اسباب رعشة السلانسيه

**Zing0** · 14-03-2014 04:46 PM

احيانا لو الموتور مظبوط بتكون سببها ان مروحة الردياتير بايظة والردياتير مش مثبت في قواعدة في صدر العربية صح

تسلم يا ريس و ربنا يخليك لينا
بس المروحة عندى على الطنبورة على طول (لاغى الكوعه) و راكبة تمام على الـ 3 مسامير بتوعها و جديده كمان
(لسه مغيرها علشان قطة بنت حلال بقالها شهر بتنام و تأكل جنب البطاريه , حظها السئ خلى المروحه إلقديمة إتكسرت عليها بس طلعت بجروح فقط الحمد لله إنها لم تموت)

فى سبب غير كده ممكن يعمل الرجه فى المكنه دى؟

**Zing0** · 15-03-2014 07:03 PM

????????????
up up up
waiting for reply

**EmadFox** · 16-03-2014 10:41 AM

متابع

**active** · 02-04-2014 09:53 PM

خلى بتاع الكاربراتير أو ميكانيكى شاطر يظبطلك المكنة

**Zing0** · 04-04-2014 10:18 AM

خلى بتاع الكاربراتير أو ميكانيكى شاطر يظبطلك المكنة

ده طبعاً أحسن حل, بس للأسف الناس دى خلصت من زمان و إللى فى السوق كلهم (صينى فرز عاشر و كلهم عيوب صناعه كمان)

يا ريس أنا سافرت بيها لناس بعينها لما شكرتوا هنا فى شغلهم و برضه و لا أى جديد
كل واحد يفضل يقسم كهربا و يلعب فى الأسبراتير و بعدين أغرم ثمن أبلاتين و كوندنسر و بوجيهات رغم ان اللى راكب جديد
و فى الآخر يفضل يلعب بالمفك فى الكربراتير شويه و خلاص
و يقولى "كل اللادا كده", بس الواقع ان اللادا مكانتش كده !!! و المفروض أنى أقتنع بكلامه

**zxcv38** · 28-04-2014 10:02 AM

لو الماتور مظبوط بس بارد وارد موضع الرعشة ديه

**ozo_eg** · 29-04-2014 02:40 AM

انا عندى نفس المشكله وغلبت فى العربية ومش عارف اعمل ايه وغيرت ابلاتين كوندنسر والميكانيكى يحاول يظبهطها بردوا مفيس فايده وفى رعشه جامده ومش عارف ايه الحال

**Egy Drift** · 28-05-2014 08:34 AM

جرب تشوف قواعد الفتيس

**kaza** · 04-06-2014 07:39 AM

المشاركة الأصلية كتبت بواسطة zing0

طيب خدوا المعضلة دى
==================
رعشة على السلانسية (مكنه مبرجله)

تم إختبار و تغيير الآتى بعد ظهور المشكله
-----------------------------------------------
- البوجيهات من التوكيل و ضبط الخلوص على الفيللر
- أسلاك البوجيهات
- أبلاتين و كوندنسر و ضبط الخلوص عالفيللر
- إعادة ضبط التقسيمة أكثر من 3 مرات عند صنايعية مختلفين و كلهم مغيروش و ضعها
- سيرفو الفرامل
- قواعد الموتور
- جوانات المانفولد و قاعدة و نص الكربراتير
- تنضيف الكربراتير و ضبط العوامة و مقاسات البيكات و ضبط الهوا و البنزين و الخلاط
- الموبينه
- تغيير البنزينه و نوع البنزين (92)
- التاكيهات
- طرونبة البنزين
- الشاكمان و الجوان بتاعه
- فلاتر هوا و بنزين

و لسه بتعاند, و ديتها لميكانيكية فى آخر بلاد المسلمين علشان ناس كتير بتشكر فيهم , و برضة و لا الهوا

ناقص أوديها لشيخ يرقيها و لا دكتور نفسانى لأن المشكله مش باين لها علاج عضوى
--------------------------------------------------------------------
دى المعضلة و الردود = 0
و بأقولها مقدماً و تحدى

اخبار الصبابات عندك اية وكبس الموتور واحكام الشنابر وجوان وش السليندر

**kaza** · 04-06-2014 07:49 AM

مش شرط ان يكون سبب الرعشة علي السرعة الخاملة قواعد اوضبط الكهرباء او سرعة اللاحمل للموتور لكن لو كل ده سليم وبحالة جيدة والتقيسمة مضبوطة والار بي ام بين 550 و900 لفة/دقيقة طبعا كل السعة اللترية ما بتكون اعلي سرعة اللاحمل بتكون اقل يبقي بيكون العيب ميكانيكي جوه المحرك نفسة وبيكون ياما تهريب من جوان وش الموتور نتيجة تحمصة لزيادة حرارة المحرك او تقفع الوش وانبعاجة وبرضة بيسبب هروب الضغط اوتلف البلوك برضة وبيسرب ضغط لسلندر من السلندرات وممكن تسريب مياة بسيط برضة
كذلك عدم احكام الصبابات علي قواعدها بيسرب ضغط وبرضه رعشة الايديل نتيجة عضة اوانثناء الصباب وبرضة لو شنبر او مكبس مكسور نتيجة الحرارة الزائدة للموتور بيسبب نفس العيب
انت لو متاكد من الاسباب الاولي تماما يبقي لازم تقيس كبس الموتور والسلندرات ومايكونش الفرق في الكبس بين سلندر واخر اكتر من 1 بار ولال بيكون السبب من السابق ذكرة