اعضاء المنتدى الكرام معايا 15 الف وعاوز عربية تنصحونى باية ؟

**medical_wagi** · 06-03-2013 01:26 PM

فى البداية احب اشكر كل القائمين على المنتدى وكل الاعضاء لانى وجدت فيه من المعلومات ما لم اجده فى اى منتدى اخر مما شجعنى للتسجيل فى المنتدى والانضمام الى هذه الكوكبة الرائعة من الاصدقاء الذى احسبهم خير ناصح للجميع لوجه الله تعالى

ثانيا انا طبيب متزوج حديثا ومعى 15 الف جنيه واريد شراء سيارة جيدة بشرط تستحمل السفر 70 كيلو يوميا وايضا تكون قطع غيارها متوفرة وسهلة الحصور عليها

امامى لادا سمارا موديل 95 1300 سى سى وامامى فيات 128 وايضا 127 وبيجو لا اتذكر نوعها ولادا 2105 ولكنى لا املك اى خبرة فى هذا المجال وسوف تكون هذه المرة الاولى لى لامتلاك سيارة

بماذا تنصحونى واسف على الاطالة

**aboomar22** · 06-03-2013 02:37 PM

من الموديلا اللى حضرتك ذكرتها يبقى لادا سماره اصحابها بيشكروا فيها انما لو تقدر تزود شوية يبقى ممكن مازدا 323 او سوزوكى ماروتى طبعا السوزوكى علشان بتكون موديل احدث

**medical_wagi** · 06-03-2013 02:58 PM

المشاركة الأصلية كتبت بواسطة aboomar22

من الموديلا اللى حضرتك ذكرتها يبقى لادا سماره اصحابها بيشكروا فيها انما لو تقدر تزود شوية يبقى ممكن مازدا 323 او سوزوكى ماروتى طبعا السوزوكى علشان بتكون موديل احدث

اولا متشكر جدا على رد حضرتك السريع

بس السوزوكى الموتور بتاعها سعته صغيرة هتستحمل السفر كل يوم 70 كيلو ؟

اللادا سمارا خايف من قطع الغيار

انى ازود صعب حاليا لانى طالع من مصاريف جواز

**aboomar22** · 06-03-2013 04:49 PM

بالنسبة للماروتى لو حالتها كويسة مفيش مشاكل فى المسافة مادامت مش محملة بعدد اشخاص كبير وممكن نحاول نتعرف عليها اكثر http://www.nilemotors.net/Nile/152031-a.html

http://www.nilemotors.net/Nile/14710-a.html
اما عن قطع غيار السمارة انا شايفها مش عالية ولا حاجة وده تقرير من اصحاب العربية
http://www.nilemotors.net/Nile/27875-a.html
اما بقى البيجو اللى حضرتك قولت عليها اظن بالسعر ده او اقل شوبة هتكون 305 ودى بقى عشرة النظيف منها هيعجبك والتعبان منها هيقرفك بلاش منها احسن