لانسر بوما - فتيس cvt - موضوع للنقاش

**MITSUKERO** · 07-03-2013 09:16 AM

المشاركة الأصلية كتبت بواسطة د.عمرعبدالفتاح

طيب انا غيرت الزيت عند المتخصصون ب600 جنيه بس من غير جهاز شفط كدا الفتيس هايبوظ ولاالمرة الجاية بعد كدا اعمل ايه المصرية سئلت فيها ماكانش فيه الزيت وعلشان كدا روحت المتخصصون ياريت تردوا عليا

لا مش هيبوظ من مرة المهم المرة الجاية تغيره في التوكيل و متعملشي كده تاني

الموضوع ده انا علي خلاف مع المتخصصون عليه لان انا شايف انهم لازم يجيبوا جهاز الشفط ده و هم شايفين ان الفرق بسيط

في المجمل هم برضة اكتر ناس فاهمين و حافظين العربية و كل بشر بيغلط بس هم فعلا شاطرين

**Egy_fan** · 07-03-2013 10:16 AM

رد للباشا اللى بيسأل على سعر الفتيس. نصيحه اسأل فى الحرفيين او المتخصصون لأن الاسعار اللى عندى كلها اسعار سماعى (معلومات عامه يعنى) لكن اسعار الشراء مختلفه و انا اخر معلومه سمعتها ان سعره من 4 الى 5 الف.
وربنا يوفقك

**amr213** · 10-03-2013 02:47 PM

المشاركة الأصلية كتبت بواسطة wardet

جيب ال n وارفع الهاند وبعدين p

ولما تيجي تطلع تجيب ال d وبعدين تنزل الهاند

1- ليه الـ p بعد الهاند ولو سيبتها علي n هيجري إيه
2- ليه أجيب الـ d قبل ما أنزل الهاند

**MR . Gold** · 10-03-2013 04:44 PM

المشاركة الأصلية كتبت بواسطة amr213

1- ليه الـ p بعد الهاند ولو سيبتها علي n هيجري إيه
2- ليه أجيب الـ d قبل ما أنزل الهاند

الحقيقة من يوم ماركبت العربيات الاتوماتيك في حياتي ماركنت علي الباركينج( p ) حتي لو هااقف بالعربية شهر بركن علي وضع المور ( n ) وبرفع الهاند غير كدة لا وهو دة الاصلح واحد هايقولي طيب ماكانوش عملو كلمة بي اللي الباركينج اقولة دة اصلح للفتيس حتي لو راكن في مطلع او منزل او اي حد حب يحرك العربية وهي علي وضع المور مافيش ضرر للفتيس لو علي وضع الباركينج لو حب اي حد يحركها بياثر اكيد علي الفتيس وممكن يلف علي الفاضي ويؤدي الي تلفة .. ودي وجهة نظر بس انا بحكي اللي بعملة من وقت ماركبت الاتوماتيك من اكثر من 9سنوات

**MR . Gold** · 10-03-2013 04:59 PM

وعن الفتيس السي في تي طبعاً فتيس محترم وناعم والاربي ام بيبقي فعلاً اقل في السي في تي بس عيبة الوحيد انة حساس شوية ولما بيسخن الفتيس مش بيكون بنفس الاداء وهو لسة بارد .. انما الفتيس الاستيبترونيك الحقيقة جبار في الشغل واقوي من السي في تي ومش حساس واي زيت فتيس نوعية محترمة يتغير عادي .. انما طبعاً السي في تي يشترط الزيت الاصلي وللاسف السي في تي لو عطل لازم يتغير الفتيس انما الفتيس التاني سهل تصليحة عيبة الوحيد الاربي ام اعلي بسيط من السي في تي .. انا بتكلم من واقع تجربة للسيارتين كان معايا 2007 سي في تي وحالياً 2010 ستيبترونيك بحس اني راكب عربية مانيوال وانا راكب الاستيبترونيك في السحب وانا علي وضع الاتوماتيك مش وضع المانيوال .. والكلام دة بردة سمعتة من متخصصين في توكيل مصرية كانوا بيشكرو في الفتيس الاستيب جامد وبيقولوا علية انة محرات في الشغل وجبار ومش بيهمة اي حاجة .. حبيت انقل ليكم تجربتي مع الفتيسين بكل حيادية .. واهم حاجة ربنا يسترها علينا جميعاً

**Egy_fan** · 10-03-2013 11:21 PM

شكرا يا باشا على المعلومات المفيده و جزاك الله كل خير

**as_samman** · 14-03-2013 10:49 AM

المشاركة الأصلية كتبت بواسطة walidadel81

طيب انا هقول اللي شوفته بصراحه من خلال استخدامي للعربيه من ساعه ما اشترتها من حوالي 6 شهور تقريبا وعملت بيها بحدود 27 الف كيلو بالفتره دي اولا الفتيس ممتاز جدااا ما فهوش اي عيوب بالعكس انا من يوم ما اشتريت العربيه وكانت مستعمله طبعا كل اللي عملته غيرت الزيت وان شاء الله راح اغيره تاني علي 40 الف
السحب والعزم احلي كتير جدااا من عربيات استب ترونك صوت الموتور ما بعلا غير لما بسخن وافتري عالعربيه
وفيه ميزه جامده جدااا ان وانت ماشي عال140 الاربي ام بيكون 3 وصوت الماتور هادي
الحاجه الوحيده الغلسه في الفتيس ده بس مش عيب لو مشغل التكيف بعز الصيف وفكرت تجري مره واحده مع حد بكون استجابته بطيئه شويه
حاجه اخيره شركه متسوبيشي مابتنصح بتصليح الفتيس ال ctv
وسعره استراد بحدود 2500 الي 3000 والله واعلم مع زياده سعر الدولار هيكون كام

كلام صح ١٠٠٪ اعرف كيف تتعامل مع الcvt تلاقيه جميل جداً