المشاركة الأصلية كتبت بواسطة anamshana
معاك ماعدا في نقطة انه لو سرقة عربيه بالاكراه اسبهاله
لا طبعا ده شيء مش من حقه ,, لو في حد بيتعرض للسرقه او للضرب اروح ادافع عنه ايه المشكله
بدل ما اكون سلبي واجري لو كل الناس بقت سلبيه كده يبقى حنبقى زي الصين نشوف حد بيتقتل ولا بيتسرق
ويسبوه ويمشوا ؟؟؟؟ على فكره لو الواحد مات وهو بيدافع عن عرضه او ماله او غيره يبقى مات شهيد
الشهاده شيء لا يقدر بثمن مش اكون سلبي وجبان واجري !!!!!!!!!!!!!!!!!!!!!!!!!!!!!!!!!
الي يموت وهو بيدافع عن عرضه او ماله او شرفه او عرض غيره وماله وشرفه يبقى مات شهيد .......
وشكرا
أعتقد أن الموضوع يقدر بقدره
يعني لو الموضوع إنتهاك عرض ( سواء قريب لي أو حتى واحدة ما أعرفهاش ) هنا الواحد يضحي بروحه ويهاجمهم أو يتفاهم معهم على أي شئ مادي - لكن لا أحد يسمح بالتفريط في العرض
لو واحد بيتثبت وتقدر تساعده أو تهوش اللي بيثبتوه وانت ضامن ما يحصلش إصابات فنعم العمل
لكن اللي اتعلمته من هذا القاضي الكبير ( غير مصري ) إنه من الغباء ( وعفوا على اللفظ ) وليس من الشجاعة أو الجدعنه أو العنترية إني أقاوم بلطجي او مسلح وأنا عارف بوجود إحتمال إنه يعورني ولا خوفه مني يخلي طلقة تطلع هنا ولا هناك
لو حضراتكم شوفتوا فيديوا سرقة محل الموبايلات بتاع اسكندرية - هتلاحظوا إن أحد المسلحين اللي كان معاه المسدس وهو طالع فلتت منه رصاصة والحمد لله ما جاتش في دماغ البياع
ولو كان البياع شد معاه أكتر من كده كانت الرصاصة ممكن تطلع لما كان حاطط المسدس في دماغه
وبعدين بشهامته المعتادة أول ما المسلح طلع من المحل راح يجري وراه ويصرخ طب ما هو ممكن يحاول ينقذ نفسه ويضربه طلقه علشان يقدر يفر بسرعة من غير خوف من الملاحقة
هل لو انت حاولت تقاوم واحد حرامي مسلح وطلعت طلقة فيك أو في أحد اللي معاك لا قدر الله - هل انت كده ضريت الحرامي - بالعكس ده لو كان حرامي مبتدئ فانت حولته لحرامي محترف وعليه حكم بالإعدام
وكمان انت اللي حياتك اتدمرت - وحتى العربية أو الفلوس ما قدرتش تحميهم وفقدتهم
يعني زي ما بيقولوا ( موت وخراب ديار )
ده رايي المتواضع وطبعا كل واحد عقله في راسه يعرف خلاصه
تحياتي
.
المفضلات