عايز اشترى سيراتو اتوماتيك مستعملة ب 100 الف تجيب ايه

**MoH.SaLaDiN** · 07-03-2013 01:07 AM

المشاركة الأصلية كتبت بواسطة deko11

ياعم انا لسه جايب قريب سيراتو خليجي 2012 بالمبلغ دا

العربية اوتوماتيك و ازاز فاميه وفتحة سقف وتارة ملطي وجنط 15 وفرامل abs والفتيس الجديد مش القديم اللي بيبوظ دا

العربية حلوة بس عيبها الوحيد اللي لاحظته لحد دلوقتي ان العفشه ناشفة

طب بعد اذنك خلصتها على كام وكانت ماشية قد ايه وكده لانى 2012 فئة فتحة السقف كلها فوق السعر ده الكلام ده من كونتاكت
وهل اشترتها من معرض ولا لا لان دلوقتى كله مغلى شوية على حس العربيات الجديدة
سؤال اخير هو الموديل اللى معاك فيه ايموبليزر ولا لا

**nagy wassef** · 07-03-2013 09:26 AM

الايمبوليزر اختراع عبقرى.... الكمبيوتر بتاع العربية بيبقى ميت اساسا. طالما مش بمفتاحها. فا مستحيل يعرف يدورها حتى لو وصل للضفيرة و قعد يجرب 3 ايام. بردوا مش هتدور عشان الكمبيوتر اللى بيشغل العربية ميت تماما

**mhf_77** · 07-03-2013 01:15 PM

المشاركة الأصلية كتبت بواسطة nagy wassef

الايمبوليزر اختراع عبقرى.... الكمبيوتر بتاع العربية بيبقى ميت اساسا. طالما مش بمفتاحها. فا مستحيل يعرف يدورها حتى لو وصل للضفيرة و قعد يجرب 3 ايام. بردوا مش هتدور عشان الكمبيوتر اللى بيشغل العربية ميت تماما

ياريت لو جربها ومشتغلتش معاه يسيبها ويمشى
المشكله انه اول حاجه (بيقطرها زى المرور) بيسحبها معاه وبعد كده يشوف هيعمل ايه معاها عنده فى مكانه

**deko11** · 07-03-2013 03:21 PM

المشاركة الأصلية كتبت بواسطة m7md87

طب بعد اذنك خلصتها على كام وكانت ماشية قد ايه وكده لانى 2012 فئة فتحة السقف كلها فوق السعر ده الكلام ده من كونتاكت
وهل اشترتها من معرض ولا لا لان دلوقتى كله مغلى شوية على حس العربيات الجديدة
سؤال اخير هو الموديل اللى معاك فيه ايموبليزر ولا لا

العربية خلصت على 103 وكنت جايبها من معرض هي ماشية 21 الف كيلو

مافهاش ايمبوليزر للاسف بس هحاول اركبلها جهاز تتبع

**MoH.SaLaDiN** · 07-03-2013 08:06 PM

المشاركة الأصلية كتبت بواسطة deko11

العربية خلصت على 103 وكنت جايبها من معرض هي ماشية 21 الف كيلو

مافهاش ايمبوليزر للاسف بس هحاول اركبلها جهاز تتبع

دا سعر ممتاز والغريبة انه من معرض كمان
طب انت كشفت عليها فى التوكيل عشان تتأكد من الحالة ولا لا وغريبة ان مفيهاش ايمبوليزر مع ان ناس هنا كانت بتقول ان كل العربيات اللى بعد 2011 فيها ايموبليزر وخصوصا الهاى لاين

**MoH.SaLaDiN** · 08-03-2013 12:32 AM

المشاركة الأصلية كتبت بواسطة mhf_77

ياريت لو جربها ومشتغلتش معاه يسيبها ويمشى
المشكله انه اول حاجه (بيقطرها زى المرور) بيسحبها معاه وبعد كده يشوف هيعمل ايه معاها عنده فى مكانه

احنا وصلنا لمرحلة زى الزفت انا اكتر حاجة قلقانى من شراء العربية هو موضوع السرقة ده وللاسف بقى عادى جدا ومنتشر فى جميع انواع العربيات لان من الاخر كده كل نوع عربية وليها الحرامى اللى بيشتغل فيها بصراحة قمة التخصص
احنا عندنا فى اسكندرية الواحد يتسرق عربيته وبعد كده يلاقى الحرامى وصل لرقمه ويفاوض مالك العربية على الفلوس اللى حيدفعها عشان الحرامى يرجعله عربيته طبعا انا مش عارف قمة البجاحة دى وانعدام الضمير
فين بقة الشرطة من الكلام ده ده لو عمل تتبع لخط الموبايل بس من شركة الاتصالات يجيب الحرامى والشلة اللى معاه والف عربية مسروقة فى حوزتهم بس تقول لمين حسبنا الله ونعم الوكيل

**AhmedNaeem** · 11-03-2013 01:06 PM

والله ياكبير انا معايا 2010 خليجي فيها ايمبوليزر وفتحة سقف وجنط 17 وايرباج وabs
مش عارف معلومة ان الايمبوليزر من اول 2011 دي غريبة شوية .. يمكن في الوكيل !!

**ابو ليلى** · 11-03-2013 02:48 PM

كل عربيات الوكيل ابتداء من 2011 فيها ايموبلايزر ماعدا اول فئة
الخليجى ملوش موصفة معينة انت بختار او بمعنى اصح بتجمع مواصفات
يعنى ممكن تلاقى جنط 17 من غير abs او فتحة سقف او العكس
المبلغ اللى مع حضرتك يجيب خليجى فى بعض المواصفات مثلا :
موديل 2011 6 نقلات فى حدود 40 : 60 الف كيلو
جنط 16 خليجى عراقى او امارتى او شرق اوسط
abs وايرباج للسائق وتكيف بكر بدون فتحة سقف
دى المواصفات اللى ممكن تكون بالمبلغ ده ولو فى اوبشن زيادة يبقى خير وبركة
طبعا ده غير حالة العربية من حيث الرش سواء من الداخل او الخارج
حدد المواصفات اللى عايزها فى العربية وبعدين دور مش العكس .

**MoH.SaLaDiN** · 15-03-2013 01:14 AM

المشاركة الأصلية كتبت بواسطة ahmednaeem

والله ياكبير انا معايا 2010 خليجي فيها ايمبوليزر وفتحة سقف وجنط 17 وايرباج وabs
مش عارف معلومة ان الايمبوليزر من اول 2011 دي غريبة شوية .. يمكن في الوكيل !!

ممكن قصدو فى الوكيل بس لان واضح من كلام الناس ان الخليجى بتنزل بمواصفات كتيرة
المشكلة ان المكس فى المواصفات ده بيخلى الواحد ميعرفش يقيم ثمن العربية لو عايز يشترىها وخصوصا لو مستعملة فانا شاكلى حاجيب توكيل احسن عشان ميضحكش عليا فى الاسعار انا النهاردة عرفت ان موديل 2011 الوكيل كان بينزل قبل الهاي لاين ياما تختار فتحة سقف و تكييف بكر وبدون المفتاح الذكى ياما تختار تكييف تاتش و مفتاح ذكى بدون فتحة السقف وطبعا الهاى لاين فيها كل الحاجات دي انا بتكلم على الفئة اللى قبل الهاى لاين على طول وكمان كان فيها الفتيس 6 نقلات مش 4 بس مش عارف تعملها كام دى بس انا ان شاء الله نويت عليها

ممكن اسألك بقه ايه اخبار العربية معاك بالنسبة للثبات وعوامل الامان فى الفرامل وهل فيه اعطال متكررة بتحصل فى العربية ولا لا