خلاص تأكدت 100% ان ابو الحسن مغلواني كبير

**bkr** · 04-03-2013 07:15 PM

السلام عليكم انا حاسس ان في حاجه غلط السوق عرض وطلب اي حد من حقه يشتري من اي واحد هو بيثق فيه بس شهاده لله من واقع خبره في السوق في ناس كتير بيتقال عليها غالين انما حاجتها مضمونه ودي شهاده ليه مش عليه المهم ان في ناس كتير بتبيع باسعار اقل بس ها مش الربح كبير بسبب الغش انا عن نفسي اشتري من حد بيتقال عليه غالي وحاجته مضمونه ارخص كتير من واحد بيبع ومعندوش ضمير

**blazer** · 04-03-2013 07:43 PM

المشاركة الأصلية كتبت بواسطة maka

فين عزيز سليمان بالظبط فى التوفيقية , لانى فعلا كلمت التوكيل قولى انه موزع معتمد ليهم وابو الحسن كذلك

انا مش هقدر اشرح مكانه بالضبط عشان انا معرفش اسامى شوارع هناك
بس هو فى شارع موازى لشارع رمسيس
يعنى تدخل من تانى شارع فى التوفيقيه هتلاقيه على اول شارع يمين كبير

**mahmoud_anwar** · 04-03-2013 08:04 PM

المشاركة الأصلية كتبت بواسطة mmamdouh

لا تعليق....

Mmamdouh

والله ياباشا عايز تعلق علق مش عايز دي حريتك
وانا قولت مش عايز افتي فامعرفش وانا بخمن بس سئلت عرفت ان المونيرو غاز
وان الكي واي بي زيت
مش عيب اقول انا مش عارف واخمن واقول غير مؤكدة معلوماتي لكن العيب اني اعمل نفسي فاهم

**mahmoud_anwar** · 04-03-2013 08:08 PM

المشاركة الأصلية كتبت بواسطة mmamdouh

ماخدتش بالك فى اللفة اللطيفة اللى عملتها دى ان فية kyb يابانى و تايوانى؟؟؟؟؟ ماخدتش بالك ان فية ناس بتبيع قطع غيار صينى فى علب gm؟؟؟؟...

اسال اى حد هيقولك تيل النوبيرا الاصلى ب 170 او 175... انا بقى شوفت طقم تيل نوبيرا اصلى عند واحد (بدون ذكر اسماء) و بيبيع الطقم ب 120 جنية... و انا مسكت العلبة و طلعت التيل فى ايدى لو لو جدع طلع فرق واحد بينة و بين الاصلى... نفس الكلام فى تيل اللانوس هتلاقى ب 130 و هتلاقى ب 90

لو سالت على خراطيم الفرامل هتلاقى الخرطوم ب 35 جنية او حاجة كدة و هيتقال لك دة الاصلى... عند ابو الحسن الخرطوم ب 70 جنية لانة gm اصلى وارد كوريا انما ابو 35 جنية مصرى... و التجار بتعتبرة اصلى لان اللى كان بينزل فى اللانوس كان مصرى و مبقاش كورى الا فى الشيفرولية لانوس فى موديلات 2012

ياريت قبل ما نقول مغلوانى نتعرف كويس على البضاعة اللى بتتباع... و نعرف مين اصلى بجد و مين مضروب فى علبة gm و اى قطعة صناعة محترمة و اى قطعة معمولة تحت بير السلم

mmamdouh

يا استاذ انا مش داخل علشان امنع لقمة عيشة لكن الموضوع ان الناس لو عندها معلومات تفدني ممكن اعمل موضوع يطلع فعلآ الناس كلها تقولي لا ابو الحسن خد الحاجة وانتا مغمض لكن الي لحظتة ان الناس ذكرت ناس تانيه كتير عمومآ هو موضوع لي الافادة والله لو الكل او النسبه الكبيرة اجتمعت ان ابو الحسن اصلي 100 % خلاص يبقا انا هشتري علي طول منه وانا مغمض

**mahmoud_anwar** · 04-03-2013 08:17 PM

المشاركة الأصلية كتبت بواسطة mohamed.fawzy

الله يفتح عليك يا ممدوح ... قلت اللى كنت عايز اقوله

المشكله مش فى ابو الحسن ... المشكله فى تقديرات الناس للحاجه اللى بتشتريها ...

-- فى ناس بتستغلى الأصلى ... و فى ناس بتقول مفيش اصلى و كله مضروب و ده كله هتش طبعا

-- و فى ناس بتقول ان ازاى عربيه كورى و تبقى قطع غيارها بالسعر ده ... حاسس انه بيقارنها بال 128

-- و فى ناس هتقولك مهو كله بيشتغل

لما كان معايا الانوس الله يرحمها بقى .... مكنتش بحط مسمار فى العربيه مش اصلى ... و الحمد لله عمر العربيه ما عملت اى دقه نقص معايا ولا زعلتنى فى حاجه ...

و لما كنت بشترى من عند ابو الحسن بعد ما يعملى التضريبه بتاعت الأسعار كنت بخليه يعملى خصم كمان على اجمالى الفاتوره ... و عمره ما قالى لأ

هيا فعلآ الصورة بتثبت انها لم تعمل معاك اي دقة نقص
بلاش كلمة هتش لي ان انا عندي قناعة ان مافيش حاجة بتدخل البلد اصلية
وعايز تتأكد انا كان معايه جولف 2 كنت بتاعمل مع ميكانيكي ملهوش حل كانت العربية صوتها غريب وتكته وحورات سمعتهالة في التيلفون قالي غير فلتر وزيت وتعلالي فعلآ عملت كده مبقاش فيه صوت
كان كل مايقولي علي قطع غيار عيزها والله مكنش بيرضي يخليني اشتريها جديدة يقولي كله مضروب هتها استراد

**mahmoud_anwar** · 04-03-2013 08:21 PM

المشاركة الأصلية كتبت بواسطة blazer

انا مش هقدر اشرح مكانه بالضبط عشان انا معرفش اسامى شوارع هناك
بس هو فى شارع موازى لشارع رمسيس
يعنى تدخل من تانى شارع فى التوفيقيه هتلاقيه على اول شارع يمين كبير

ياريت ياباشا نمرة تيلفونة لو امكن
انا مش بشكك فك لامح الله بس عيزنك تحكي لنا
ايه الي مخليك متأكد ان قطع غيارة اصلي ومضمونة
تاني شيئ هل عملت مقارنة بينة وبين ابو الحسن

**abo_lamar** · 04-03-2013 08:27 PM

المشاركة الأصلية كتبت بواسطة mahmoud_anwar

هيا فعلآ الصورة بتثبت انها لم تعمل معاك اي دقة نقص

سيدي الفاضل ... عربية الراجل عاملة حادثة و دي باينه في الصورة ... وكلنا معرضيين نعمل حوادث لا قدر الله .. معنى كده ان عربيتنا عملت دقة نقص معانا ؟؟

الراجل يقصد انها مش بتعطل على حاجة و ه وماشي بيها مثلا .... عشان قطع غيارها أصلي .

**mahmoud_anwar** · 04-03-2013 08:56 PM

المشاركة الأصلية كتبت بواسطة elakawy

سيدي الفاضل ... عربية الراجل عاملة حادثة و دي باينه في الصورة ... وكلنا معرضيين نعمل حوادث لا قدر الله .. معنى كده ان عربيتنا عملت دقة نقص معانا ؟؟

الراجل يقصد انها مش بتعطل على حاجة و ه وماشي بيها مثلا .... عشان قطع غيارها أصلي .

ربنا يكفينا شر الحوادث

خد دي بقا مني
[youtube]http://www.youtube.com/watch?v=X24V1c9TWto[/youtube]

**abo_lamar** · 04-03-2013 09:15 PM

المشاركة الأصلية كتبت بواسطة mahmoud_anwar

ربنا يكفينا شر الحوادث

خد دي بقا مني
[youtube]http://www.youtube.com/watch?v=x24v1c9twto[/youtube]

حلوة منك

**blazer** · 04-03-2013 10:44 PM

انا عملت مقارنه بلاسعار ولاقيت ان عزيز سليمان اقل ,, صحيح انه اقل بفارق بسيط بس اقل فى السعر وهى هى نفس البضاعه
ابو الحسن معتقدش انه عنده حاجه مضروبة طالما عليها ختم ال gm بس اغلى