السى دى بيلعق ومش شغال فى عربيتى التيدا

**hammer84** · 03-03-2013 10:15 PM

اولان العربية نيسان تيدا هاتش باك 2012
ازاى العربية لما تكونة ماشى و سرعتك بتعدى 120 او حتى توصل لـ 140 ولا بتدى اى وميض او لمبة او حتى صوت جميع السيارات اليابانى و الكورى و الالمانى باعمل انزار او صوت .
اوتو ايجيبت ناس محترمة مفيش كلام .....بس انا الكاسيت بتاعى كنت مسافر مرة فجاة كدة السى دى طلع بدون اى مقدمات بقالى 4 شهور على انهم يجيبولى كست جديد ولا معبرنى .....ازاى اعرف بعد ازنكم اغيرة خاصتا انى فى الضمان والعربية لسة معملتش 10,000
شكررررررررررررررررا

-----------------------------------
تم تعديل العنوان ليدل علي محتوي الموضوع وللإفادة العامة
مشرف القسم ب5
6-3-2013

**kliken** · 03-03-2013 11:37 PM

العربيه فعلا مفهاش اى انذار للسرعه و الموضوع مش فارق كتير بالعكس بالنسبه لى افضله كده
و بالنسبه للكاسيت مش عارف افيدك ان شاء الله تلاقى حد يفيدك فيه

**Sehsss** · 03-03-2013 11:45 PM

النقطة الأولى.. عادي مش كل العربيات بتدي لمبة أو إنذار لما تعدي سرعة معينة، والصني عندي برضه كده
النقطة الثانية.. أعتقد ضمان الكاسيت مش في التوكيل (أوتو).. بيبقى في وكيل ماركة الكاسيت

**hammer84** · 04-03-2013 04:44 PM

المشاركة الأصلية كتبت بواسطة sehsss

النقطة الأولى.. عادي مش كل العربيات بتدي لمبة أو إنذار لما تعدي سرعة معينة، والصني عندي برضه كده
النقطة الثانية.. أعتقد ضمان الكاسيت مش في التوكيل (أوتو).. بيبقى في وكيل ماركة الكاسيت

باشا شكرااااااا جزيلا لردك
بس موضوع توكيل الكاسيت دة بالنسبة للعربيات الى متقفلة فى مصر بيكون الكاسيت لة وكيلة اما بالنسبة للتيدا لانها من برة اصلان بيكون التوكيل كلة مع نيسان او الوكيل .
دة معلوماتى لو حد يعرف اكتر منى يفيدنى بردة
وشكررا

**Dr'AhmZZong** · 04-03-2013 04:48 PM

الكاسيت فعلا ضمانه التوكيل مش أي محل برة ..

لأن الكاسيت بتاع التيدا stock يعني جي مرسوم على التابلوه و معليهوش أي علامة تجارية ..

خليك ورا التوكيل ..

**Dr'AhmZZong** · 04-03-2013 05:07 PM

المشاركة الأصلية كتبت بواسطة hammer84

الله ينور يا باشا عليك ........ بس لو اوتو ايجيبت اعدو بردة يماطلو فية انا بقالى من 01.10.2012 نغيت دلوقتى ممكن اعمل اة من وجهت نظرك

يعني الكاسيت دلوقتي ايه مشكلته مع حضرتك ؟؟ بيعمل ايه ؟؟

**Dr'AhmZZong** · 04-03-2013 06:13 PM

المشاركة الأصلية كتبت بواسطة hammer84

الكاسيت مش شغال اسطوانات خالص انما شغال راديو ...........زرحت لوتو ايجيبت قالولى حنغيرة قولتلهم ماشى وعليها يا معلم ولا من شاف ولا من درى

تاخد بعضك و تروح تاني تمام ..

تديهم كلمتين في عضمهم .. و تخش لبشمهندس أحمد الرزاز تقوله على الحوار ده راجل محترم جدا < مدير الصيانة > ..

و متمشيش غير لما تاخد كلام نهائي ..