صوت الموتور عالى - برجاء الإفادة mazda3-2008

**faramawy** · 06-03-2013 11:41 AM

السلام عليكم إخوانى الأعزاء
انا عايش فى جدة و معايا مازدا3 2008
بشتكى من شوية حجات و بصراحة الناس هنا مش بيفهموا فى العربيات زى عندنا فى مصر
فقلت أسألكم و ان شاء الله هلاقى الإجابة

هية تيبترونك و طبعا انتوا عارفين انها 4 سرعات بس
الشكوى الاولى انى بحس ان صوت الموتور عالى , كانها محتاجة تنقل نقلة كمان
بالتفصيل بقول , اول م بدور و تكون العربية باردة , صوتها بيبقى عالى و فيه رعشة فى الصالون
و بعد م تسخن تهدى شوية بس برضه لسه فيه رعشة
لازم انقل على d عشان الرعشة تهدى
لو دست بنزين صوت الموتور برضه مش مريح بالنسبالى و خصوصا انى ركبت واحدة تانية و لقيت صوتها اهدى بكتير
لما بتكون سخنة و جايب n مش بسمع صوت الموتور تقريبا

عند 120كم/الساعة بحس ان العربية صوتها على اوى كأنها محتاجة نقلة كمان ( فاهمين الاحساس اللى اقصده )

دلوقتى .. هقولكم شوية معلومات يمكن تساعدكم فى الرد عليا

اولا : انا مش عارف بالتحديد اللى قبلى غيرلها زيت فتيس ولا لأ , و الناس هنا بتخوفنى شوية من تغييره برة التوكيل , انا ناوى ان شاء الله اغيره فى التوكيل , و برضه قلقان , بيقوله ممكن الفيتيس يبوظ لو مكنش الزيت اتغير قبل كدة
مع العلم ان العربية عاملة 123 الف - و بكرر - معرفش اللى قبلى عمل معاها ايه احتمال يكون غيره قبل كدة و احتمال لأ . هل ده ممكن يكون ليه التأثير اللى وصفته ( من حيث صوت الموتور)
ثانيا :اما بالنسبة للرعشة ,انا قريت مشاركة قيمة جدا لزميل , كان بيشتكى من قاعدة الموتور ( هل هية دى كراسى الماكينة )
عموما , ممكن يكون عندى كرسى ماكينة تعبان شوية , و هوة اليمين برضه زى م كان زميلى بيشتكى - و ممكن يكون ده ليه علاقة بالرعشة, انما هل ممكن يؤدى برضه لصوت الموتور اللى بشتكى منه ؟
ثالثا: هل ممكن يكون العيب من الشكمان ..
الصنيعية هنا مش شاطرين زى مصر و مش عايز اروح لواحد يشتغلنى ..
رابعا : انا رحت كشفت فى التوكيل كشف كامل شامل , بصراحة حسيت انهم مش محترفين اوى انما الخلاصة انهم مطلعوش عيوب محددة فى الجير او الموتور او التكييف , انما قالولى على كراسى الماكينة و علبة الدركسيون و طبعا طلبوا منى عمل صيانة ال120 الف اللى انا معرفش هية عبارة عن ايه
انا عموما غيرت زيت موتور و فلتر و حطيط احسن زيت فى السعودية موبيل1 و زودت زيت الدركيسون لحد م اكشف عليه و اشوف العيب من العلبة ولا من الخراطيم و غيرت فلتر هوا و غيرت سير الموتور الخارجى ( مش السير الداخلى اللى هوة جنزير )
و مغير اربع عجلات و مغير طرمبة بنزين اصلية

دى كانت الشكوى الاولى و الاهم .. و ربنا يخليكوا ليا يا ولاد بلدى ...
اه معلش نسيت معلومة ممكن تكون مهمة ...
تقريبا و الله اعلم ان العربية دى صاحبها غيرلها موتور قبل كدة .. و دى معلومة مش اكيدة اوى ..
اصل هنا صعب انك تتاكد من اى حاجة ..

**esam_ayad** · 06-03-2013 02:17 PM

طيب يا باشا انت ليه ماتروحش تسأل أكتر من ميكانيكي وتشوف هايقولولك ايه وماتعملش حاجه فيها والكلام اللي اكتر من ميكانيكي هايقولهولك يبقي هو ده واشتغل اللي قالوهولك.

وعلي فكره انا حاسس بمعاناتك علشان انا في الكويت والميكانيكيه هنا ولاد@*&*^% ومابيعرفوش حاجه وواخدنها جدعنه.
لكن انت اكشف علي كراسي الماكينه وكراسي الجير لأنه ممكن يكون فيهم حاجه مشروخه أو بايظه خالص.
وبرضو انتا ليه ماتزودش زيت الجير وخلاص؟-يعني مش لازم تغيره-

**hoshtoki** · 06-03-2013 04:47 PM

بص يا باشا صوت الماتور والرجه دى غالبا من قاعده الماتور وغالبا بتكون القاعده اليمين فوق
بالنسبه لتغيير زيت الفتيس عندنا هنا ف مصر بيتغير فالتوكيل كل 60الف كيلو وبيتغير معاه فلتر زيت الفتيس وانا لسه مغيره من اسبوع عند الشركه الهندسيه وكله تمام الحمد لله وعامل موضوع عن صيانة ال120 الف عند الهندسيه ممكن ترجعله
وتحياتى

**faramawy** · 07-03-2013 11:06 AM

أستاذ عصام

انا عملت كدة و ان شاء الله هروح اكمل البحث و اسأل ميكانيكية أكتر , لان المشكلة ان كل واحد بيطلع العيب اللى يكسب هوة منه , يعنى لو رحت لواحد بتاع شكمانات هيقولى طبعا العيب من الشكمان و كذلك لو رحت لواحد عشان قواعد الموتور ..
عموما انا برضه هسأل اكتر من واحد .. و ربنا يعمل اللى فيه الخير
و الف شكر على الاهتمام ..

استاذ hoshtoki انا فعلا قريت موضوعك و شكرا جدا على الافادة , و ان شاء الله هغير الزيت ف التوكيل , بس انا برضه قلقان شوية اصل العربية عملة مية اربعة و عشرين الف , و خايف يكون اللى قبلى مغيروش قبل كدة و فى الحالة دى بيقولوا ان تغييره خطر شوية و التوكيل هنا مش محترفين زى م قلت قبل كدة , بس ان شاء الله هغييره و ربنا يستر .. و هغير قاعدة الموتور ..
طب انا عندى سؤال . هوة لو قاعدة الموتور بايظة يبقى الموتور بيترج جامد فى الكبوت و لا مش لازم ؟ يعنى اقصد بيتحرك حركة قوية ولا الاهتزاز بس اللى بيعمل الاصوات اللى فى الصالون ؟
و شكرا على اهتمامك ؟؟

**wowohero** · 10-03-2013 12:22 PM

[QUOTE=faramawy;3874851397]السلام عليكم إخوانى الأعزاء
انا عايش فى جدة و معايا مازدا3 2008
بشتكى من شوية حجات و بصراحة الناس هنا مش بيفهموا فى العربيات زى عندنا فى مصر
فقلت أسألكم و ان شاء الله هلاقى الإجابة

هية تيبترونك و طبعا انتوا عارفين انها 4 سرعات بس
الشكوى الاولى انى بحس ان صوت الموتور عالى , كانها محتاجة تنقل نقلة كمان
بالتفصيل بقول , اول م بدور و تكون العربية باردة , صوتها بيبقى عالى و فيه رعشة فى الصالون
و بعد م تسخن تهدى شوية بس برضه لسه فيه رعشة
لازم انقل على d عشان الرعشة تهدى
لو دست بنزين صوت الموتور برضه مش مريح بالنسبالى و خصوصا انى ركبت واحدة تانية و لقيت صوتها اهدى بكتير
لما بتكون سخنة و جايب n مش بسمع صوت الموتور تقريبا

عند 120كم/الساعة بحس ان العربية صوتها على اوى كأنها محتاجة نقلة كمان ( فاهمين الاحساس اللى اقصده )

دلوقتى .. هقولكم شوية معلومات يمكن تساعدكم فى الرد عليا

اولا : انا مش عارف بالتحديد اللى قبلى غيرلها زيت فتيس ولا لأ , و الناس هنا بتخوفنى شوية من تغييره برة التوكيل , انا ناوى ان شاء الله اغيره فى التوكيل , و برضه قلقان , بيقوله ممكن الفيتيس يبوظ لو مكنش الزيت اتغير قبل كدة
مع العلم ان العربية عاملة 123 الف - و بكرر - معرفش اللى قبلى عمل معاها ايه احتمال يكون غيره قبل كدة و احتمال لأ . هل ده ممكن يكون ليه التأثير اللى وصفته ( من حيث صوت الموتور)
ثانيا :اما بالنسبة للرعشة ,انا قريت مشاركة قيمة جدا لزميل , كان بيشتكى من قاعدة الموتور ( هل هية دى كراسى الماكينة )
عموما , ممكن يكون عندى كرسى ماكينة تعبان شوية , و هوة اليمين برضه زى م كان زميلى بيشتكى - و ممكن يكون ده ليه علاقة بالرعشة, انما هل ممكن يؤدى برضه لصوت الموتور اللى بشتكى منه ؟
ثالثا: هل ممكن يكون العيب من الشكمان ..
الصنيعية هنا مش شاطرين زى مصر و مش عايز اروح لواحد يشتغلنى ..
رابعا : انا رحت كشفت فى التوكيل كشف كامل شامل , بصراحة حسيت انهم مش محترفين اوى انما الخلاصة انهم مطلعوش عيوب محددة فى الجير او الموتور او التكييف , انما قالولى على كراسى الماكينة و علبة الدركسيون و طبعا طلبوا منى عمل صيانة ال120 الف اللى انا معرفش هية عبارة عن ايه
انا عموما غيرت زيت موتور و فلتر و حطيط احسن زيت فى السعودية موبيل1 و زودت زيت الدركيسون لحد م اكشف عليه و اشوف العيب من العلبة ولا من الخراطيم و غيرت فلتر هوا و غيرت سير الموتور الخارجى ( مش السير الداخلى اللى هوة جنزير )
و مغير اربع عجلات و مغير طرمبة بنزين اصلية

دى كانت الشكوى الاولى و الاهم .. و ربنا يخليكوا ليا يا ولاد بلدى ...
اه معلش نسيت معلومة ممكن تكون مهمة ...
تقريبا و الله اعلم ان العربية دى صاحبها غيرلها موتور قبل كدة .. و دى معلومة مش اكيدة اوى ..
اصل هنا صعب انك تتاكد من اى حاجة ..[/QUOT

اولا السلام عليكم
ان شاء الله المشكلة تبقى بسيطة وانا اعتقد انها قاعدة موتور يمين زى ما قال زميلنا لان نفش المشكلة دى كانت عندى ولما غيرت قاعدة الموتور راحت المشكلة وعلى فكرة تغيرها مش مشكلة ولا حاجة دى حاجة شهلة اوى مبتاخدش نص ساعة بالكتير عند اى ميكانيكى
وان شاء الله خير