السلام عليكم ورحمة الله وبركاته
بعد لف اكتر من شهر على 128 عاده ( 72 : 76 ) فعلا مش لاقى حاجه نظيفه نهائى
المهم ربنا كرمنى بعربيه 76 بس للاسف متعدله حالتها وسط الصاج تمام الموتور تعبان والكاوتش تعبان
هبداء تظبيط فيها واحده واحده لغايه لما اكون راضى عنها وهانقل التجربه علشان نفيد بعضينا

اول حاجه هبداء بيها هى تظبيط العفشه وتعديلها

الكبالن والمقصات والكلام ده تمام هاغير المساعدين وهاعمل تعديل وهو انى بدل ما اقص السوست او اجيب مساعدين جديده قررت انى اجيب مساعد بسوسته ببطاحه ( ركبه كامله ) بس هاجيبهم بتوع اونو 86 ودى بتكون اقصر بالاضافه ان لفاتها اوسع
وهايتم تعديل بسيط فى الكابوت علشان البطاحه تكون مرتاحه فى مكانها
اما بالنسبه للجزء الخلفى هاخلى السوسته 3 ورقات بس هافردها علشان تكون نفس مستوى العربيه من الامام

بالنسبه للجنط هاركب 15 وهو هايركب ادام من غير اى تعديل انما ورا لازم يتعمل فلانشه برنج علشان الكاوتش مايحتكش بالمساعد

كل ما اخلص حاجه هاصورها باذن الله