السلام عليكم
احب اعرفكم بنفسي انا احمد علي مقيم بجدة و طبيعة عملي مسؤول مبيعات فولكس واجن لمدة سنتين و اخر تلات سنوات مسؤول مبيعات اودي
الحمد لله استلمت عربيتي من يومين مشاء الله تبارك الله عليها انا مش حاسس اني راكب عربية كوري ابدا ممكن نشبهها بالماني قديم ، مسكة الدريكسيون تعطي احساس بالتحكم الكامل خاصة في الفول اوبشن لانه مزود بنظام اختيار اسلوب القيادة ( عادي - رياضي - كومفورت ) بالنسبة للمساحة هي اوسع و اريح في الجلوس بالنسبة للمقاعد الامامية و مساحة اﻻرجل الخلفية و بالنسبة لقصوة العربية على الطريق و الله افضل من القديم بكتيرررر ﻻن القديمة اول ما نزلت رحت جربتها ساعة زمن و كرهتها لكن دي فيها فرق هي مش ناعمة لكن مستواها كويس بعدين مش ﻻزم للسايق ياكل المطبات عشان يثبت انها كويسة وﻻ ﻻ و في اللفات على سرعة 100 مسكة نفسها بدون انحراف انا لسة حنين عليها لكن بعد كدة هقرص عليها شوية و الثبات الكامل صعب تحكم عليه ﻻنها مفهاش esp ﻻن التجار يهمهم المكسب فالمقام اﻻول و ليس السلامة . بالنسبة لسيارة كوري انا اديها 10 على 10

الشكل العام للعربية من الخارج فهى عربية رشيقة جدا مع جنط 17 و كروم على اﻻبواب و جناح خلفي و كروم في ايدين الباب و مع اﻻضاءة LED امامي و خلفي شكلها روش قوي
و من الداخل عربية جميلة تصميم ماشي مع شكلها الخارجي بعكس عربيات كتيرة من برة حاجة و من جوة تحسها عربية تانية. التابلوه اﻻسود احلى بكتير من الرمادي.

المواصفات

مقاعد جلد يدوي مع دعامة كهربائية للظهر - شاشة باللمس فيها كاميرا و اضحة usb aux ميموري 800 ميجا بايت ممكن تعمل نسخ من usb بلوتوث اتصال و اوديو و السماعات عادية مش بطالة - مرايا صالون فيها تعتيم - فتحة سقف - مثبت سرعة - 2 حساس امامي و ديه حاجة ديقتني و 4 حساسات خلفية - دريكسيون جلد شكلة شيك - تكيف 2 زون منفصل مع فتحات تكيف خلفية - زجاج كهرباء مع امامي اوتو للسائق و الراكب - فرامل abs - تعشيق رياضي من الدريكسيون 6 سرعات - زينون للنور الواطي
Led امامي و خلفي و داي لايت تايم - شاشة معلومات بين العدادات ملونة عالية الوضوح مرنة في اﻻستخدام - جنط و استبن 17" - ابواب امامية و الشنطة باللمس - مرايات خارجية كهرباء مع فتح و غلق كهرباء و فيها ميزة حلو قوي عند اﻻقتراب من اﻻبواب تضيئ العربية من مقابض اﻻبواب و من تحت المرايا الخارجية نور led و تفتح المريا اوتوماتيك اذا كانت مغلقة .
يا رب ما كنش ناسي حاجة
طبعا مع كل المواصفات ديه اتمنى انها تعيش و تعمر.
العربية بشكل عام 10 على 10
انا اخدت ابيض و من جوة اسود ﻻنه اكتر لون عجبني مع اني كنت ضد اﻻبيض.
ربنا يديني خيرها و يكفيني شرها قولوا امين
شكرا و اسف على اﻻطالة.