق بين سعر مساعدين مونرو فى التوكيل و ابو الحسن 50 جنية اغلى عند ابو الحسن

اعتقد برضة ان 50 جنية مش قليلة برضة ولا ايه ؟؟؟؟
يعني مينفعش نشجع واحد استغلالي ونقول هو بيستغل حجات بسيطة لي انك لو نظرت هتلقي مش بيستغلك في منتج واحد فقط لا ده في كل المنتجات اغلي من سعرها لما يقولي ان سعر الكي واي بي يعمل 480 زي مساعدين الجي ام وهيا اصلآ مش عنده حاليآ وبرة بي 380 يعني واخد فيها 100 جنية زيادة
يبقا من المساعدين المونرو الي مغلي فيها يبقا مغلي في كل قطعة غيار عنده ودة بيرجع الي عدم وجود رقابة زي بي الظبط الميكروباصات ممكن تركب مع واحد انهارضة اجرة بجنية وبكرة تركب مع واحد تاني من نفس المكان الي المكان الاخر بي 2جنية كل واحد بيعمل الي بمزاجة

**luckyman** · 03-03-2013 06:53 PM

شكرا علي النصيحه وهو فعلا مفيش حاجه اسمها اصلي دلوقتي اي نعم قطع فرز اول او كويسه بس مش اصلي وانا ليا تجارب زيك والحمد لله الواحد بيتعلم مش شرط اجيب كل حاجتى من واحد بلف ممكن اجيب اللي عايزه من عده اماكن ومع فرق السعر والجوده