الموضوع: بالصـــــور والتفاصيل تقريـــــرى الحصـــــرى لشيفرولية كروز فيس ليفت 2013

شكرا علي التقرير الوافي والأكثر من الرائع مافيش سؤال جه في بالي الا لاقيتك مجاوب عليه ربنا يحفظلك العربية ويباركلك فيها

المشاركة الأصلية كتبت بواسطة grinsh

اخييييرا يا أستاذ حسام انا قولت انت سافرت ياراجل ولا حاجة
كل الشكر لك علي التقرير الجميل وربنا يديلك خيرها ويكفيك شرها وان شاء الله احصلك واكون المالك الثاني للكروز.
ملاحظاتي السريعة علي الماشي :

1 - بالنسبة للبلوتوث وال gps زي ما انت قولت مكان الكاسيت بالكامل بيتغير ب unit كاملة تاتش زي بتاع بره فيه كل حاجة.
2 - اعتقد ان موضوع المرايات الضم دي ممكن تتغير في التوكيل لانها بالفعل موجودة في التوب لاين 2012.
3 - اكيدجينز كار يقدر يعمل فرش زي الاصلي وياسلام لو جلد كمان للابواب والتابلوه هتبقي تحفة.
4 - بالنسبة لضغط الهواء داخل الاطارات ياريت توضح لي ظبطه علي كام بالظبط ولو نيتروجين اعتقد ممكن يكون افضل ويخلي العفشة انعم ويحافظ علي الكاوتش من البلالين دي ولا ايه ؟ .
5 - الملاحظة الاخيرة والاهم واللي ياريت يشاركني فيها اصحاب الخبرة وهي انه اعتقد ان العفشة الخلفية موجود بها ال Z Link اللي في الاسترا (باين في الصورة ) وده هيخلي العفشة اكيد انعم واثبت ودي ميزة كويسة جدا مش عارف بصراحة هي دي نفس العفشة القديمة ولا لأ

واخيرا ... مبروك وان شاء الله احصلك قريبا

الله يكرمك ويبارك فيك

بالنسبه للملاحظات

1 - عارف قصدك ايه قصدك ماى لينك زى ده بس اعتقد انه حيبقى غالى قوى



2 - مرايات الضم يعنى فك وتركيب ولعب فى الضفيره وانا مابحبش كده ابدا بحب كل حاجه على وضعها

3- حسأل واشوف هل حيعمل زيه فعلا وخصوا الحته البارزه الى فى الكراسى اللاماميه لو تلاحظ مش موجوده فى الكراسى العاديه

4- ضبط ضغط الهوا على 32 ومش مقتنع بالنيتروجين اصلا

5- توررشن مش z-link بس مش تورشن عادى زى السيراتو او الالنترا والفرق واضح فى الصور

ده التورشن الى فى الكروز عندنا



وده z-link زى الى فى الاسترا



تحياتى