السلوك ساحت والزجاج فصل والحمد لله على كل شئ!

**hanyhikel78** · 05-03-2013 11:52 PM

السلام عليكم
من يومين كدا بفتح الزجاج الكهربا من الزرار اللى حنبى وفجأة وجدت دخان كتيييير وريحة شياط والعربية دخنت وسلوك بتسيح وجريت على البطارية فصلت الكابل وفتحت الأبواب كلها
وربنا ستر الحمد لله
وبعدين فكيت الزراير بتاعت الزجاج فوجدت السلكين اللى واصلين من الزرار للزجاج سايحين على الشعر روحت قاطعهم بالقصافة وركبت كل حاجة تانى والزجاج وقف مش شغااااال من يومها
السؤال عايزأظبت المسائل دى
العيب من ايه ؟ من الزرار ؟ ولا من الماكينة بتاعت الزجاج ؟
ولو من الزرار أجيب جديد ولا استيراد ؟ والطقم بيجى على بعضه ولا ايه ؟
والأفضل عند التركيب أعمل ايه فى السلوك ؟
وهل بيركب كتاوت لهم ؟ وشكرا على الاطالة بس حبيت أنقل المشكلة للاستفادة من المشكلة ومن حضراتكم .

**Mohamed ELOoL** · 06-03-2013 12:10 AM

الحمد لله حصل خير

الزراز من عند اي حد بتاع قطع غيار بيجي الواحد ب 6 بولبل :)
بس في زراير 5 ريشة و زراير 6 ريشة فلازم تبص علي الضفيرة البيضة الي عندك كام فتحة !

ممكن يكون حصل ماس عندك ( سلك عريان ولا حاجة ) جيب الزرار و بعد كدة شوف

**tefa22m** · 06-03-2013 12:24 AM

اى كهربائى هايجيب حته سلك و هايجرب الارضى مع كهربه كل مكنه من بتوع الزجاج و لو كله شغال تمام يبقى هات المفاتيح استيراد
و لو فى مكنه قافشه او معلقه ممكن تسخن السلك فى اضعف مكان و يسيح و يلمس زى ما عمل

**hanyhikel78** · 09-03-2013 11:19 PM

شكرا لكم جميعا على المساعدة والاهتمام وكنت أتمنى مشاركات أكثر من الاخوة
على العموم شاكر لكم جميعا الاهتمام
أنا روحت عملتهم الحمد لله وطلع الموضوع ان السلوك هى اللى عملت ماس وغيرت السلوك بتاعت الباب الشمال والزرار سليم الحمد لله الموضوع اتكلف
15 جنيه سلوك
25 جنيه مصنعية +5 للولد
المهم فى كابل تخين كدا لونه أصفر تحت الكونسول الراجل مكنش عارف بتاع ايه المهم قال أوصله كهربا وخلاص
حد يعرف الكابل دا بتاع ايه ؟
وشكرا