الموضوع: زى ما استفدت من موضوعاتكم .. بنبهكم من محلات الكاوتش

السلام عليكم ورحمة الله وبركاتة

ايــــــــــــــوة هو انا العضو الرخم

طيب مستغرب مستغرب ليه ما انا لو حكيت وقلت ليه مش هاتستغرب طيب ما تيجى نسمع

انا شخص عادى جدا فكرت اجيب عربية زيرو وكنت متابع منتديات كتير وعربيات كتير طيب علشان ماطولش عليك اخيرا وقعت بالصدفة على المنتدى ده ايه ياعم الناس دى مزودها مش كده

طيب خلاص نيسان مش مشكلة طيب اعمل ايه ادخل المنتدى اشوف الناس اللى بيقولو على نفسهم صقور دول واكتب موضوع اسال الاقى كذا واحد رد طيب فلة شمعه منورة احجز فى اوتو ايجيبت اللى بيقولوا علية ده . حجزنا وتمام وكله قشطة
اتاخروا قلت اوباااااا انت لبست يامعلم ادخل واتكلم اشوف اخرهم يطلع واحد كده اسمة احمد مصطفى ( حبيبى ) يقول هاتتحل باذن الله الاقى اوتو ايجيبت بتكلمنى تقلى تعالى استلم انت من اعضاء المنتدى ( يالهوى دووول واصلين اوىى ياخااااااااااال )
استلمت قلت اعمل صيانة واشوف المشاكل لقيت الحل وبقيت عارف مشاكل العربية قبل ما تحصل ومبقتش اخاف من العربية

طيب ياسيدى قشطة ايه المشكلة
اقلك انا بقيت عضو متابع طيب ياسيدى ايه المشكلة لا مشكلة كل ما تبقى عندى مشكلة اسال ومش بفيد حد يعنى من الاخر عضو مصلحجى ورخم طيب ما تحاول تعدل من نفسك اقلك انا طالع عينى فى الشغل ال؟؟؟؟؟ اللى انا فية

طيب بتصدعنا ليه بكل الكلام ده ؟

ياسيدى بحاول اصلح من نفسى وافيد غيرى بموقف حصلى
1)
بص ياسيدى انا ماشى على المحور فى امان الله انا والاولاد ونسيبى فجأة لقيت زلطه ( طوبة صغيرة اوى) قلت اشطة عادى دوست عليها لقيتها ردت فى العربية من تحت وطلعت زى الصاروخ على الجنب اليمين مش مشكلة او مطب قبل نزلت الصحراوى لقيت عربية فيرنا الله يكرمة بيقلى الطاسة وقعت ياباشا ورا عقبال ما ركنت ونزلت ابص عليها لقيتها فعلا مش موجوده يالهوى هيا الزلطة دى طيرت الطاسه

تعمل ايه نزلت وقعدت ادور عليها ومشيت بتاع 4 كيلوا وملقتهاش ورجعت بتاكسى
استفدت ايه بقى انى عمرى ما هاستهون باى حبة رمل حتى .
عمرى ما هكررها تانى وانزل ادور مشى لانى كنت مرعوب على الاولاد ونسيبى فى العربية لوحدهم ( لانه مش بيعرف يسوووووووق ( هاتقولوا ايه صعيدى وغبى )
2)
ماشى فى امانة الله فى شارع السودان الاقى كذا واحد بيقولى الفرده قدام نايمة كبرت لان الساعه 2 بالليل المهم قلت ياض انزل بص لقيت حتة هادية وجمبها واحد بتاع كاوتش ( اخر احمد عرابى كده ) لقيت الفرده فعلا مريحة قلتله يبص عليها المهم قبل ما كمل الكلمة قالى ياباشا دى فيها خرم ورش المية ام صابون قلت لو على واحد مش مشكلة قالى لا لازم تعملة قلت ياض اعملة انت مشوارك بعيييد رايح كنت اكتوبر بدا ما تتبهدل ومكنتش قادر اتحرك المهم عملة الباشا وبقدرة قادر الخابور بقى 9 وبقيت بحاول اقله خلاص سيبها مش عايز اعملها وده تقريبا صمم غصب عنى وفعلا قد كان وطلعت دماغى هاتنفجر من الغيظ وخلص اليوم المهم تانى يوم رحت فيت & فكس قلت اشوف عمل ايه ابن ..... الناس الكويسين ويكشف يامعلم يلاقى ولا خابور ليه لازمة غير واحد ولسه بينفس طيب اعملة ياستاذ لا
ليه لا قالك علشان اللزق بتاعهم مينفعش على لازق قديم يعنى ايه لبست الفرده ولا ايه لا ممكن تعملها برة لحام عادى وزى الفل
ياسيدى انا اتلدعت برة مش عايز
قالى لا انا عندى الفرده دى متنفعش
الملخص ل 1& 2 انى عندى فردة بالطاسة ضايعة والحمد لله على كل حال


ودى قصة العضو الرخم


-----------------------------------
تم تعديل العنوان ليدل علي محتوي الموضوع وللإفادة العامة
مشرف القسم ب5
6-3-2013
9:56 ص

متقولش علي نفسك كده .. انت جميل :))))))))))))))))

بص بقي يا سيدي الحل الجميل ده و مش هيكلفك كتير ولا تزعل نفسك عشان حصل لي موقف مشابه بس كان سيخ حديد دخل في الفردة و بالتالي مبقتش نافعة .

الحل كالآتي :

1- انت هتنزل الفردة الاستبن و ديه هتستخدمها تبقي فردة دايمة معاك عشان يبقي 4 فرد تمام و تشتري فردة مستعملة محترمة هتعمل في حدود 100 جنيه و تخليها استبن بس تشتريها و تركبها عند نفس محل الكاوتش و يجربها لحسن تكون بايظة ولا حاجه .

2- هتلاقي نفس طاسة العربية في الحرفيين لأن الطاسة ديه انا شوفتها هناك و كان 4 طاسات عايز يبعهم بـ 360 جنيه بس طبعا مأخدتهمش عشان عربيتي الشكل القديم .. فهتلاقيها بسهولة و ممكن تخلص الطاسة بـ 100 جنيه حد اقصي
اللي انا فاكره ان المحل اللي في الحرفيين عارض ارباع خلفية لنيسان صني الشكل القديم متعلقة علي باب المحل بتاعه

و اي خدمة :))))