الموضوع: أصل اللوحات (الموضوع شغال ولا خلاص)

المشاركة الأصلية كتبت بواسطة mesaharaty

إنا لله وإنا إليه راجعون
يا جماعة الخير أنا الرخصة عندى قربت تنتهى ، وأنا للأسف الشديد وبكل أسى أقول لكم : أنا تابع لمرور السلام (عليه من الله ما يستحق)
السؤال بقى :
المرة اللى اتعاملت فيها مع المرور كانت لتغيير الملكية حتى تصبح الرخصة بإسمى وقد تم الموضوع بسلام من 3 سنين تقريبا .
بس أنا فاكر إنى لما جيت أطلع المخالفات إدونى ورقة صغيرة كده وطلبوا منى إنى أروح بيها مرور الدراسة علشان أجيب ((أصل اللوحات)) ورحت وجبت أصل اللوحات ورجعت على مرور السلام مرة تانية لإستكمال بقية الإجراءات .
السؤال بقى جاى أهه ::-
هل المرة دى برضه لازم أروح مرور الدراسة علشان أجيب أصل اللوحات ولا خلاص على كده ؟ من المفترض إن الورقة اللى جبتها مكتوب فيها بيانات العربية ورقم اللوحات الأولانية .
علما بإن مالك السيارة اللى أنا اشتريت منه برضه تابع لمرور السلام .
وهل شوية خرابيش بسيطة فى الصاج تعمل مشكلة فى الفحص ؟

مع الشكر للجميع
آه صحيح أعمل حسابى على كام مصاريف الموضوع (3 سنين)

طالما أخدت لوح من مرور السلام خلاص مش هتروح مرور الدراسة تاني لأن ملف عربيتك اصبح تبع مرور السلام فكدة انتهت علاقتك بمرور الدراسة كل الله هتعمله هتجيب شهادة برائة زمة ( مخالفات ) وتفحص عادي وبالنسبة للخرابيش في الصاج ماتقلقش منها طالما مافيش دخنة في الموتور ولا كشافات مكسورة ولا استيكرات وملصاقات وفامية... والطفاية مظبوطة خلاص كله تمام وكدة كدة هتدفع العشريناية ... وطالما هترخص ثلاث سنوات أعمل حسابك في 700 جنية تحت العجز والزيادة ... وبالتوفيق ولما تخلص مشوارك ابقى اعمل تقرير أشرح فيه الدنيا اخبارها ايه هناك في مرور السلام ... عشان انا الثلاثة سنوات بتوع الماروتي خلصوا ورايح مرور السلام ايضاً إن شاء الله ارخص في شهر 5 الماروتي وفي شهر 8 الانوس