عايز اشترى سيراتو اتوماتيك مستعملة ب 100 الف تجيب ايه

**MoH.SaLaDiN** · 04-03-2013 11:37 PM

المشاركة الأصلية كتبت بواسطة dr.m_baz

أنا هنصحك نصيحه لوجه الله ... ركز في نوع أو نوعين وادرسهم كويس ثم حاول تجرب قيادتهم.
أنا عملت كده وده حسم الموقف معايا.

والله انا فعلا محتار المشكلة انى كل شوية افكر فى عربية واجى اخد رأي الناس الاقى فيها كلام مش حلو وارجع اغير رائى مع انى حاسس ان معظم العربيات اللى فى السعر ده لازم الاقى فيها عيوب بس فعلا الموضوع محير طب انا لاحظت ان معاك سيراتو 2013 ممكن تقولى ايه تقييمك للعربية

**MoH.SaLaDiN** · 04-03-2013 11:41 PM

هو انا حاسس ان المنتدى بطيئ اووووى النهاردة ولا العيب من عندى

**dr.amr** · 05-03-2013 01:15 AM

الالنترا كويسه جدا
بس كراحه وفخامه ووسع السيراتو انا كان معايا ده سنتين وده سنين
والاتنين اعطالهم قليله
بس الاحسن يعني انك تجيب موديل اعلي يعني 2010 2011 كده عشان يكون بحالته
اي استفسار بين العربيتين او حتي الاوكتافيا افيدك لانها برضو قعدت معايا فتره

**svneleven** · 05-03-2013 03:45 AM

المشاركة الأصلية كتبت بواسطة m7md87

هى الالنترا عربية جميلة برده بس ممكن تقولى اختارتها ليه عن السيراتو لان فعلا زى مانتا بتقول شكل السيراتو احلا بكتير

حضرتك أنا اشتريت الانترا 2008 و بعد كده بعتها و جبت سيراتو 2009 عشان توقعت أن العربية واحدة زي الناس ما بتقول لكن طبعا شكل السيراتو أحسن. المهم ال الانترا تكسب في السحب و العفشة أطري و استهلاك البنزين أقل و سعر اعادة البيع أحسن و أسهل في البيع. قطع الغيار و الكلام ده مش اتعاملت معاه. حاجة مهمة جدا الثبات لكن مش الثبات عموما لأن السيراتو زي العنكبوت ماسكة في الأرض في الملفات الجامدة جدا و يمكن أثبت من الانترا لكن لو ملف علي سرعة و أخدت مطب زي فواصل الكباري هتلاقي ديل العربية السيراتو بيلعب لدرجة تخوف و طبعا العيب ده مش موجود في الانترا القديمة لكن موجود في الانترا الجديدة و ان كان عالجوه شوية عن السيراتو. ربنا يوفقك استخير ربنا و الله كريم.

**MoH.SaLaDiN** · 05-03-2013 03:37 PM

المشاركة الأصلية كتبت بواسطة dr.amr

الالنترا كويسه جدا
بس كراحه وفخامه ووسع السيراتو انا كان معايا ده سنتين وده سنين
والاتنين اعطالهم قليله
بس الاحسن يعني انك تجيب موديل اعلي يعني 2010 2011 كده عشان يكون بحالته
اي استفسار بين العربيتين او حتي الاوكتافيا افيدك لانها برضو قعدت معايا فتره

طب سعر 100 الف ده يجيب موديل كام 2010 ولا 2011 وايه احسن فئة فيهم من وجهة نظرك

**dr.amr** · 05-03-2013 03:56 PM

المشاركة الأصلية كتبت بواسطة m7md87

طب سعر 100 الف ده يجيب موديل كام 2010 ولا 2011 وايه احسن فئة فيهم من وجهة نظرك

والله هو يجيب الاتنين بس علي حسب الاوبشنز
لو هتجيب وكيل هات جنط 16 اعلي فئه فيه اوعي تقرب من ال17
انا كان معايا سيراتو اول مانزلت 2009 من الوكيل جنط 16
وجبت 2013 جنط 15 خليجي ال15 احسن في المطبات ومفيش فرق في الثبات بالنسبالي خالص
بس الخليجي الجنط 15 فيها كل حاجه هي جنط 15 مش طاسه وفتحة سقف ناقصها بس السينسورز ومفتاح البصمه
لو هتجيب خليجي مش هقدر اقولك فئه معينه هات جنط 15 لان الاوبشنز مش مرتبطه بالجنط زي الوكيل

**Dr.M_baz** · 05-03-2013 03:59 PM

المشاركة الأصلية كتبت بواسطة m7md87

والله انا فعلا محتار المشكلة انى كل شوية افكر فى عربية واجى اخد رأي الناس الاقى فيها كلام مش حلو وارجع اغير رائى مع انى حاسس ان معظم العربيات اللى فى السعر ده لازم الاقى فيها عيوب بس فعلا الموضوع محير طب انا لاحظت ان معاك سيراتو 2013 ممكن تقولى ايه تقييمك للعربية

أنا هقولك رأيي المبدئي لأن العربيه تقريبا بقالها معي أسبوعين وعامل بيها 450 كيلو فقط
هي عربيه شيك فيها كثير من الفخامه وخصوصا في الداخل سحبها حلو وهيبان أكثر لما أقرص عليها ...استجابه الفتيس ممتازه (6 سرعات أماميه) وده مخلي العربيه هاديه جدا وهي ماشيه.
العفشه تعتبر ناشفه شويه لكن مش الوصف الشديد إللي خوف الناس منها(جنط 16)
الثبات و استهلاك البنزسن مش هقدر أحكم عليهم إلا بعد فتره بس عموما أنا مش ملاحظ مشاكل جوهريه إلى الأن فيهم(ملحوظه أنا سواقتي هاديه).
نصيحه: حاول تحدد أنت عايز إيه في العربيه ومهم بالنسبه ليك لآن في هذه الفئه لازم هيكون في حاجه على حساب حاجه.
لو عوز عربيه فيها كل حاجه اتجه للألماني مباشرة .... بس إدفع بقى.
أخير أتمنى أكون افدتك ولم أزيد في حيرتك.

**nagy wassef** · 05-03-2013 04:19 PM

الريو الجديدة ممكن تجيبها كسر زيرو و فيها ايمبوليزر
و السيراتو مافيهاش لحد 2012 و ال2013 فيها بس طبعا هتبقى غالية
و الايمبوليز حاجة و البصمة حاجة

**MoH.SaLaDiN** · 05-03-2013 05:02 PM

المشاركة الأصلية كتبت بواسطة dr.amr

والله هو يجيب الاتنين بس علي حسب الاوبشنز
لو هتجيب وكيل هات جنط 16 اعلي فئه فيه اوعي تقرب من ال17
انا كان معايا سيراتو اول مانزلت 2009 من الوكيل جنط 16
وجبت 2013 جنط 15 خليجي ال15 احسن في المطبات ومفيش فرق في الثبات بالنسبالي خالص
بس الخليجي الجنط 15 فيها كل حاجه هي جنط 15 مش طاسه وفتحة سقف ناقصها بس السينسورز ومفتاح البصمه
لو هتجيب خليجي مش هقدر اقولك فئه معينه هات جنط 15 لان الاوبشنز مش مرتبطه بالجنط زي الوكيل

انا عايز اجيب خليجى بصراحة احسن بس هو الخليجى فيه جنط 16 ولا اخرها 15 ولو كنت عايزها بفتحة سقف موديل 2011 تعملها كام

**MoH.SaLaDiN** · 05-03-2013 05:04 PM

المشاركة الأصلية كتبت بواسطة nagy wassef

الريو الجديدة ممكن تجيبها كسر زيرو و فيها ايمبوليزر
و السيراتو مافيهاش لحد 2012 و ال2013 فيها بس طبعا هتبقى غالية
و الايمبوليز حاجة و البصمة حاجة

هى الريو من جوة شيك بردهزى السيراتو كمان الخليجى بتاعها تحفة بس خايف من قطع الغيار اكيد لسه مانتشرتش زى السيراتو اما بالنسبة للايمبوليز هل هو فعلا فعال ضد السرقة ولا كله محصل بعضه